¹ Afo Festusi mini provinsifim yefegemi, naemi taria (3) wayawami yakagami, Sisaria ke mentapa Jerusalemi'i uremi. ² Anom yinom wata nampa yinom wata Juda ke muna aufimi Polimi uremi, Festusimi eraruremi intaemo. ³ Bemi intaemi eyo waya yiminami Polimi umanti ami ranti bemo Jerusalemi urinami, akafami, yemi arumanti fugirantemo. ⁴ Festusi waya anona emi semi. yemi Polimi fakarami Sisaria wami ayaka buwami, benana'o yerademi bemi. ⁵ Bemi semi, mini imi, yigepike mana'amo amaka, senu nampa minifa bitemi, mini wata manomo umanto dukanai, kanami Koti sasakana gomi. ⁶ Naemi Festusimi enawa bu wage'emi aiti'a (8) wa'yawam nampa teni'a wa'yawam, afo yiyimemi Polimi avigeya beka ye. ⁷ Polimi yema fawaremi, Judayu Jerusalemi wayi ben adeka wami, nesu umam waya yu se'emo mini waya manoni anta yenana'o bu afakanayo mini waya manomi. ⁸ Poli waya anona emi, beyi waya ake'iranti, mani semi, semi mana sayeke bu urukau Judayuyi lo mi, mono mapinafi, sisa avikai. ⁹ Ugami Festusimi Judayu'i yira soke bemi uakago yanti, minimi Polini waya anona emi semi, Jerusalemi urinago eni waya intanoyare, mini yanta ganti? ¹⁰ Poli semi, semi sisa augaka itavugau itemo seti Koti intago yanti, emi intama avogu uganami, semi mana sayeke mana Judami bu akakau. ¹¹ Ugami semi sayeke urukeo semo sayeke ukueo fugono yanti mini sayeke yanti afo semo mini yanti waya bu dukau, ugami yemo waya seyafi, sufimo magami minimi muna'i, mana watamano semi lo ayapim bu magatemi. Semi sisa intau nami seti waya intemi. ¹² Naemi Festusi kansolo yu nampa waya siremi, waya anona emi semi, emi sisami eni waya intano, mini inamote sisa wapage bono. ¹³ Afo mana'a nurami, King Agripami ya Benaisi Sisariake yema amonenta yimo waya sasake tamo. ¹⁴ Naemi nesu nurami minifa wami, Festusi mini waya Polimi Koti sasakam wayami kini amemi; mani siruka,Feliksi mana wata kalabusi wata yanta uremi duka. ¹⁵ Semo Jerusalemi wauna kanafimi, anom yinom wata nampa yinom wata Juda yu pake yemi mini watami sekai Kotimi siga, semi Koti mano eyo sinana mini watamano sayeke mara. ¹⁶ Semi yanti waya anona e'i se'i, minimi, Romu yuyi anta waye mana wta yiminami aritemono, bemo wayamo bu sima Koti sasake wanani yimi. ¹⁷ Minugami, senampa'o managa duwantu omi, semi bu dafiseu, ena wayawami Koti intewam maguga oma kumante'u ure'i yiyime'i mini wata avige urogo se'u. ¹⁸ Mini akumo aufimo amakayi itavemi Kotimi sasakemo, semi nitanaunami, mana mini waya mano umanti bu duka. ¹⁹ Ugami, yemi mana'a uamaranti yeyi mono'o sewan antayanti, Jisasi iyemo fubugayi, itemo Poli semi aumi mantemi fawane. ²⁰ Semi ama bu ugau ami manta fawari mini waya manoni antami, bemi intae'u kanawa Jerusalemi'i oravema mini yanta yu ganti Koti intateve. ²¹ Ugami Polimi sintaemi kalabusi mapimi be'i sisa avewanami beni Koti yema intanani semi yemi yiyime'i bemi fakaramo waganaga sasakana sisa wapa bino. ²² Agripa Festusi nanti semi, sewa mini wata mano waya intarare "afo Festusi semi sagana beni waya intano". ²³ Minimi imi ena wayawami, Agripa ya Baniasi yentamo mini maguga wata anasi mo anom yimo ewami, a'a fegentamo aruvim wata yu nampa mini magufike anom watayu nampa, Festusi arama simi Polimi avige yemo. ²⁴ Afo Festusi semo, Kimano Agripa, nampa yige masidem wata senu nampa wayimi yige iyemo mana wata amonayi masidem Juda wata anasi iyemo mana wayamo intami Jerusalemi wa managa wa, arama se'i mana watami ame urena fugino. ²⁵ Semi inte, amone unami, mana watamano mana sayeke bu'uruka amaka fuginanini bu uga; ugafo nayeyare, bemi sisami intaemi ofaino yanti bemi minuga semi inte inte urukau sasakanam binoyanti. ²⁶ Ugami semi mana sokeugam waya budukau sisapa aganta daminami. Nayeyare mini intiranti tinami, semi bemi avige'i eka'i ye'u,, mini emi Kimi Agripami semi nesu yanta'i agarana nuna mi umaranti. ²⁷ Nayeyare, bu ategatemi semo mana kalabusi watamo binam wa mana anta bu duka waya bu siruka naye antayara Kotimi sasake yafo bemi.