¹ Seyuyami sokeureya oraveya,seyuya inte amone osiwauna mini ailani manoavidemi maya. ² Wata anasi mini magufikemi yirai simidemi avogu waya senu nampa semo iami aganta sikemo nayeyara ano ai ruremi mauman igoti remi. ³ Ugami Polimi asan igayu duwantu uremi aaremi,iamanoni koko imi mena mema mano yerawemi poli ayami ukaemi. ⁴ Mini maufike watayu amonami mini mema mano Poli ayaka igemi wami,yeyiwanapa se inte emo mana waitami,watayu yiruma fuewayimi,ugami bu nopimi bu fugemi ugami lo mano ifa araram fa bu bu watemi. ⁵ Ugami memamim maregem igafimi demi bu fugemi. ⁶ Wata anasi abe'evem be amoneve au mano koko inami dufambe fugitemi,augaka bemi amone'emi,uami mana'a anene bu fawaremi yemi manta intiti waye demi yemi semi,mini watami mana gotimi watemi. ⁷ Mini ayapai adekai mana'a magemi wami mini magami,mini ai animanoni yinom wata intami,ben avi'i publiusi bemi seyuyami avogu waya nampa sivi gami 3 a wayawami seyuyami dafisemi. ⁸ Mini nurami publiusi afoemi ai emi au iga gami ara'i aimi polimo bemo ayam bekademi augam muku akami,be mi asofemi. ⁹ Mini anepai masiden wata anasi mini ailani fikemi iyemo yi o dukayi poli ko yemi augam muku yikami soke'emo. ¹⁰ Wata anasi seyuyami anon sivi'i simemo ao biranti osiwaunami,anene akiyi uga fauna anene simemo. ¹¹ Kamore biyo anepai,mana sipimi mareyamofau Aleksendra yerareya beyamo fau mini sipimi minifai wae'emi magumo iyontori kanafim Aleksendra sipimi kam muna gotini amami dukage'emi anokai. ¹² Naemi sirakusi taonifim yema kepeya mofau,kamore wayawami wage'eya. ¹³ Mini ayapai sipi mareya oma fawareya anona taoni regiumi'i mana wayawam anekai siyan ugapakena uvamano itavemi kam wayawami samanami seyuya oma fawareya mofau anona taoni puteori'i. ¹⁴ Mini ayapa'i mana'o afa awa yifakeya yemi seyuya sitaemi 7 nia wayawam yenampa wafano yanti mini agipakemi romu'i beyamofau. ¹⁵ Naemi afa awami,senuti waya itaremi yemo seyuya simonarati yemi maketi gai yeravemo apiusi nu kamore taveni poli afa awa yimonaremi gotini susu siakemi miniyimi ben arai manta ake'emi. ¹⁶ Romu yerawofai nami,polimi benanaomi arami aruvim watayu iyemo beka dafidukayimi. ¹⁷ Kamore wayawam yakagami,polimi dafisiru,yarami Judayu yiwanapakem yema duwantuemo yemo duwantu'o mi poli manisiremi yiyimemi semi,afa awa fugami semi mana sayeke wata anasi bu uyikeu senuti wata anasi,seyuyanti sinau'u yifoemi ugami semi kalabusi yanta uremi Jerusalemike romugu yiyapim mareremi. ¹⁸ Yemi siutauran anekai yemi semi fa sirana bonoyanti,simi yemi bu siritemo nayeyara semi mana sayeke bu aukau. ¹⁹ Ugami,Judayuyi difisiru yira faru bu mantuka romu yuyi intiti ranti,minugami semi sisami intaurai koti yerare senu ugami semi muna mana wayami sesi maguyanti bu sira. ²⁰ Naye seti anta intiti koti yerare sirasuma emi amoneva eve anisira,mini mana'a Israel yuyi yimakuku kai semi kalabusifimi sikaka. ²¹ Afo yemi mamsire bemi sasamemo seyuya mana afunti judiako mareya buyeyamofau mana afa awa waya mone demi en ara bu akemo. ²² Ugami,seyuya en ofeke naye intito mini amakukuka dukana,ugami,seyuya inte amohe uga siwau maside ayapa mini yanti aruvim wayami mini waya yanti sevemo. ²³ Kanamo ame kanami,nesu waita anasimi bemo wakai yemo,afo polimi waya yiyimemi gotini eraru ganti inawa yiyimemi Jisasim wayawa Mosesini lo wa profetiyu,wamu rakakebem aneka. ²⁴ Mana'ami Polini waya intaremi yima kuku emo ben agai mana'ami ben aga i yimakuku bu emo. ²⁵ Mana yiraka yeyiwanati bu waga'emo mana waya poli sire yerare bimi minimi manimi uga ayo aga ano sima amauruka yogan waita asaiaka seyuya sinaunanapa sifo unanampa. ²⁶ Manimi siremi siruka,emi bewa mini wata anasi ure yiyime,emi intanonam wayamano ami'i bu intama soke buinayo emi amonano nami fo amonama soke buino. ²⁷ Naye yarafi,mini wata anasi yira'ano uyakami,yagamano bu intara ewa yugam uyagemo naye yarafi,yemi bu amonara ewa,yeraremo amonevemo itavemo wayamo irantemi,orare seka yeraviga semi yemi manta soke uyika. ²⁸ Mini anta yanti yigemi intama manogo gotimi beyi waya demi yeraremi avigemi wata mi bemi ena wata anasi inami yemi intatemo. ²⁹ Undefined 30 Polimi ka kirimasikai mapimi benana'o aya uruka pimi,bemi intami wata anasi bemo wapai yemo. ^{31 30} Wayami yiyimemi gotini eraranti wa siyiru yimemi anona Jisasini waya mana watamano bu uyagatemi.