¹ Seyu sivi mante yaniofanu wae? Seyu yigemi afaunti buyikateyare mana agaranti yige wapa buyigateya, mana a watayu ewami ,seyuya nampa? ² Emi mini afaunti seyuya pim agantaruka ,senuya sirapim,masidem wata anasi amonanayom.. ³ Mi afaunti seyuya yigatemi Kotipakem yiga, mini seyuyami sasakeya,mini afunti.Mini afuntano inkifim bu agantaruka,minugami Kotini ayo aga ano agantaruka. On amuga bu agantaduka; Masidem wata-anasi yupemi agantaduka. ⁴ Mini seyui eran simakukun rukafu Kotin augaka. ⁵ Kotini yogantim seyuya enomba yirureya bu warafano. Enomba yiymeya masidem yoganti seyuya erantigem bu mareyare.Minugamifo,seyuya maisire yiymeya, Kotimi bemi eranampa mini yokanti mantukafunam. ⁶ Kotimi senu manta beyi yoga waitayi usikemi mini yoganti awem kontra. mini kontrak yaufim bu'agantuka ,minugami Ayo aga'ano ninta mino.nayeyare,afuntano wata yiruma fugewami,minugami Ayo aga wata aumi yimewane. ⁷ Kotini yoganti agewaya yimitem, oka agantem fuginti manta fawaruka. Kotini eranampa yiga, Israili wata-anasi mosesi auga pem amonama soke buyuga. Nayeyara, Kotini eranti mosesini orasipem era saganti emi. Mini saganti sada-sada urem kiparantem. ⁸ Amoyono mani eranti yitemi mini kanga Aiyo aga mini yogam mantuka ⁹ Mini age waya mano yoganti watamo ko'i yimemi mantem anom sagam eranti marewami, Afo anom amo mini yogantano abugu eranti itugami. ¹⁰ Nayeyara, age waya nampa yiga sagam eranti, amaka ake'i buruka mini sagam eranti,Ayo aga beni yogam nampai. ¹¹ Mini anene kiparantem eranti makami,anom amoyono anene sagam eranti masidem nuram watemi? ¹² Miniyom anom sima kuku rukeya, itama ake ofanu. ¹³ Seyu mosesi kana bueya, iyewa akam unam wado orasi ayofarem,Israili wata anasi orasipim atedem bu amonatemo, mini sagantano eranti sada asda urem kipatem. ¹⁴ Israili wata-anasi yiyi intinti uyagemi. yemi mini kanga yeravemi, mini akam unam wado amaka ugem fabemi,yemi yantaruka wafa sima antaruka waya. Mini akam una bado mano buyirem buyuga nayeyare, Kraistifim mini akm una- bado mano yera yiratemi. ¹⁵ Ugamifo, mage mana kanagai, Mosesini age waya yantemi, mini akam unam wado mano yirapemi uyagemi. ¹⁶ Minugami mana waita mano Anona wapa yitemi, mini akm unam bado mano yera aratemi. ¹⁷ Anonami atekami bemi ayomi. Itemagufa Anona mano ayomi benafi, mana anene mano senu bu'uya ganani. ¹⁸ Afo, seyu masidem, Anona manoni saganti eranti amo nafanu, mini akam una-wado mano bu'uya ganani senu sorasi. Anona mano ni sagan eranti senuya matem ateyikem, mini akepi ofebem beniugam mana waka bemi ena ufaga, Anona mano itemi, mini iyemo Aiyomi emi.