¹ Minugai senao seyanti dayinte mani intiri ege, owayege yige wapa buyete, afo yerade anona umanti bu yimirare. ² Ugamifo semi yibisi yimidanam, iye semi amo usikatene? Yige mini akumi semi sira umanti yimiduku. ³ Semi yige wapa afunti agarege dukau. Semi amaka amo usikanayom akumano semi yenami umanti simiteye. ⁴ Semi anonana sigunane nampa afunti agarege yige wapa dege, afo sirai dagagami afo amuna sinumi kumem. Yigemba yivisi bu yimirare. Minugamifo, semi yigepim ano ayinti dukauna amonago, ⁵ Mana waita mano yibisi manta fawarimi semana wa uwatike naye, semi yigemi bu dayimarare. ⁶ Iteyio me yam amuna akumano mini waita aminayom, bemi amakagi uakatem. ⁷ Minugamifo, bemi kumi arega afo aria amego. yigemi minitei, yigemi bemmi ofaure amuna umanti manta magafim danagone. ⁸ Minugai semi erarure sena manta faka yiyatega, yigeyi ayinti mini waitafim ⁹ mini intikai semi agantei yigemba makasira, aga maside waya agantauna awakure uegafo buwafi. ¹⁰ Yigemi enoyi maside kumi yirai, sewa yenyi kumi yirege. Semmi amkai yen yi. maside kumi yirege, yigenyi aboguganti krasiin abipim mini manta uwarege. ¹¹ Mininam senu wananomi muna bu simino, miniwa beni munaganti sivim bugafano. ¹² Kraisini abogu waya seno yanti anona mini ayim diruka, troasi anon taunifim. ¹³ Ugamifo, seti supeken ayomano pimi sira faru bu afakaruku, naye yare, setiwae taitusimi bu amonaruke. Minugai sefo mini awafa yerarei mesadonia bugau. ¹⁴ Susuve sima Goti wapa, maside nuram sofaiya kraisipi yakageya. Seyuana ben ami mantafunam abogu muku ganta masidepa buga. ¹⁵ Kraisipim seyu mini ase'e wa muku ganta Goti wapa bugafu, miniwa iyewafi aumi marana yon akunampa afi'ina yo nampa. ¹⁶ Fugintano amugai seyui abogu mukuganta ugafu. Afo abogu mukui aumano amugai. ¹⁷ Naye yare, moni nako Goti ami anake wa waita wa anasi amaka seyu bube yare, bube, Gotini, ateka intinapa,afo Goti agukai seyu mono wayami kraisi abipim seveyare.