¹ Minugami seyuya mini yogan mare binti Koti simiduka, Kotini agunanene marafuna amaka mini yanti susu mana sefa umari bu ofanu. ² Mini aupa anta nampa agaye anta yera ifadeya a'ao sefa.Seyuya muna antafim bu beyami, minuga yami Kotinami sima aganaga buyeveyami atede ya siyime wafu,watanasi minewafuna senu simone Koti augaka fuga ateka anta ewane sitemo. ³ Afo minugamifo mana mono waya ayofaganami yemi yeradem afi inayo innim waita yu intika ayofatemi. ⁴ Yenyi ayapa mana magakena muna koti yeyi yimakukunim intiru manta ayufum karuka, mini manoni antami yemi mono waya manoni onampa ano- na manoni sagaranene,Jisasi bemi Kotini awu awa uga yinanti. ⁵ Seyu seyaranti busewafau ,amaka anona Jisasika ana sireya, Jisasi avika seyu yigenyi yogam waitayi ugafau. ⁶ Koti mana-mi bemi mini sirem siga, ''ayufumpike anona omano sagatene siga'' Senu supem sagatem,On yiminami awogu inti nampa Kotini sagaranene mente Jisasini orasika sagatem. ^{10 7} Afo seyu mana anon awogu anene maga kurafimi ruka,minugamifo amaka ama uga Kotini yakagara ugam eranti senutita waye. ⁸ Masidem awafakem seyu si nampa umanti marewafau,minugamifo mini umantano senu yakagarem manta rawa buyinani. Masidem senuti intintano bu atege wamifo mini yanti agun anene senupim bu ituka. ⁹ Senu yan sirure umanti simemifo Kotimi senu sivekarem anem busikem,senu yan simemifo mini umantike sayeke bu mantukafu , Masidem nuram Jisasini fugunti senupim baya maraya nowafu,Jisasini awuawa ano senupim faka fa'warinani. ¹¹ Seyuo iyewafi famo uwa eveya wafuna senu sumano Jisasini avipim fukafo, Jisasini awu awa ano senuti amega suwunaka fawaritemi. ¹² Minugamifo fugintano senupim yogewa afo awem aumi marantano epimana yogewa. ¹³ Minugamifo seyui mayayom simam nampa amakukum rukeya mini wayami yaufimose agakam.''Semi simakukun eve wa sigau.''Seyuya simakukun eveyawa asigafau, ¹⁴ Nayerare seyu amone inte ofuna mana iyewafi anona Jisasi manta itarukayi senu ba manta itarm Jisasi nampa minurem sivigem bitem mente ewana magufim ewanafa. ¹⁵ Maside anenemi bami enavika ana uwaretepaya, agun anene mano biri ana amuna inim waitafim ewaganami mini anta mano manta itarana sususiranene mano maro anonayi emi mente Koti manami anon avi aminayom. ¹⁶ Minugamifo seyu amuna itiri buyugafau.Minugamifo senuti amega wunamano eram buruke fugem apinem bewa, minewami subunami mana mana nuram yewayegem manta awen awen inani. ¹⁷ Sa sini aki kanaga sito o-ya umaruano yofaurem sivima mente bugipam avo'aga sagaka mini avoa mano arafa maro sikanani. ¹⁸ Seyu mente sugamano amonewam anenega ave'eveya buwafa, sugamanowa bu amonewa anenega rafisewafu.Mage amone wafauna anene aki kanaga batem,bu amonewafuna anene yu ano bugipatem.