¹ Sifa tiwao, waya kipare, seyuyami sigen yira'i erarurafanaga me'e KraisJisasipimi enawa erarurega itabogo, Min'i amaka me'e senupikemo maran itinti iteni ure'o ateka antaga Kotin augaka binagomi.Afo sigemi Kotini ateka anta iriana e'i binagomi. ² Sigemi a'i senupikemi intim mantukane itama erarinago me,e Anona Jisasin avipim. ³ Minimi Kotini ayire me,e sigemi atede kade wanagom, minugafo sigemi nekega wago me,e savi antafimi yakagagarega mini savi antayu,i yakagago, ⁴ Bemi me,e mana mana wayi fuga sire eyana nampa atekam antaga bega afo Kotin augaka'i kui'i buyono. ⁵ Sigemi me'e sigenti yumanoni savi sawa ayintimi neka bega(afo sigemi savi sawa antayu sigen yinama'i bu uyikago me'e wata yuo Kotin ami buyintaga amakaganta). ⁶ Me'e mini antaga'i,mana waita danana umanti urena benafa awami buamino. nayeyare,seyuyami sigenanto eram wayamo sewafunami Anonamanomi beyasamana mini savi antayuose ewam waitayu yemo on savi anta amuga savi meyam yimitem. ⁷ Kotimi, savi anta awakurogo sirem buyararuka, bumi, beni atekan anta mana awakurogo sirem yararuka. ⁸ Minugafo iyewa benami dadayive, bemi wata ami bu dadeye, buve, bemi Kotinami dadem bemi iyemo aiyo agao sigemo yimidukami. ^{12 9} Semi sigenanti manisire'i ake waya sirare, sigemi ena yimakukum inimwaita ewayi yiyigara ogo, mana waitamano afaunti aganta bu ratene sigepimi me'e enon ayirantaga,nayeyare, Kotimi aiwafa'i sigemi yigatigane me'e enomi ayigara irantami. ¹⁰ Nayeyare, sigemi ai wafa'i awogu anta ugane me'e amakukum inimwaita yiyigara ugane me'e Mesadonia masidem awafa wayi. Minugayami afo seyu'i sigemi yiyimirare mini angtami enawaga ega bogo. ¹¹ Minuga'yami sigenanti seyami sigemi yoma erarurega sarage bega afo ena waitamanoni kumantiranti nesu waya busego.Sigenanao sigen yiya pike awogu yoganti yogago, me'e seyuyamo sigemo a'o yiyimirukafuna yiga ogo. 12 Afo sigemi atede'i watanasi yugakao ninagomi iyenuo Kotika'i amakukum bu ewayi, Afo amaka sigemi mana anene yanti bu akurinagone. ¹³ Afa awayuge, senuti erarintinti sigemi amone intama soke ogo yare yimakukunewam waitayuose wa fukayimi naye anene wa yen yigeka fawarinaninafi.Yigemi Kotika amakukun ewam anta amone inte buyugani buyogo.Anom agun anene yimiduka mini waita yu'o wa fukayi, nayeyare, fugepaya yenanao itawe aum bu maranayomino. ¹⁴ Afo Seyuya man'i simakukun eya Jisasi fubemi yeradem itawuga, amaka mayayoni urem Kotimi itabuyikatem bepimose amakukune'e oma fubugayi, afo Koti yivigemi yemi Jisasi nampa yitem. ¹⁵ Minuga yami seyuyami Kotina nampa'i mi'nisireya yigem siyimiduka, seyuo iyem waitayuo mana nuramo wafunagam Jisasi oradem yinanimi, yigenarem Jisasim bu amunanagomi.Buwe, mini waita yuo iyemo Kotika yimakukun e'eyom waita yu fukayi, yemi itavepaya yenarefa Jisasim amonatemo. ¹⁶ Ano'namano benanaomi Inarufake kumitem anona ara nampa ananta wam ankeroano Kotini ufem arewagana watanasi iyemo Kotikao yimakukune'eyoyi fukayi yenare itaviteye. ¹⁷ I'naemi mini nuram fawa rina seyuya iyemanumo famagaga wayi nampa yimakukune,e paya fukayu nampa ruwantu ofanu.Afo seyu masidemi Jisasi nampa konaka duwatu ofanu.Mini antaga'i Kotinampa wantana wanti wateyamu. ¹⁸ Minugami, manawayimi enom sima eraruaka Kotina nakom.