^{2 1} Afo afa;awayugo, bumi afaunti aganta yime fauno; Anonamano owayege yinanim. Enana'o intama soke urukanami ano'nami orade yinanim umo wata yanta ayufupim yitem. ³ Yemo semo arafaru nampa awa'awa nampa sadagem umanti yeka yitem. Amuwa inim mano marewayi'o umanti marano. Ena ayipake bu yakaga temo. ⁴ Afo yige afa'awa, yige ayufupim buwa mini nurami buyakagatem umo wata yiurem yitem. ⁵ Nayeyare masidem yigemi omanoya sagantanoya yiga'i wano. Seyuya kumayu anoya, ayufu manoya yiga buwasiwau. ⁶ Afo minugami sunti bu buwawofa eno ewante.Seyu rafideya wafa awogu intim waita gana. ⁷ Yunti wavewayi ayufum wavo, bia, sipaki nonewayi ayufupina nago. ⁸ M'inugamifo seyuya wa'yawam manoni akupim wate'yare, maside nuram awogu intinti mareveya, amakuku nampa eno ayir antami aruvim unam bado yi ono. ⁹ Koti senu bu ugaduka beni ara anene marafanu yanti, senuti An'ona Jisasipim senu sividuka. ¹⁰ Bemi, senuganti fubuga, fugeyarafo fabeyanafu ben nampa bantana aumi marateya. ¹¹ Minugafo bemi bemi amakukum ofa ure erauwaka, wafa o ni ogo. ¹² Afa awa yigemi yinta e'yare, yigen yiwanapa yogewayi yimonama soke urega yigenti rafisim waita Anonapim wanu nampa yigem ategewayi. ¹³ Seyu yami yigemi yinta e'yare, mini akum yemi amone inte ogo yare, nayeyara yemi yogam matuka. yira faru anene yige nampa wano. ¹⁴ Afa awa seyuya eram age waya yigem yiyimeyare, buatekem wayi yenti agefayika, iyewafi awogu ure buwayi. Eram bumakanu yofa eve awogu anta mana uyika. ¹⁵ Yigemi amonago manawayi yigepikem mini antami bu urago savi anta eno yigemi uyika. minugamifo, yigemi anene uyika awogu uwakano manawayi nampa masidem. ¹⁶ Maside nuram yimoyo. ¹⁷ Maside nuram yugamuko. ¹⁸ Maside anenefim susuve siyaka, minimi Kotini ayinti Jisas Kraisi enintami. ¹⁹ Ayo aga'ano yoganti simabu faka. ²⁰ Kasanampa wata yayanti yibesara buyo. ²¹ Rayinte masidem anta amonare naye wafi awogu inanim faka. ²² Savi sava antayanti nekaga bago mini eya savi gana fawarine. ²³ Yira faru eva Koti yigem manta ateyikanani yigeyu iya'yigeni yu nampa auiyaontanoyiraka wano mana umantim buwanami Jisasi owayegem yinanim. ²⁴ Watami yigemi yararukam masidem nuram rafidem yigem yofaira,bemi manta fawaritem. ²⁵ Afa awa senuya yugamuku sika. ²⁶ Awogu anta afa awa uyika eno ayiranta. ²⁷ Semi yinta'e anona avipim mana afaunti maside afa awa yantare yiyime. ²⁸ Anona manomi awa awa seyuya nampa watemi.