¹ Minugayami yigen nanti anona intiri uyikareya mini anene dafanam ayaka senunampa buwanani, ugayami seyuya intafauna ifadeya Atensi wafanu. ² Timoti sasakeya Kotini yogari ewam waita manta ateyikarem yimakukum soke uyi katem. ³ Uganami mini umantano manawayim manta savi buyinani. Yigena'o intaga senuyami mini yogaka sisika'ka. ⁴ Fuga ugam, yigenampa wafunam yigen yiyimeya, mini nani umarui marateyam mofau.Intagani uremi fawaritemi. ⁵ Mini anta yanti Timoti yige wapa sasakafau eni awogu waranti, minugami makasewam watamano emi makadami senuti yoganti fafasem fayantagi ina'nira. ⁶ Ugami Timoti sigepake, seyuya wafaunafa awogu waya marem yemi. Bemi seyuyam sisimem yigemi awogu intiru'i senuya nampa dukami, senuyam simona'ranti, ano inti'ri ewa seyuyawa yigemi yimonara ano inti'ri ewafau. ⁷ Mini yanti afa'awa senuyam manta soke uga yigenti avogu wantano,yigenti amam kukum mano senui ara'faru simemi anona umanti mare wafau'nafim. ⁸ Magemo wasu'waunami, anona mano'pim akeure wa. ⁹ Seyuyami yigenanti inta reyami seyui Kotimi anon simo yuakewafau. ¹⁰ Ayufum ba wa'wayam ba era sugam mukeya, yigen yorasipem yimoneveya sigenti amam kukum manta erar'uyikara. ¹¹ Koti nampa senu sifo'e ben'nana'o anona Jisasi senu'i ami sigatiranaya yigem maro yimonafanu. ¹² Anona mano em manta anonayi ena ayiaka anta eno uakem masidem wata anasi nampa seyuyamo yigemo osuwanunayi . ¹³ Yige manta yira atedana yigem muna bu siyika awogu wari Kotin augaka Jisasi mo unda'remo beyi wata ansi nampa kumina nika.