¹ Setifa tiwao, yigemi intagane, yigewapao seyuya yefaunami soke ugane. ² Ugami yigenanaomi intagamio seyuyami anona uma nampa sigayemi Filipai mantukafauno. Afo Kotimi senuyam eranti simiruka Koti ami siyimefano yanti yige wapa ma mini umantike. ³ Eram waya yigemi yiyimeyamuno mana sayeke wai buwane bu atekam waya nampa muna ayim . ⁴ Kotimi senuyami uyamaka senuyani simakukum nako amakai ben ami siyimeno yanti yige pai, minugai siyimewafuno . Seyuyami wata yuga yira soke irara seveyanau, buwe, Kotimi amoyuakeve. nayerare, beyao seyuya sirapim wa intintim amonewa. ⁵ Yigemi intagamino , seyuya manayaba muna waya busigau yigen yivi yani ira yigepake mana'a anene marara, awogu waya mana bu sgasiwau seyuyani augan arinti iayofaruka yigepake moni inarure maranti . Buwe, Kotimi masidem anenem uwarafau nafim rafitika. ⁶ Watayu pake anona sivi bumarara yige pakem wa. Seyuyami Kraisini yogam waita yigepake fami anene marateya. ⁷ Seyuya sadageya yigen yiwanapa veya, anasi mano be aga fanta suke urem dafisini ureya. ⁸ Mini ayipimi, yigemi seyuya siyigara ewau funo yigemi Kotini ami yiyimira, nayeyare seyuyami se sami yigemi yimiduka fauno . Nayeyare, yigemi senuyanti amonantim yigemi anona yantagi ugane. ⁹ Yigemi setifa tiwao, yigemi intago senuti era yogaranti intago.Seyuyami ayufumwa wayawam wai yogewafauno nayeyare , seyuya yigemi umanti bu yimira .Mini kanagai , seyuyami Koti ami yigemi siyimewafau. ¹⁰ Yigewa Koti wai witnis wanago, seyuyami ateka antanapa awogu awuawa ewafunai senuti sawi anta amonama fawam iyomino . ¹¹ Mini amonari yigemi ogo seyuya osuwauna antami amonago manamana wayi afoemi aga anoka rafisewani . ¹² Yigem manta ake uyikeya yira manta itarafanai Kotimi ayeye wam ayika bogoya. nayeyare, bemi yaramanti beyamapim beyi erantim maka. ¹³ Mini antayanti seyuya Kotimi sususiakeya madem nuram, nayerara, Koti ami marananti seyuya yigemo siyimefauna, yigemi wata ayi ure bumaramino. Fuga, yigemi Kotin ayi ure maramino, nayeyare, mini wayami yigen yiwanapa yogemi yimam kuku ewam wata anasi. ¹⁴ Minugamifo yigemi setifatiwao ai mono waya awakurewam waita yi omino Kotipim Jisas Kraispim Yudia keno .Nayeyare, yigewai yuyi'i mantuka yigenyi akupake Juda oni ure yeyi kum urukani . ¹⁵ Yemi Juda yu anomi anona Jisasimi aruruka Kotinin kasinampa waita nampa yiruruka .Yemi Koti arai buwai ragagewa, buwe nayeyare, wata anasi umanti yimewa. ¹⁶ Yemi senui age usikaga ena wata anasi nampa a bu sefa noyanti, nayeyare, yewai bu kipam aumi maranayona, minugami yenyi kumi ituka minimi yenyi sawi yunamano agami .Yenyi kumi anoni yunami itukarauga Kotini aran anene yen yimuga yitem naem kipam nuram. ¹⁷ Afo seyuya afa awao yigen yideka iwafauno, senuya sirai yigenampa wane , Senu sirapike siyigara ewano yigen yorasipem amonara. ¹⁸ Yigewapa yirateya ano siyiriewa. Semi Polimino, yigewapa yira ewau namifo sata mano ami uyagewa. ¹⁹ Naemo marafanuna aneneyui, minimi amoyintino, Kini anokakena ata ino ano avi'i seyuya marateya anona Jisasi yinanim nuram? Minimi yigewa enowa yimakukum ewam wagta anasi? ²⁰ Yigekake semi simoyure ano sivi marewau.