¹ We mina semoni ,'' se puka ukami seko, , Ike afakam maweko kinke iye puke'i ,ona nakomi Gotini eranda kumina onanakomi.'' ² Afa mana omande yamu, Jisasi, Pita'wa Jemsi'wa Joni'ma yiwike iyena anufa yenama unde onayomi Jisasi ofa ena onini onenoyo. ³ Yeni kamuna fawadere maro kakama kademoni,mana makakawa iye minuka kakaru wemoni. ⁴ Ina'emi Ilaija wa Mosis afota yora eni Jisasi ma asemoni. ⁵ Pita ukukaeke JIsasi same moni,'' Iyeno mini awoku wai wayu kamore mai uwan yikante'u. Mana enindawa ena Mosesi indawa ena Ilaija inda.'' ⁶ Minonimi we iye mana indim dukem semoni, newarafi ye pekenoyo. ⁷ Mana ayoni yen yema dademon, Minonimi mana wayani mini ayontinke semoni.''Mana sentiyikan intai,Wen awaya nana indenoyo.'' ⁸ Akaka ukane onayomi,Iyen wenoyo fo Jisasi mana wemoni. ⁹ Afo ye anufate kume wayomi, Jisasi eranuremi siyi memoni, Iyewa mana watanta onekon anda siyimeko eana Koti aka mana masi kinke ukukena siyimi. ¹⁰ Minonimi yemini wayani omana indide minan tenoyo, Newaya ukana mana waya anda wenafi pukirafi o ukukarafi. ¹¹ Jisasi inda eno,'' ne anda wara yo uwareyo Ilaija yino seyafo?'' ¹² Jisasi semi, ''Ilaija yerena anene warun dena yenyi makusa dano.Ne anda wara wanta aka uman amideya mana awi dadeyafo? ¹³ Seni se'i Ilaija yeranami ye indeyoke eno Goti awaya siyimenimana eno. ¹⁴ Disaiperu yeroyomi lo dukayo wanta'u nama'i ani senoyo. ¹⁵ Jisasi oneni umade wanta we wanipa oreni ayandeno. Weni disaiperuka inda memoni,'' ¹⁶ Newara yema ase weka teno?'' ¹⁷ Yenkinke maya semi'' Tisa,sentika awike yeko.Manda spiriti dukemi ani kurum sirimemi. ¹⁸ Wemi makaka inkamemi ,wen ofenkinke uworemi. Eni disaiperuka sewanani iyen siyayeno.'' ¹⁹ Weni semi iye indeko iniwanta, nauman yaka ikema wekafu? Afo mini inta awike yeki.'' ²⁰ Mini marera yomi mini spiriti Jisasi onemi mini inta makaka inkaman demi. Makaka yandemi akarememi. ²¹ Jisasi wen afo ka'i inda emi, '' Inten yamu kake minenafi?'' ²² Wen afo semi ankake minemi. Amunaya ikakim'a nompim'a manam kademi. Anene inte wayuna sikuno sire siyayo.'' ²³ Jisasi semi, awanka intewa? eni indikara yim awami inomi.'' ²⁴ Akemi wenafo ifidemi semi,seni indikara neko, siyayo.'' ²⁵ Anasi wanta Jisasi wanipa yenoyo,manda spiriti'u siyinkemi semi iyewa yerande yeko.'' ²⁶ Mini spiriti wadure mini inta ukiden mapa yemoni. Mini inta pukin wantake wemoni," ²⁷ Minonimi Jisasi ayanodemi ukukemoni. ²⁸ Jisasi namukin yeronini weni disaiperu indae-no,"Naukaka iye ekafu?" ²⁹ Yen siyime, Inaton mana inakomi." ³⁰ Mifa ukideni Galili yeankeni wenoyo. Jisasi yeweyopa iye onayo wani semi, ³¹ Weni disapeliu ka semi, "Wanta aka namuko ayankadanani arinteno. Kamore wayan anaemi ukukantemi." ³² Mini waya anda iyen indikeni,Inda irani peke wenoyo. ³³ Kapenaum yereyomi Jisasi makimi undemi yenka indamemi,'' Ne yike anka seka? ³⁴ Kayupeni seno. Yendirani seni iye iyena wanta wena. ³⁵ Jisasi twelfi disaiperuka semi kumande indeki, "Mana wanta anarintem, we yara dam kumino." ³⁶ Jisasi mana inta yafauremi yenka semoni. ³⁷ "Iye manukam inta mare ,semi marami, semana wa mareyano,sensifo iye sisinkeni wa'i maremo." ³⁸ Joni Jisasi ka semi, "Tisa,wayu sukanka mana wanta kurum spiritu siyinkewa'i wayuni dadempe, newarafi wayum iye wayum siwakewano." ³⁹ Jisasi semi, "Iyewaka dadaki, iye mana wanta iyena yokam intemi aka yerandemi senka kurum waya sintemi. ⁴⁰ Iye wayum siyenafi wayuma'i wemi. ⁴¹ Iye nom kapi yimin tenafi newarafi yike Jisasi inda wenosireya, puka se'i iye afe intemi. ⁴² Iye wanta sensika'u miniya yandin teyafo, oya yikaka kure ya nompin kadoki. ⁴³ En ayam mini na yande,uma aka. Awoku intemi laifi maranomi, kantam ayam kurum makusim dana winomi. ^{44 45} En akar numo'ina akaman kado. Newarafi kantam akam mini na kurum makusim winomi. ^{46 47} En okam numo ina rausi ono. Gotini makusim mana okama urinomo fo kantam okanama ikakim winomi, ⁴⁸ mifa wanta anasi iye ika kipeni amampa'i winomi. ⁴⁹ Umade daina ika wa'i sori minteno. ⁵⁰ Sori awoku ukemi, aka weni switi kakifemi, naude sori intefe? Sori wa uka anasi wanta kim.''