¹ Mini yanu, iyena waruyini wayomi, Jisasi weni disaiperiu yararemi semi nanayo nani iye wemi. ² Mana waruyini sikumi kenone, kamore dekahi sema'i weni nar iye nenone. ³ Afaka iyaka kenuni wai pa siyinkanani ankapa wa umpe min tenone. ⁴ Weni disaiperiu semi, manuke yandanda iye weni amampa inte nika ureka breti mande anasiwanta yimen sekafu? ⁵ Jisasi indaemi, " Na'uma breti dukeka?" Inda entenini sameni, siwenie senoyo. ⁶ Makaka kumandeko semoni. Seweni breti mandemi Gotimpa musetemi. Breti pundondemi disaiperiu ka danini anasiwanta yimenoyo. ⁷ Sana noyana disaiperiu dukayomi Jisasi mandemi Gotimpa muse siremi disaiperiu senini anasi wanta yeminoyo. ⁸ Umade awankafi me nenoyo. Arayu dayomi sewani basketiitikenoyo. ⁹ Mini iniwata 4000 ni yimeoni. yimidemi Jisas siyikemoni. ¹⁰ Aka emi weni disaiperiu nama boti kim indo emi, Dalmanuta amampa wenoyo . ¹¹ Oronimi Farisi unama eran wayani senoyo. Mana inarupa tena anda ampamono senoyo. ¹² Jisasi we andutimi era iyoni mande semi " Na"ukaja anasi wanta mana yamu inarun anda wan inanseyafo? Pukan seko, iye inaru anda mana yamu ampa mintemi. ¹³ Anasi wanta yere yinkademi botikim indo emi ena kepa wemoni. ¹⁴ Disaiperiu yiwimi kanini iye breti marenoyo. Mana breti ukami botikim wemoni. ¹⁵ Jisasi pekako semoni. "Farasi uwa Herotima yi yist. ¹⁶ Disaiperiu yeyindani senoyo, "Newara senatino, wayu breti iyen duke umpe. ¹⁷ Jisasi wa'ni indidemi, " Newara se breti iye weno seka? Iye andi'e ona keka? Iken yi indim pa dodakenafi? ¹⁸ Okam dukamifo, iye onefe? Akan duke iye indefe? Iye amarefe? ¹⁹ Faipi breti fo 5000 ni iniwanta nan yimemoku, Na'uma unana arayu wadekafe? Yemi sameni, " tuerupi ino senoyo." ²⁰ Aka seweni anamun dakade 4000 iniwanta yimekuna nauma basketifi? Yeni sameni seweni e seno. ²¹ "Aka ike iye onakeka?" Weni yenkai inda emi. ²² Yeni Betsaida wenoyo. Anasiwanta oka mukukanim wanta mare reni Jisasi nani seni aruano senoyo. ²³ Oka mukukani wanta ayami Jisasi paka maremi enafa'i wenoyo. Oremi okanka akano kutiremi oyami okankai demi indaemi, " Anene one wefe?" ²⁴ Weni yami kaka'e semi, " Wanta yone'u. Yone kuna yase weno." ²⁵ Yewa yekemi ayan okanka demi, dami mini wanta oka makemi, antede anene onemi. ²⁶ Jisasi mini wanta ama sanka demi samemoni, " Iyewa taunikim wono semoni. ²⁷ Jisasi weni disaiperiu nama Sisaria Pilipi wemoni, ankapa wemi inda emoni, " Anasi wanta sena iyene seyafo?" ²⁸ Yeni Jisasi samemi, " Afaka man nom yimenim Joni'ne seno aka afaka seni Ilaija, afaka seno, mana profeti ino seno. ²⁹ Weni inda emi, " Ike sena iyeni seka?" Pita semi " Eni iyeno wamino." ³⁰ Jisasi semi iyewa enu siyimeko, se iye wekafu. ³¹ Jisasi wayani siyimemoni, wanta aka'i amuna uma ni maratemi. Yinom wanta uwa, yinom prisi uwa lo indin dukeyoni wemi pudami arinteno. Pu'emi kamore de anaempa ukukantemi. ³² Mini amararen sirami, Pita awikemi Jisasi maroremi ase moni. ³³ Asenimi Jisasi waye ekemi disaiperiu yonemi Pita asemoni. " Wham ompo sina empa yanka kano Gotina iye indami, anasi wanta yi anene wani inda nami. ³⁴ Mini anaempa anasi wanta wa weni disaiperiu yararemi semoni, " Mana wanta sen siwakano sire weyara awinakano weyi kekaim mandena sen siwakano. ³⁵ Iye enamu pakantefe, eni pafasinomi, iye awoku wayasa wen amuna awiwa pafa sintenafi, wen amuni ante kantemi. ³⁶ Ne sasasira maran senafi, mana makaka kena anene'u marem, aka we maro yande pafasemi? ³⁷ Mini nami ne amidena weni amum maran senafi? ³⁸ Iye iniwanta sena, sen siwakan ayorintefe, aka anasi wanta kurun andawa ana'e ame, wanta aka' wa'i ayorintemi, wen afoni kakanta anero unama yemi.