1
Farasiu ka indin wantau wa Yesu wani pa'i yen noyo, Jerusalemi noyo.
2
Yere ona yomi, Yesuni afakan disaipeliu iyen yiyan waka deni, nan nen noyo.
3
Farasiu ka Yuda ini wanta, yiyan wakade mana nan neno noyo. Newarafi. Yen yinafoin awayani awake noyo.
4
Farasiu makitifa noke yere nondureni nana nan-nanteno. Awokufi mure awakeno, afakan andau wa, kapa sina wa kapa, kumandin sia wa'i wakaken noyo.
5
Farasiu ka indin wantau lo uwareyo, Yisum pai mana inda iri menoyo. Naukaya eni disaipeliu sinafu, sikakauna, iyena wantau yi war awakeyafo, naukaya nan namande iye yiya wakakeyafo.
6
Yisu mini siyimiri memoni, Aisaia peni yokin uwandemi siyime, ike uma wantau i wamino, mana ini wanta waya yiwanta mana seno, yen yira wa indinda nenka ukami wemi.
7
Pani sempa manteno, ye wantai wara, lo Goti awaya se yoyikeno.
8
E Gotini lo dadare, sinafu nayi wanta lo eranure pakami.
9
Weni semi, ike anasi wanta manda wani duke Gotini lo awaka ra yiwasara ami, minamuka ike yinafuna yi wan, pa pakaruka wemi.
10
Mosesi manatemi ike yino yifo yiwayaya indeko, iye yino yifo yiwaya iye indintefe, e pukinomi.
11
Afo e se, mana wanta en afo en ano manasire same, ne ayayira senkikena marefe, Gotini yopi'e minatemoni Gotin ameno.
12
Minukami, ea wen afonafi wenanonafi ara araukana.
13
Gotini lo uwande, sinafu sikakauna yi anda wada kumi. Ena manda andau wakadan kumi.
14
Yerande amuna ini wanta yarare semi, indeko mana waya sekuna, indintina mana waya dako.
15
Mapatena anene iye wanta numo intemi, orapi oremi, ne anene arapingke yenafi mini namo wemi peyan sawoku wantoni yo rawoyemi.
16
Wanta akan dukante wa indeno.
17
Yisu anasi wanta yere e emi namumpai wemoni. Weni disaiperiu wayeka waya sentina indirani inda enoyo?
18
Yisun se sawogu indin iye dukeyo wantau ke wami? Eke iye oneka, mapatena anene iye wantaandunti undana numo intemi.
19
Newarafi mini par iye wanta arapi urintemi, mini par arapi urintemi fo wen ankai ara ayipai yangkakatemi. Yisu mini waya seni poni umade na nanomi.
20
Yisu se, wanta arapinke mapa yenim anene wanta mande numo emi.
21
Ne anene arapinke mapa yenafi mini kurun inde inde maremi umo anda wanta puda ari anda ena amuna andau i wemi.
22
Ena awafu ena ana umoreyo, dofar anda, wapa iye indeyo anda, uma anda, kurun waya seyo anda.
23
Umaden mana andau'i mande wanta numo emi.
24
Yisu mini amampa yere e'emi Tyre na Sidon makafa'i wemoni wantau iye onako tire mana makimi umpekemonifo afotafi mana memoni.
25
Mana ini wena ramu manda spiriti dukanimi, Yisu akantimi mare akor ukaremoni.
26
Mini ini Griki fate yemoni, Fonisia makeno wemoni, Yisu samina manda spiriti yomaranka nowani inda emoni.
27
Yisu wen same, eana anu namandakafo iye anuyi na mareke iyanu yimenteu.
28
Mini ini yerande Yisu same, Pukaino, Iyeno, ara na teborikage makapa kumeni iyanuwa i neno.
29
Yisu wen tame, eni sesemifo, amoyinta wo. Manda spiriti enaramu kinkena ai yankakemi.
30
Mini manda spiriti yankakanimi namu andake wanimi wen ano yerande ore onemoni.
31
Yisu yerande Tairiu ka Sidoniu yi makakai wemoni, uno Galili, dekapolisiu yi makamakaki.
32
Mana wanta akama waya iyeinde, sewani wanta awike yenoyo. Mana wanta anoka ayandano sire eranure inda enoyo.
33
Yisu awike moro opa demi, aya ofen demi, akano ayanka kutiremi ayan anafintai demoni.
34
Yisu ayontapai onemoni, erar amu mande mi semi, Efrata, manatekemi, he diyeno.
35
Yisu akan diranimi indemoni. A iye sewanimi asemoni.
36
Iyewa enu siyimeko tire Yisu semoni. Yisu wawa sentenimi kawani dareni miniwa senoyo.
37
Ye yindui rekeni seni, amuna anene awogufi emi weni minurami yakan iye indeyo indeno, a iye seyo a seno