¹ Jisasi mini amampa yere ukidemi Judia makaka owemoni. Ena amampa Jodeni nonpa owanini mifa'i samuna iniwanta wenoyo. Jisasi nom awasa sukuri siyimemoni. ² Farisi'u yereni Jisasi amamakeni inda emi,mini puka i wanta wen ana sankan tenafi? ³ Jisasi semi Mosesi natenafoni?'' ⁴ Ye seni Mosesi yokina uwandewa mareti akano. ⁵ Jisasi semi ,Yiken yira erarukami Mosesi mana lo uwaremi,'' ⁶ Goti okeke wanta anasi uware moni.' ⁷ Mina ukami wanta wenano afo yere ukidemi ho wayi intemi, ⁸ yekandani mana wu ukanteno.minukami yekanda mana wu wanteno. ⁹ Minamuke mi, Goti manakim deni anasi wanta iye ukaranteno,'' ¹⁰ Makim wayomi Jisasini disaiperu yerandeni indamenoyo. ¹¹ Jisasi yenka semi, "Iye wanta wenana ukudem ena maran tenafi mini numo intemi. ¹² Iye ini wenawafu ukudem ena maran tenafi mini numo intemi.'' ¹³ Anasi wanta yen yika Jisasi wanipa yiwike yenoyo,aka weni disaiperu siyinke noyo. ¹⁴ Jisasi mini onademi weni disaiperuka iye amoyemi semi," Yike iyewaka anu siyinkako, Gotini maku yenyinda wa'i wemi. ¹⁵ Jisasi semi,Puka ukami siyimeko iye anasiwanta anu'i war iye inteyafo iye inarumpa urinteno.'' ¹⁶ Yerandemi Jisasi anu dondemi yopi yimemoni. ¹⁷ Jisasi anka wewani mana wanta mare akor ukararemi semi ,"awoku tisa, se naudeka pa wanana wan kakan maran tekafu?" ¹⁸ Ne wara senan awokuke seteno? Iye mana wanta Gotike wemi.En andi ukami Gotini lo kim, ¹⁹ Iyewa wanta arono, Iyewa ena ana marano, Iyewa umorono, Iyewa anaen waya seno,Iyewai piketi ono, Iyewa enano afo awaya arono. ²⁰ Mini wanta semi, "Tisa,se anka we'i mana waya awake umpe." ²¹ Jisasi wen onademi wem ayemoni. Wenka semi, "mana anene iye ami. Eni umade anene sari'ure anasi wanta anene iye dukeyo wa yime, inarumpa maranomi. Yere siwaka. ²² "Mini waya indidemi yerandemi wemoni newarafi, amuna anene ukami dukemoni. ²³ Jisasi weni disaiperuka semi, "Anasi wanta amuna anene dukeyo iye Gotini makusim iye urinteno!" ²⁴ Disaiperu we seni indideni pekeno. Aka Jisasi yenka semi, sen sikaku, Gotini makusim uriram a'ti ukemi! ²⁵ Isi ukemi kameri nidoli okanka wintemi, amuna anene dukeyo Gotini makusa iye urinteno." ²⁶ Yendirani anon yindui reno, "Iye ukana urintenafi?" ²⁷ Jisasi yen onemi semi, "Wanta anasi kai at'i ukemi afo Goti awankai intemi." ²⁸ Pita wenka semi, "Onano, Wayunti anene u'i ukide nama en awake namampe." ²⁹ Jisasi semi, "Puka ukami iken siyimeko , mana wanta wen ama wa ankuma wenano afowa wen akafanda weni maka sen tiwika wa mam wika afe intenafi, mini wanta andreti yamu'i marantemi. ³⁰ Afo iye wanta iye weni ma wa wen ankum,ano afo, wen aka'u sen siwika iye umam maremi iye inarumpa urintemi. ³¹ Aka anari eni, ina yemi yintemi. ³² Anka Jerusaremifa weyomi, Jisasi anarimem wemoni. Disaiperu yindude woyomi anasi wanta yema weyo pekenoyo. Jisasi weni twolfi disaiperuka ne wenka inteyafo yen siyi memoni. ³³ "Onaki, wayu Jerusalemifai ure namampe, Wanta aka pristiu wa sawe wanta'u yiyan kimi aminteno. Ye arureni Galelifai sankan teno. ³⁴ Wenkai amari eni, akano kuteni,wipi eni pudam arinteno. Aka kamore deka ukukan temi. ³⁵ Jemsi wa Joni,Zebedi aka fanda Jisasika yereni seni, "Tisa, wayu ne inda intekafu uwara tinka." ³⁶ Yenka semi, "Ne uwan yinkan tekafu?" ³⁷ Ye seni, ema inarumpa ume wara namampe." ³⁸ Aka Jisasi semi, "Iye onakami ne indaeka. Awankaka se nekuna kapakim ne babtaisi inteka?" ³⁹ Ye seni, "awanka monte namampe" Jisasi yenka semi, "Se nekuna kapakim nanomi , se babtaisi ekuna kim babtaisi inomi. ⁴⁰ Aka iye sema inarumpa kumandin tenafi, anasi wata sesa ukeyo kuman dinteni." ⁴¹ Aka ena teni disaiperu indideni Jemsi wa Joni kai yirankenoyo. ⁴² Jisasi yenka semi, "Yike onakamino anom wanta'u Gentails weyo, wenyi yokam watau yeni kontro rieno. ⁴³ Afo ikeni iyewa mini anda oko, iken yiwaya manayinom wanta wano sire, weya yokan inta ka ukano. ⁴⁴ Iye eni anantapa wano sire indefono weya ikeyi yokam intaka ukano. ⁴⁵ Mana makaka Gotin aka yenini,wen ayayoko wara yena oni, awe ,weni laif payukami anasi wanta aya emoni. ⁴⁶ Jeriko yereni, Jisasi disaiperiu wonimi Timeas aka Bartimias, anka kumantemi moni inantemoni. ⁴⁷ Jisasi Nasareti yentenimi Batimeas indidemi owandemi Jisasi'o, Deviti akako, siyayono. ⁴⁸ Anasi wanta aseni owa eano. Afo yerandemi oware moni Jisasi, Deviti aka sikuno seno. ⁴⁹ Jisasi indemi "aremoni erarue ukukano, emi aremisino." ⁵⁰ Weni jaketi kademi ukukemi Jisasi wanipa wemoni. ⁵¹ Jisasi okam mukukani wanta indaemi, seni nau anka warafo. "Iyeno se yerande sukam makar numpe. ⁵² Jisasi wen samemi," wono eni indikara intoni awayim maramino, okam makemi Jisasi ma wemoni.