¹ Jisasi weni disaperiu nama Jerusalem mifa yereyomi, Betpeis wa Betani atika yereni Olif anuka unde wayomi Jisasi weni kantam disaiperiu siyinkemoni. ² Jisasi semi, "Meyani makusim woko, mifa mana donki nanka wanaka putude mare yeki." ³ Mana iniwanta inda -ika seka iyeno yokam dukemi yerandemi akakemi mare yintemi." ⁴ Jisasi disaiperu oreni onayomi mini donki tauni onaka damukani oreni utufenoyo. ⁵ Afakan iniwanta mifa wakeni inda'enoyo," Ne iraraka mini donki utufeka?" ⁶ Jisasi ne senafi weni disaiperu mini wanta'u siyimewani indideni seni mare woko. ⁷ Jisasi kantam disaiperu mini donki marereni yeni kamuna uwidayomi Jisasi mini donki aropa indo emi wemoni. ⁸ Amuna iniwanta yeyi kamuna wa yayana uwidayomi Jisasi mini donki naropa wemoni. ⁹ Umade iniwanta Jisasi ma woyo wadureni seni, "Iyeno yopinama nama yemino Gotin awita. " ¹⁰ Anasiwanta seni wayun tifoni yopi namai yemi, iyena awita!" ¹¹ Jisasi Jerusarem temporikim undemi umade anene onemoni. Ayinka weni tuerupi disaiperu wa Betanifa wemoni. ¹² Ena wayami Betanifa yeyomi Jisasi arani pukemoni. ¹³ Jisasi mana fig yani onademi wen atika oren onanimi ana mana wemoni. ¹⁴ Jisasi mini yani asemi iyewa irano, semoni. ¹⁵ Jerusalemifa yera yomi, Jisasi temporikim unden onani anasiwanta maketi ewayomi mapa siyinkemoni. Jisasi yenyi maketi yo'uwa moni aron yinkemoni, numi maketi ewayo mapa siyinkemoni. ¹⁶ Mini yamu Jisasi anasiwanta mapa siyinkemi iyewa make yere makim maketi oko. ¹⁷ Jisasi siyimemi, iye onakeka, sensi umadepate iniwanta yereni mantiteno, yike umo iniwanta maka wenami. ¹⁸ Pristiu'wa yo uwareyo Jisasi mina sewani arirani afakenoyo.Mini raina Jisasi arirani kipaka pekeno ne warafi, anasiwanta umade Jisasi awaya awoku indirimeno. ¹⁹ Aye wanim umade iniwantamini tauni ukureni yimapa oreke wenoyo. ²⁰ Wanuram oneyemi fiki yani ana fate awakam anda kim kumemoni. ²¹ Pita yerandemi indemini ne Jisasi mini yaka senafoni, "Semi iyeno ona!, Ne he mana yaka se'ona mana ayakemi." ²² Jisasi yenka semi, Gotika mana wa yikeyi indikaraya dukako. ²³ Puka ukami se siyima'u iye iniwanta se mana anu he solwafa kumo, En indikarayifo mana Goti puka intemi. ²⁴ Mine wa'i yikenka se'i, umade anene inantire intefe puka ukam maranomi, ²⁵ Ukuke inan tntefe, enoya numo ya uku yinka na Goti eni numo uku anka. ²⁶ . ²⁷ Jisasi weni disaiperu wa yerademi Jerusaremi mam makim urewani pristi'uwa, lo uwareyo wa anom wanta'u wen awakeni wenoyo. ²⁸ Mini anom wanta'u Jisasika indameni seni, "Ne erantoya mana anene uwarewa, Aka iye mini eram aneneona amenafi?" ²⁹ Jisasi semi yikenka mana indayim sentempe. Yike sisimika yikema siyimeni ne erantoya se anene,u uwarekaku. ³⁰ Jisasi yenka semi, Joni nom mareni inarum patenafi yanta kinkena marena? Waya yerade sisimeko." ³¹ Mini anom wanta'u yendirami seni, "wayu seka inarumpatena nomi Joni maremoni, Jisasi sintemi ne wara wem iye awakeka? ³² Minukam wanta ayam pinkena Joni nom maremoni, kipaka pekenoyo newarafi umade iniwanta Joni wani profeti wemi. ³³ Mine wani mini anom wanta'u Jisasika seni, "wayu iye onakeu" Yeran demi yenka semi, sendawa yikema iye siyi mentempe iye mini eram simenafi.