¹ Mana wanura ukami, Judau wa, ano inde inde wantauu wa. Judau yi lo ka dafita yo wantauwa waya akafenoyo. Minureni Jisasi mi pake Paireti wanipa awikewenoyo. ² Paireti Jisasi bai indemi. E'eJudauyi anowefono? Jisasi semi ai eni sesmino. ³ Judau yi iyena wantaui Jisasi nani manitenoyo. Amuna anene mada anamino tenoyo. ⁴ Pailati Jisasi bai indaemoni, yewayekemi mana wayasi natitefono? Nauma manda adaukana uakeyafono? ⁵ Jisasi mana waya iye senimi, minikai Paileti anoindiri memoni. ⁶ Ano waruyiriure. Nan newayo yamu yeronimi. Mikai Pailati umade yamu ewanike memi, mana kalapusa waita ukidani mi wemoni. Anasi wantaim minianda wani dofenoyo. ⁷ Kalapusa namu mana wanta wemoni. We'awi Barabasi wemoni wanta yiruekepuke amuna mada anda onnoni wantai wemoni. ⁸ Amuna iniwanta yereni, Pailati samenoyo neanda pecnafoni mini samenoyo. ⁹ Pailati mana temoni. Iye wanta ukana ukidana na ikeki yitenafino? Judau yi iyenofino? ¹⁰ Pailati onakemi hetprisi Jisasi manda indiri uakenoyo. ¹¹ Hetprisi owadareni amuna iniwanta tayimenoyo Barabasi na ukidana winno. ¹² Pailati yewayekemi, yempai indaemi inteneotekap uno mana Judau yi kingi wee? ¹³ Yeni owadareni mana tenoyo. Jisasi diwaikrosika nilimini ono tenoyo. ¹⁴ Pailati yewayeke yekai indaemoni Jisasi ne mandaka urukaka teka teno? Yeni owadareni seni Jisasi diwai krosi ka nilimini ono. ¹⁵ Anasi wanta Barabasi iye diwai krosi ka nilimini oko tile indewayomi. Pailati ona demi sodiaui sayimeni. Jisasi pakare nilimini oko senini Jisasi pakareni wipifo wipi ureni diwai krosika nilimini enoyo. ¹⁶ Sodiaui Jisasi pakeni kamanni kuksimi wenoyo. Amuna sodiau awake wenoyo. ¹⁷ Sodiaui ayupu kamuna Jisasi anokai yeukenoyo. Arafini arafini yukani nanto damureni Kingi uyi hata keukani hata Jisasi ankenoyo. ¹⁸ Jisasi nani Judauyi Kingi ee sereni amarienoyo. ¹⁹ Judaui Jisasi anonki are, yikano kutiake, yiko wempa ukare, wempa uma mante mina menoyo. ²⁰ Mini anaempai Jisasi nani amarimureni Weniayupu kamuna yomadeni. Weni peya kamuna afeakadeni awike maro diwai krosika nilimini menoyo. ²¹ Mana wanta Saimoni, Sairini fatena wanta Aleksendra wa Rafasi yipo wemoni. Saimoni anasi wanta eraroyomi diwai krosi mare wemoni. ²² Sodiaui Jisasi awike Kolkotafa wenoyo. Kolkota waya minatikemi yino ayapau waruyeni pake tikemi. ²³ Jisasi mi, mana nomi waininama wayekani nomi amenoyomi nemoni. ²⁴ Wanama Jisasi diwai krosika nilimini inteni. Weni kamuna dakadeni kati senoyo. ²⁵ Mana wanurami nain kilok kikai, Jisasi diwai krosi kai nilimini menoyo. ²⁶ Mana yasai manatire uwerenoyo. Jisasi Judauyi Kingi i notereni uwarenoyo. ²⁷ Jisasi ma kar umo, wanta mondeni ena aya kukampa ena aya ompa ureni nilimini menoyo. ^{28 29} Minonimi, anasiwanta mika oriyerie wayouni Jisasi nani amarimure intenoyo. Heni sei kamore wayammi mama kankare uwarara sesami minono. ³⁰ Hende eya ayayonno diwai krosi yere ee mafakumono. ³¹ Minonimi hetprisi nama Judia yi iyena indeinde duka oyu a manatireni Jisasi nani senoyo. Naukaya enunana yiyaye eya iye aya yefono? ³² Mani tenoyo Jisasi nani eh Judauyi Kingi wante diwai krosi yere eh makapa kuminaka mini pukaino tireka bilipi ono. Mini umo wanta kanda wai Jisasi amariuakenoyo. ³³ Tuvelo kiloki kai oreka tri o kilokikai umade makamaka ayupumi dademoni. ³⁴ Tri o kilokikai Jisasi owauka daremi mana temoni seti Goti o seti Goti o nekefara se e yere e'efono? ³⁵ Afaka dai na wema mika wayauni mini waya indi deni mani tenoyo. Elaisami arem misino tireni indenoyo. ³⁶ Mana wanta iyayemi yupewani nomi ana mademi yakika demi Jisasi amemi manitemoni. Yera wayuya onano Elaisa yere ayayintenafino. ³⁷ Minonimi, Jisasi iyena awauka daremi pukemoni. ³⁸ Kamuna mamaka damuluka yomi, dekake yapante makapa kumemoni. ³⁹ Mi no nimi, Pailati Jisasi onanimi mini pukiri onimi onademi manatemoni. Pukaukami mana Jisasi yawanta akai we mino. ⁴⁰ Apaka inini nempa ukukake onewayome. Meri wa Mekdalini wa Meri wa Jemsi afa Salomewa. ⁴¹ Jisasi Kalilipa wanini we awaka noni awokuanda enoyo apaka inini Jisasi awaka Jelusalepa wenoyo. ⁴² Mika oroyomi ayemoni de sapati yefekemoni narui sapatikakena aneneui sesa enoyo. ⁴³ Josepi iyena wanta kansoliu yi iyeno wemoni. Pailati wanipai yere mi Jisasi ni bodi wani indaemoni Josepi iyenafa matewani wemi. ⁴⁴ Pailati andudemoni Jisasi ni pukirani. Minonimi Pailati sodiua anowanipa indaemoni puka Jisasi puka teno tiremi indaemoni. ⁴⁵ Pailati indenimi Jisasi nani pukemino tire amiuyi ano samemoni. Pailati Jisasi ni bodi mareki Josepimi amemoni. ⁴⁶ Josepi oya kamuna ayauremi Jisasi bodi diwai krosika kena. Mademi umaekemi oya masiki demoni. ⁴⁷ Aanasiwa Josesni anowa Jisasi masifayo onenoyo.