¹ Kanta de anaempa Pasova yira riwanimi, aka iyena waruyini, breti yisti wenimi, Pasova'wa ne yisti iye weni breti. Yinom pakakayom prisi uwa lo kepa indin dukayoni Jisasi pudan arono sireni waya akafenoyo. ² Yeni seni, "Iyena waruyi yamu iye mini anda ampa mintemi, mineni yeyin dani yiru yisu minteno ³ Jisasi Betani wemoni, iye Simoni amakim mini wanta Leprosi awim dukemoni. Amunde wanimi mana inini anon ayaka wanim uweri mare yemoni. Yeremi mantu diremi Jisasi anonkimi wayemoni. ⁴ Afakan wanta'u yirakanini mina senoyo" Ne anda wara mikimpa uweri wayenafi?" ⁵ Awanka maketi" ure 300 maki mande anene iye dukeyo yimeno. Mina sireni mini inini asenoyo. ⁶ Mina sewayomi Jisasi semi "eako, iyewa wema aseko. Semi awokufi memi. ⁷ Umaden yamu'i mini anene iye dukeyo iniwanta wanteno. Ne yamuka yimoyi yora intenafi mini yamu yimeko. Ike iye sema umade yamu wanomi. ⁸ Weni iri ukan anda memi. Uweri wayi sinkenimi senti pukini yoyikemi. ⁹ Pukan seko, mana makaka awoku waya seni mini ini yani omana inditeno. ¹⁰ Judasi Iskarioti mana disaiperi'u, Jisasi anae ameni, yino pristi wayopa'i oremi Jisasi marekemi yimemoni. ¹¹ Pristi'u yinom wantau Judasi awaya indeni yimoneni maki ameno senoyo. ¹² Namba wana de breti weni yisti iye weni de yemoni mini de'ka sipisipi arure yunkare neni mini de wani indenoyo, Goti Isreli'u awokufi uyin kanin de. Disaiperiu Jisasi inda enoyo, " Inte paka Pasova nan sesa ontekafu?" ¹³ Jisasi kantan disaiperiu kanda siyinokem mi'nanse moni. "Ike iyena tauni kin undami, mana wanta iyena non sina nama'i ikem pindan dantemi. Afo ike wena awakako. ¹⁴ Intem ma akina mini wanta urinte nafi mifaka yeawake undeka ma'a afona sameko. Wayunti Tisa mi'nansem misi. Senti rumu inte wena fino, senti disaiperiu nama Pasova nan narare. ¹⁵ Mini wanta yan rumu sipa sesa ukana ma-akimi yo'yikan temi. Ike mikina wayusi naru sesa oko." ¹⁶ Disaiperiu' ore taunifa ona yomi, umaden anene Jisasi senike manam uka nini, mikimi Pasova naru sesa enoyo. ¹⁷ A kumpe kanimi, Jisasi 12 disaiperiu nama'i yem moni. ¹⁸ Disaiperiu teworika kumante nan ne wayomi, Jisasi yenan minanse moni. "Puka ukami iken siyimeko. Ikenokingke maya sema nan neni sen siwi eken namukou yiyampin dan temino." ¹⁹ Umade sikunon se wayoni, mana mana disaiperiu wenan seni. "Seyaune?" ²⁰ Jisasi yeranden yenan min'se moni. "Ike 12 disaiperiu kinake mayang, wemi sema yokim breti rantemino. ²¹ Gotin awaya sikeni ke'memi, ye Wanta Aka'i awi ekeni namukou yiyampimi ranteno. Afo se sikunon seko, iyeng wanta' Wanta Aka mareken namukou yiyampin dana nine. Awoku wenimi wen ano mini wanta iye maka nino". ²² Ye nan ne wayomi, Jisasi mana breti mandemi, inan siremi, ko' ekemi disaiperiu yime moni. Jisasi mi'nanse moni. " Mana marako, mini sensu ino." ²³ Jisasi kapi mandemi Gotim pa muset tiremi, disaiperiu yimen nini nen noyo. ²⁴ Jisasi yenan mi'nanse moni. " Mana uwo senti oyang kontraki ino, mana uwo uma'den iniwanta ka'i wayeko. ²⁵ Jisasi manatemoni, indeko seni iye ikema nonana tei wakei setifoni makusi undai mini yamui ikemai mini era nou nanteumpe. ²⁶ Manai damakipareni, Olive anukimpai oreke wenoyo. ²⁷ Jisasi manatemoni ikeumade indeko sipisipi uka dafiseni arurao oreke yereke inakomino. ²⁸ Wama masikike ukukei Kalilipai ikemai anatapai wonteupe. ²⁹ Pita manatemoni, Jisasi nani enuni eyere ehewin tenofo. Seni iyeukamino ³⁰ Jisasi Pita mi samemoni. Pokawayani sameko mini nurampa kokora iye asikana kamoreya'i se iyeonake umpe sinomino. ³¹ Pita manatemoni seemai pukirarei iye manasente umpe en onakeupe iye senteumpe. ³² Kesamanifa yeroyomi. Jisasi mana tire sayimemoni weni disaiperiu, maka kumanta se ina tirani weko. ³³ I Jisasi yiwikemoni. Pita, Jems nama Joni ma mana amapa yereyomi yeyufa ano umari menoyo. ³⁴ Jisasi manatire sayimemoni seiyena umarimeupe puke yo makakaino. Maka we dafiseko. ³⁵ Jisasi oreke maro yami demoni Goti bai inatemoni mana mada taimiyeni eni ayi wana yesakano. ³⁶ Jisasi mana tire inatemoni. Goti o umade aneneu ampameni eni ayi nana seki ampa mintemino tire. ³⁷ Jisasi oweke yere yonani weni Disapel yun dukayo, mina temoni Pita ka, " Simon eh faya wake wa?" ³⁸ Ike inorate ko dafite weki, mine ka iye yondina komi amamaka yorana. Andur inta doemifo, apata iye doemi. ³⁹ Aka yeweke ena ya Jisasi owe inate moni, aka yeweke manai mana ukani waya nana temoni ⁴⁰ Aka yerande ena ya Jisasi yonani weni Disapel yun wake wayo. Yen yuka uma rukami rewanini ye iye indike nateno tire wenoyo. ⁴¹ Aka ye weke kamore ya kime Jisasi yere tiyime moni. " Ike faya weka ike yipate wanana inde weka?" Ai weni yamu yoreno, onano! Wanta aka namuko yiyapim yime mino." ⁴² Ike uku'ka weh ona wanta namuko yiyampi danani a'i'atika mino." ⁴³ Jisasi yema ase wanimi Judas weni mana Disapel yo amuna wantau wa bikpris unama iyena indi dukayo nama wa ano wanta wa yo bainat wa yirui anene manare Jisasi wanipa yeno yo. ⁴⁴ Wanta Jisasi namuko yiyampi danani waya siyime mina temoni, sena amonana wa onade ka pake winakopa woko. ⁴⁵ Judas mini makusa yerem akaka'uka uremi Jisasi tame'mi amone moni. ⁴⁶ Ina'emi ye ye Jisasi pakare dame noyo. ⁴⁷ Aka yen kinke maya weyi Bainati fo mana het pris akan akaman kade'moni. ⁴⁸ Jisasi minatire siyime'moni ikeyi yini, mana umo wanta pakeyo yiri me'i bainati wa yama ye sen pakami. ⁴⁹ Umaden yamu maniwaya siyime wakuna mini yamu iyeu seu pakakomi, mini kotini ayini amanka fiemi. ⁵⁰ Jisasi ma wayo ini wanta, yere Jisasi e' eni iyaya nenoya. ⁵¹ Mana pumara wanta iya kamuna indem Jisasi mi awakan namukou namai wemoni. ⁵² Mini iya kamuna yere dawan duman kaduden iyane moni. ⁵³ Jisasi awike hetprisi yino pakaka you wantau ka lo uware wayo sawe wantau wayopai wenoyo. ⁵⁴ Pita Jisasin anaem awaka hetprisi sini kuku ankari fai o soldiau namai ikaka kuman'temoni. ⁵⁵ Bik prisiu ka kansoliu uma waya afakare Jisasi ko amide arirani senoyo fo iye mana waya afakenoyo. ⁵⁶ Amuna ukami uma wayayu mare yenoyo fo Jisasi awayaya iye mana ukemoni. ⁵⁷ Afaka uma waya sire Jisasi ko ameno tire, manan tenoyo. ⁵⁸ Wayu indinami Jisasin temi, se yiyampo uwanteni temboli yo kakarei, kamore wayan komi. ⁵⁹ Eana ara ara waya seko, mini waya yu Jisasi awaya nama iye mana ukemi. ⁶⁰ Hetprisi, Jisasi kai indaemi, wayu sekuna waya yu iye wekin anami? Enkipa eseu wayaya seno? ⁶¹ Afo Jisasi weni iyen ani semoni, ena yamui hetprisi. Jisasi kai inda emi, eni Krasi Goti akaka wefofo? ⁶² Jisasi semi, mana seni weumpe. Eni onan nomi Goti akai ayan kukam pai kuman temi, umade erana mai orande ayonta yintemi. ⁶³ Hetprisi, Jisasi ni kamuna dokademi, semi, eni, inteni ukana waya ya afakare sinte fono? ⁶⁴ Ikeni a'i amari waya indemino, afo ikeni intenika inte kafono? Ike umade wanta iye mana numo anda ina nine, weni pikiri temino. ⁶⁵ Yikano kuti ankeni, okankai kamuna damu rukeni oreni seni, emi iyei are nafino, eni seno. ⁶⁶ Afo Pita mifa'i ma'kim wanimi, hetprisi ni yokar inini yemoni. ⁶⁷ Pita ikakai kuman temi ikan kane wanimi mini inini Pitami onademi semi, " Eyawai Jisasi ma wake onamino no." ⁶⁸ Pita umai semi, seni iye ona kana wayani sese namino. Pita ma onafa kundemi indemoni, kokara demoni. ⁶⁹ Hetprisi ni yokan ini Pitami onademi anasiwanta siyime mi, mana wanta wai wemoni. ⁷⁰ Afo mikai Pita umai semi, " seni Jisasi mi iyen onake umpe. Mikai anasiwanta Pita nani seni puka ukame, eya wai wake onamino, newara fino, eya wai Galili fo wema waomami. ⁷¹ Wen ayan kai Pita, weyani umai semoni seni iye onakana wanta wani setemino. ⁷² Aka uka emi kokora kandayai yerandemi demoni. Afo mikai Pita omarem indemoni, Jisasi newaya same nafoni, kandaya kokora yerandemi asemoni mikai eni se, kamore ya iyen onake umpe. Pita ifidemoni, newara fino, wen anon umai semoni.