¹ Jisasi mam makike wonimi, weni' mana disapeli wenka'i indae moni." Tisa mana awoku oyu one, mana awoku ma-aku ona no." ² Jisasi wenam mi nanse moni. ''Emana iyena ma-aku ka one wa? Iye mana oya akona naropa wantemi. Umademi koken adintemi. ³ Afo mam ma pate ena kepa, olifi anufa'i Jisasi kumanta nini. Pita wa, Jemsi wa, Joni wa, Andru wa, Jisasi ngka'i indaen noyo. " ⁴ Sisimeno, waruka'i yora naka wayu one' andi'e ka'i, mini andau'i yorante mino seno?" ⁵ Jisasi akufandem minanse moni. "Ike pekara pekako. Mana wanta yiwikem ena ayipa wini no. ⁶ Amuna wantau i sen siwata yereni mi nansin teno. Se Kraisim weko. Sireni anasi wanta yiwikeni ena ayapai winte none. ⁷ Ike yiruin waya yafi, iyong waya inde ka'i iyewa pekako. Ara yamu iyem ukem mino. ⁸ Mana makenuni ukukaeke ena makenu nama'i yiru inteno. Ena kantrin ukukaemi ena kantri nama'i yiru inteno. Amu'na amampa'i makure wami, iyena yarani pukin temi. Mini andau mini anasi am makarani inamun awini mare mino. ⁹ Ike saka dafiseko. Iken yiwi eke kansoriu yiyampindani, mam makimi yirin teno. Senarani iken ko yimeni pakaeke kamanima kansoriu yukangka'i rante nofo, sentiwaya ya seko. ¹⁰ Mini anda e wanan sentiwaya uma'den amampaka anasi wanta kina wino. ¹¹ Iken yapake wi' iyewa indeinde eka' naten nuno seko. Mini yamu kukami Goti wen awaya yimin temi. Ikeya sina kona, Holi Spiritin sintemi. ¹² Mana wanta weyafa awami pakaman namukou yiyampimi danani pu'dami arinteno. Wen afo wen aka mina mana mintemi. Yen yika fanda ukuka ekeni yen yino yifomi namuko uyingka weni pu'dami yirin teno. ¹³ Amuna ini wantan yindur uman dayingke wante none . Newaraf. Sentiwi'i dukami. Afo iyen ini wanta erarureni indikara'im pakarukam mana maka wa, inaruma kipante nafi. Miyin awokuka wantemi. ¹⁴ Afo onam manda ane'ne iye wari ukeningka ukuka kaka'i ( E'a mana yandeni andi ino). Iyeyen iniwanta Judia amampa' wantefe. Iyayeka anufaka uroko. ¹⁵ E' am ma naropa indokanani wanta iyewa nampa kundem mana anene manarem wino. ¹⁶ Aka yunampa wananim wanta iyewa yerandem kamuna amarano. ¹⁷ Mini yamu sikunoe, iyeyen inin nana'i yimu'waki ukam, an nangkuwe wanayone. ¹⁸ Ike inante wana mini ane'neku iyewa a' den iyor enin yamu yorano. ¹⁹ Newarafi namukou iyena umani anasi wanta yimin teno. Peyukam Goti mana maka uwaranin yamu, iyem minukanin uman wem moni. Aka wamanan iyem mi' nukana uman yoran temi. ²⁰ Afo Iyeno iye waka yamu danami, uma'den iniwanta pafansin teno. Mi'nam ukami, Iyeno anasi wanta yiwi' duke ninani indemi, mini yamu omanan wakafi mintemi. ²¹ Afo mana wanta iken siyimem 'Onako, Kraisin ma mafa'i wano!' o miyapa'i wano!' Mini waya iyewaka indikara oko. ²² Newarafi. Kraisiu wa, uma Profetiu i'afota yoreni, uma mirakariu'i anasi wanta yimoyokan teno. Ye awangka weni, Goti yiwi dukeni iniwanta wa'i yimoyokan teno. ²³ Ike rafiseko wamam mini andau'i yoran nani'i seko. ²⁴ Afo mini uman yangkaka nami, a kenin ayufungka nami, nuran-ikona iyen kantemi. ²⁵ Wayou'i karareng kumi nami, inarun erani makun nnintemi. ²⁶ I'naemi Wanla Aka' iyena eranda' kakan nama' ayonta yinani onan teno. ²⁷ We weni onerou' siyinka nani eriyewan mana makaka anasi wantau oyikeni we wenipa yinteno. Maka arasapate oreken ayor arasapa'i oran teno. ²⁸ Ike Fiki yasapaka andi ukako. Ayamanta ona maram wi'i ike a' karan nino sami. ²⁹ Mi'na mana memi mana andau yorana andika oko we ona ka'i ukuk kakemi. ³⁰ Puka ukami seko. Make anasi wanta weyo iye pukami mini uma'den andau' yoran temino. ³¹ Inaruma maka wa'i kipante mifo sentiwaya nana iyena kipan temi. ³² Wanta Aka oranden yinanin yamu iyeni mana wanta andr ukemi. Inarumpatena Ensoriyu nama Gotin Aka waden iyem mini awa wa mini kukakar andi uke none. Papo Goti Weyaka'i' mini yamu andi ukemi. ³³ Ike sesa ukeka dafiseko! Newarafi ike iyen andi ukami ne yamu ka' mini anene yoran tenafi. ³⁴ Wanta wen ama uki'dem nen ayipa wen yere weyi yokam wanta ka' wen ama den weni ke' mukem mino. We mana mana yokam wanta yokan yimi'dem, eran waya nama'i siyimi'demi. Awokufika ureka dafiseko. ³⁵ Mi'nam ukemifo ike sesaka ukako. Newarafi. Ma'a afo ymanin yamu, ike iyen onakami. Mi'newan ayinakakafi, nurampa kokora re wanafi, wanuran yinino. ³⁶ Afo we akaen yina iyewa ondakan yewen afakano. ³⁷ Ne waya ya make iken siyime kaku umaden iniwanta wakani seko. Ike uma'dewa'i rafiseko.