¹ Sabbati yankakani, Meri Magdalin, Meri Jemsi ano wa Salome sawoku undaewa marasin' uwa Jisasini masipa wen ankarani wenoyo. ² Wanurom ukami mini ininami Jisasini masipa wenoyo. ³ Mini ini yendirani seni, " iye siyayena iyena oni masika weni manasinkan tenafi?" ⁴ Masipa oreni onayomi mini oni iye wemoni. ⁵ Mini iniyu ho masikim unde onayomi mana wanta iya waiti kamuna nama yiyam kukampa kumantem wani onadeni yindudeno. ⁶ Mini wanta yen siyimemi mina semi, " iyewa pekako, Jisasi Nasareti wanta iye kekayiko areyafo, a-i ukukemi wemoni, onaki wem deyo makuno. ⁷ Minukana, oreka weni disaiperu wa Pita siyimiya woki Jisasi nare Galilifa owantemi. Mifa ye wen onanteno, ne we senafi." ⁸ Mini iniyu pekeni, indideni mini masi ukudeni iyayeni weno. Iyewa siyimenoyo newarafi anom pekarienoyo. ⁹ Mande wanuram ukam, Jisasi ukuke wani Meri Magdeli nare wem onemoni, iye Jisasi wenkim seveni kurum spiriti-u maremoni. ¹⁰ Mini ini oremi siyimemoni, pa ye ifide wayonkim. ¹¹ Ye indenofo, mini ini siyimeni, aka iye wem indikarayeno. ¹² Ena yamu, Jisasi yerandemi oremi kanta wanta kandakim tauni mapa woyomi yenka oremi. ¹³ Mini wanta kanta Jisasi onadeni oreni disaiperu siyimeyoni aka ye iye mini indeno. ¹⁴ Yerandem Jisasi ileweni disaiperu teporika kumante wayomi oremi eranka semi, yike iye se ukukeuna indide awakam. ¹⁵ Jisasi yenka semi, " Umandepaka oreka mini sawoku waya anasiwanta siyimeko. ¹⁶ Iye inicoanta mini waya indidem awadem nom marantenafi awokuka wantemi, aka iye iye indide iye awakeyo Gotini koka winteno. ¹⁷ Iye iniwanta senka indikara inteyafo, sen tivika manda spiriti-u siyinka winteno. Mini iniwanta oyam yimenka waya sinteno. ¹⁸ Ye ukayi yiyamponi pakanteno, aka iyewa yi maranteno kurun nom namande. Ye iye sen siwakante yafo ye yi wantaka inanteyo yerandem ukuku kantemi. ¹⁹ Jisasi yem siyimidemi yerandem inaru makusa uremi, Gotini ayam kukampa kumantem wemi. ²⁰ Jisasini disaiperu mini anene-u onadeni umadepa siyimeni woyo iyeno yema wewani mirakeru uwareni noyo.