¹ Karaisi karafusi kinke utu tinkemino,Erasure ukukae waci manda anda awakureyon wani ecano. ² Teni Poli teko,enafo amundanonawe Kraisimi emi iyeukami ofaintemino. ³ Umaden waintauci tiyimeko yenafo yimundana youni lowaci awakuroko. ⁴ Karaisi namac iyem wanamino,iyec eni micnin tefono,lo emi antekanami Kotinic nanayini iyen onanonami. ⁵ Acyun Aunic awacwac namaci awokuc wani marantecumpo,yic mika tukan dano. ⁶ Jisasin kine yimunde yonafi iye yimunde yonafi payamino,indintimi wenimi awokuc wani wemino. ⁷ Awokuc wiric makeonamifo, iyec emi aosianke wayaci puka tikenin anda iye awakurefono? ⁸ Mana arani iyenon arayan yeona patewaino. ⁹ Ticto yisi farawankimi dami pamemino. ¹⁰ Kotinkimi tentic indini wemifo eyacwa micnono.Iyec emi mandaic uankantenafi weni mini ayaci marantemino. ¹¹ Tifactionano,yimunde yonani tecumpo,nakac eyaci umani timinteyafono? Micnin toni kekac yani asaci uyackenimi amandan temi. ¹² Iyeuyaci enic asapac uyakanteyafo yenafo yeyu anda akami amankafic intemino. ¹³ Tifactionano,awokuc wantimi yewamino.mini awokuc wantoni manda andaic iyewaci ono, ecewaci wenofaim wenofaim ecwano. ¹⁴ Umaden lowe mana wayasimana wemino,emi ayeninic manawaci urec enawani ayino. ¹⁵ Afo ike yirani yiruec yisiec inakomponi umani maranakomi. ¹⁶ Acyun aunamaci wanonafoni numo andaic iye minonami. ¹⁷ Numo andan wenimi Acyun Aunic namukoic memi, mini amankac manan Acyun Auni manda andaic namukom wemino. Wen umarami wen umarami inakomponi mana anecnewac iyen inakomino. ¹⁸ Acyun Aunic indintac wewe, lo arafinaci wananaino. ¹⁹ Umacden manda andaic yokaruke aci afotafic mukemino: anasi namaci wantan warenine anom manda andan uwarenone, ²⁰ Umac kotinka mantira,uwac anene dukeyona, namukoc meyona, tampi indini wenina enaic anene onami yikandenina, yiran anene mareyone, yindurumani yimeyone, daimi anda wenine, ²¹ Enaic anecne wani indeonawa, eran nomi namandeni anana meyonamac ena ena andauc namake. Mi tekunac ure akec ono. Mini andauc inayouni Kotinic makusimi wenin aneneuc iye maranteno. ²² Acyun Aunic akami wenimi, nanayi andawa, yimoyeyona, nanayuke weyona, ena awokufic uankarandawa, awoku wara, nanayirandawa, ²³ wanta awokufic iranda namac yenacu yenyic wan manan antekeye, mini aneneukimi mana lowac iyem wemino. ²⁴ Kraisin indaic mukeyouye yeyic manda andauci kekac yani marem wemonino. ²⁵ Acyun Aunamac weke, yic Acyun Aun namac woc yec ono. ²⁶ Iyewaci ena aran amin andafi umantin ankarandafi enaic wani onanami iye waci tiyino.