¹ Teni manac wanitego, acimi weni ami wemino. pacyan yokantimi manaiwa iyen ukeno.Weni minic andandacukaci antemino. ² Micni mukami enuni yenkaci dafiseno, afo wemic wenafo ukakemi. ³ Mini mukaci ikeunama kipa intakeweke mana makagaci anon wainta mukenikaci payan yokam wainta montecupe. ⁴ Micni mukami minic yamuyene, Toctin wenakaci tankarami yeramic anasi makemi, madami lo arafimi wemi. ⁵ Weni micnenimi iyeuyaci lo arafim weyafo,wen akafanda onowani tiyikemi. ⁶ Afo micnukaci ikeni ami wamino, Koctin wen Agagic Ayunaumi ikeunamac tinduntimi demi. Iyec ararenaci Tentifo o, ⁷ Eni make payan yokam waintawa wananaino, iyeino, tentikaci wanamino, afo eni anintam wanami, Kocti micnurayami eni make Koctinan inde wanamino. ⁸ Afo mini yamukic inawe, Koctin iye indikewe, eni yenkimi payan yokam waintac ukanonami. ⁹ Micni mukayan magen yere Koctimi indeconafi aca Koctin ikemi indikemi, ikeni inkenika urekai ikeni minic manda andanda oyen amintekafono? Eni yeweke payan yokantimi virarafono? ¹⁰ 10 Eni micyenin nurana one, oyan igona one, ocyeninama, orandenamakaci onano. ¹¹ Teni ikenani pegeko yokani ikenkimi minekuna payani inino. ¹² Ten tifatiwanano teni ikemi yindaceko tenkege yago, waci teyandowaci ikenkege wantego. Ikeni temi iyen madac usinka nakomino. ¹³ Micni mukayan eni minici indin kanano, micnukaci mana wukaci amankafi iyen ecumpe mana nurane. ¹⁴ Tentun ayoguka iyem wemi, emic mana amamakantimi demi, eni iyen temi ecanamino. Afo eni temi tiwicege Koctini ensoroken danamino, micni mukami Iyena Jisasikem wecupe. ¹⁵ Make inkepagaci igenyi agodani wenafino? Teni macnin tiretiyimego, aman kaficinage iken yukan kanda durudeci timinakomino. ¹⁶ Micni mukaci teni eni namugoci meko, minukaci teni ikemi pukan tiyimego? ¹⁷ Yeni emi yeyankarani du ankenone. Yeni emi tankaranone, eni yenan duyinkanowani mineno. ¹⁸ Mini ayoguci wemino, awokuc andawani duankeona ware, afo teni en namaci iyakaka wantekaune. ¹⁹ Ten tikafandauko, yewekec teni iken makan tinawisic mewakowe, afo en kimi iyenon ampaminteno. ²⁰ Teni indekunai make en namac weka tentiwaya waekarani indekowe. ²¹ Tisimeno, iyeyeci mini lo arafin warani indekafono, ikeni lo waya yani iyewakac indekafono? ²² Micnimukami, Abrahami kar intan dukami, mayan payan yokan akintakakenoifo enon ukakan ini sakenoi. ²³ Micnmukami, mana wuic ayini ampamimi manai payan yokar akintakaci makemi, afo ukakan ini saci ena intai makemi. ²⁴ Mini andandai payan amami wemino, afo mini inini kantar andanda kaci ukakemino. Mikinken manan Sainac anufakani tikemino, afo miyi weni payan yokar intauci makemino. Afo weni Again wemino. ²⁵ Make Agai Arabiaci Sainac anun ukackemi. Afo enon weniwe, weni Jerusaremin ukackemino. Wen akacfandauc namaci payan yokaric menone. ²⁶ Micnimukami, Jerusaremi weni yami wemino, afo mini ikeunamac tinoic ukemino. ²⁷ Micnimukami wayani tantenimi macnin tikemi, amoyacono mayan eni ami iyen makeonowe, ificdewaci amoyin wakacdono, iyec eni iyewac anawisic marefono. anasiuc yikafanda, yen yiwacna yere eceni weyouni yeni amucna intauci wenone. ²⁸ Micnimukemifo, iyec eni Aisakike wefono, ikeni ukakauci wamino. ²⁹ Micnimukami, mana wuic ayini awacdeni am macdukeyouni mandaic muyinkantenone, iyeci Acyun Aunkac macdukefe mini namaci manaic manaic mukantemino. ³⁰ Afo newayayaci tikenafino? Mini payan yokar akinta wen akac namac tankan wino. Afo payan yokar akinta akac namac ukackenin iniy akac namac iyen yekanda andandai manakinic intenone. ³¹ Micnimukami, tentifac tiwanano, ikeunamaci payan yokar akinta akafandauka wekaunewe, iyeino, ukackenin iniy akafandauci wecumpe.