¹ Galesiac waintauko, indindac iyen dukamino! Iyeci umac wayani tiyimenafino? Iken yukamaci one wakomi Jisasi afotaci arureni kekacyasaci iyenoyo. ² Mana wayayukami ikempaten tisimici indentecunpe. Acyun Aumi marekomi, "Lo awakurin yokantakac marekafono. Mam wayani indekon yokantakaci marekafono? ³ Ikeni iyewaci indini dukaminowe, Acyun Aunic yokantaci kukandukeci, akac, make mana wuic ayintac maro kiparani tamino! ⁴ Ikeni amucno andandauc kimi payandeci umaruc marakekomino, afo puka payandeka umaruc marakeke! ⁵ Afo iyeci Acyun Aumi yimicdenaci, akac wantauc iric iyewacukenin andauc iken yicwanaci uwarewanafi, Wenic lo wayayic erantakac uwarewanafi enaic omare indikaracin andakakac uwarewanafi. ⁶ Micnimukami, Abarahami Koctinpac omare indikaracir andaponi ankekarac ukam waintan awic maremoni. ⁷ Inden waminowe, mini asapacten manan omare indeyon iniya waintauc Abrahami akafandauc wanteno. ⁸ Mam wayani macnin tikemino, omanan indikarac eyon andakaci Kocti ena makenu yawaci antekan iniya wainyauckin temino. Acnani tikenin mam wayani Abrahami nani tikemino. En kokacmanan makakac anasi wantauc yopic marantenone. ⁹ Iyen iniya waintaukaci omare indekafe, ikeni Abrahamin namac yimoyoko, Abrahami ommare indin waintan wemoni. ¹⁰ Iye uyaci lo wayani awakureyafono, Koctinic arankimi wantenone, Koctinic yokimi temonino. Masicden iniya waintauci lo wayasimi uwantenimi iyen awakeyouni yeni umani marantenone. ¹¹ Make amandaremi tisimemi, lo wayay indire awakurin wantoni mana waintawac iyewaci Koctin okankac antekemino, omare indin wantonanan Koctin okankac antekecumpe. ¹² Afo lo wayani wenimi Payan wayasaci yinuni munkeyonika ukekaino, iyeino, wanta mini lo waya awacdemi wanana wani mareantemino. ¹³ Jisasi ikeunamac umantin wakunami tiwikanim poni, "Lo wayay awakurin wantinkenawci tiwikemoni. umani marantenone, masicden iniya waintauci yasaci munku kanayouye. ¹⁴ Micnimukami, Abrahamin kinkena yopici mapac iniya waintauckimi wintemi, micni mukaci ikeunamaci tindun munkonunaponi mini Acyun Aumi maran tecu. ¹⁵ Tifactionano, ecanac wantan teyon tiricono. Wantan uwndukananin andandawe iyewaci manan pasapac iyedewaci, ackacena omandeke mikac aroyafono. Aci lo wayasoni uwantemino. ¹⁶ Micnukan wayani Abrahamin tamenimi wen anackimaci wantemino. Minin tenimi amuicno wara tikenaino, iyeini, manawananan tikemino. Jisasin nani tikemino. ¹⁷ Maken teni omarec indekunawe, 430 orande acnaempaci lo wayani yenine, iyewac manan Koctin wani tenin wayani yien payanic intemino. ¹⁸ Maken weyon iniya waintauci lo wayan namac ukukane, wani ukakenika intenaino. Wani ukacdemi Abrahamin amemoni. ¹⁹ Lo wayani wenimi, nec mini andai wenafinowe? Mikaci ocwickemino, newarafi, wayay arir anda, Abrahamin anaci mikac manan yemunkintemino. Ensorouc maro eran uyinkantenone mini waya indinayousimi. ²⁰ Indinanin waintawe amucno wani indintenone, afo Kocti weyan weminowe. ²¹ Lo wayani wenimi Koctinic ukakenim waya namaci mamakinic iyec ukeyafonowe? Amankac iyeukamino, afo lo wayani weni wanta ayun pawan amene, antekenin andawaci lo wayasimi yintemino. ²² Waya sonanan masicden manda andauci damintemino. Koctin micnomi Jisasinkimi yindun munkeyou yofainan ukakenin wayay indeko. ²³ Yindin munkir anda icnaemi yemifo, wani lo wayasimi damunkakemi make yindun munkir anda afotafic emino. ²⁴ Wani lo wayani mayausic dafiric ukami Jisasi yenim poni ikeunamaci tinduni munkekunai antekemino. ²⁵ Afo make yindun munkir anda yeraci mana waintaic dafirir andakimac iyen wecumpewe. ²⁶ Jisasinkimi yinduni munkekon poni Koctin akafandaic omino. ²⁷ Maicden iniya waintauc Jisasin awic timi man nomi marekouke, ikeyani Jisasimi mandeci kamunaic ureci ufekanakomino. ²⁸ Eni Jiuc wefe a? aca, Grikic wefono? Eni dumintin wanoc wefe, aca pawanoc wefe? Eni wantac wefe, aca anasic wefe? Masicden ikeunamac Jisasinkimi maya ukami wecumpewe. ²⁹ Afo ike Jisasin ninda weke, Weni ukacdenin awakureke, ikeni Abrahami anawasimi wanakomino.