¹ Poli fotini orande anayempaci, yeweke Banabasina Taitusina se yiwic maren Jelusalmic ic uremi. ² Teni yewekec Jelusalemic undeci ayofakenin wayani mapac iniya waintauc tiyimentecu .Teni minifac weci mamackin anonic ukeyou namac manan asentecu, newarafi teni wani marakekuna yokan namac maken marekuna yokaruc iyewac payanic ino wani. ³ Tatusin weni Krikic waintan wanimi, Banabasin weni Tatusimi awikem Koctin awaya tiyimiran wemi. Taitusi Krikin wanini o akeyec no. ⁴ Mini yamuci umac waintauci emami yerereni Yan waintakmi nanayini dukeyon wani yimam makantemi, nearafi ,mcinuraya damintin wakowani. ⁵ Poli temi, mayatiyemini, ikepuka waya marakowani yewekeci iye waci tiyimec umpe. ⁶ Afo yena anonic ukeyouni manaicwac temi iyen usinkatenone. ⁷ Umac waintauc onami Koctin temi Jisasi awaya u iye akakenu tiyimin yokani timemifo Pitami yu akakeniu sapac Jisasin awaya tiyiminowani tankaeken demi. ⁸ Koctin weni Pitankinkaci yu akakeni usimi yokemifo weni tenkinkaci yu iye akakeniusimi yokemino. ⁹ Jemisina Pitana Joninasen yonakeno, yeni mamaci uwareno, mini awacwac timenim yeni indinkenone. Mini yokan marano wani yeni Banabasin dekanda erani timeno.Micneyomi mapac iniya waintauc weyompac wonoani. Micnonayaci yeni yu iye akakeniu sapac woko. ¹⁰ Yeni iroc eyou nana mayau indenowani indaenoyo. Teni mini ukan irani tiyikarac memino. ¹¹ Afo Sifasi weni Antiokic yeraonici teni wemi wen ontimi oneci asecumpe. Sifasi weni mapac ¹² waintauc namac nan newanin. acnani Jemsi wapacten Kamore waintan yeyomi weni wen namac wayou yere yinkarmi wemoni, newarafi weni yu akan andawan teyon waintauc kani pekemi. ¹³ Ena Jiuc waci mini umac andakim wanoyo. Banabasi waci pukasikan wayani yereremi mini umac waintau namac wemi. ¹⁴ Micnoyoci teni yenyic waruc onanami Jisasinic pukasikan wayasac iyen munkonici teni masicde yukankaci Sifasimi aseci tecumpe, eni Jun wen mapac waintauc weyon waric muken eni Juke iyen wanamino. Nac urec eni mapactenu, Juc weyon waric okowarac tecteno. ¹⁵ Mayauni Jiu ic weumpe, mapac iniya wainta weni mandaic eyousewa wekaune; ¹⁶ Micnimukaci ikeunamac indinkec umpe, mana waintawac Kocti okankac lo awakurin andafo iyewaci antekanofo yeyidun Jisasinkin ymukeyon andafoni Koctin okankac antekeno. Lo tikenin anda awakureyou yeni Koctin okankac iyen nateckenone. ¹⁷ Afo ikeunamac Jisasinkin anteckaran indetenteci, acnani manda iniya waintan wekecumpe. Jisasi weni manda wani amoyaci intenafi? Iyeukami! ¹⁸ Teni, mini mandauc yewekec uwareci teni lo wayay arin wainta wantecumpe. ¹⁹ Lo wayani pukir asapaci tiwiken wewaci Lo okankaci teni puceci mini asacpaten teni Jisasin namac ayumi wecumpe. ²⁰ Jisasin namaci temi kekac yasac iraci make teya wekaumpo Kraisin tenkim wemi. Mana wu kim wekunai teni Koctin Akackimi tentindun munkureci wecu. Weni temi ayikarac uremi weni tenani kekac yasac pukemi. ²¹ Teni Koctinic awacwac yo manam pasac iyen decumpo, afo antekan anda Lo wayay tika tikan asacpate maranami Jisasinic pukini payanic mintemino.