¹ Pigo aindiva nayeva agatuwe asasa manda gumake asasa mage. Amalusa manda gumake mamba geva avaga wagaitaye, pigo kayo wani keva to kamba mitaye. ² Nayeva pigo Anutu nda holi siti wapa agatuwe, pipa mo aoso asasa siti Jerusalemi. Pipa inati manda gumatisa tumitaye Anutu tisa. Anutu ago paitaka yoke pugaindi kana, paviyama wayama wala wakena vundana auta wata pisa puma. auta wata pugainda mbaye. ³ Pina akaiva Nayeva avituwe kaisa ginami Anutu nda siya kini minditisa tave awamusa kamana ute. Pipa piya utaye,"Avo utaye makamana! Ibava Anutu va mikiye wawaya ayewa kinamige, piya vekana ayeva igenda Anutu wi mikiye. ⁴ Ayeva kamba igokaye vikiye iyowa vindi tunusu wanda kina kandamava. Ayeva kuwe atama migage ndanava meigaikiye kambalo kuwepa atakiveye. Tova wasanava kamba pulikiveye o indala puma kuwepa kamba atate tova kamba ivuki vaki vute vikiveye pai pugagesa pumava, pindanava kaga pagi vuwakiye." ⁵ Pigo Anutu va, kevaya siya kini la mi-i, utaye, " makamanati avoma! Nayeva ibava kaga enava asasa enamana pugasuwa!" Ayeva piya unamitaye: mandanava kayeyo ma ugamo ndanava kambama kamatiti pikivembepa ayetaka puma avolakiyema." ⁶ Ayeva to gakema unamitaye, " Nayeva kaga enava ago pagi vugasuwema! Nage nasa kaga enava vutoka, kaga enava pavi nage nasato pagivu gaikuwema. Kaga kina kevaya avikibikava, Nayeva uga imukuwema wani alu pindisa mesu navinai ngwani imukuwema wawaya asiasma mikiveka. ⁷ Nayeva imukuwema mo kevaya winimi vuti Satani ndaena vindi. Nayeva igenda Anutu mikuwema, To igeva naye ndakara ndondo mikiveyema. ⁸ Mo kegivaya iyekuru vuma meva pugage kinapa, mo kegivaya kamba imatiti pugage kinakeva nayeka, mo kegivaya kamba lataga ena pugage ke, kegivaya wasana iyegu gagage kinake, pi kaisa kamba laga kupiyo ena pugage kinake, mo kaisa yaba ndana pugage kinake, mo kaisa kambari gotiga ilaka vigage kinake, mo kaga kambari kamana ugage kinakema ivuka vaki ena mekiveye tave yaku tama mi-i pindi salfa yabata. pimba aminga piye tarala to pulikivene yopa." ⁹ Pigo ka angelo seveniwa angelo vindisa ayeva seveniwa iwale vindi waini minda__pi wainiva igokaye pikiye seveniwa aukwai ivuki vaki ena meiyoma__Ayeva kanama piya unamitaye," Kano utaye nayege nayeva kayakikuwa wawaya kaga yaga akima miye sipsip awalo mage wayama wala wagina visa puma!" ¹⁰ Piya vutagina Anutu Spiriti oma nagokaye vutaye, pigo ka angelo oma navamete inati tave amuti itaye, Ayeva nayakitaye Anutu nda holi siti, pipa asasa Jerusalemi ye, pipa kana mandalisa Anutu tisa tumitine. ¹¹ Pipa tavela yewasa vuwama asa vuwanda kani kanataye Anutu ayewa tisa. Paviyama siti lova yewasa vuwataye aogi yaba jasipa yema mindisa puma, paviyama asasa vuma alawama me aogi yaba tave mone megagesa punda yaba kandama. ¹² Kivepuma kana siti oma tivi kagisa kimalandapa inatasa kagisaye. Kana tivi kagisa vindiba tuwolupuwa kavi mindiye. Pi tuwolupuwa kavilapa tuwolupu watu Israeli mindi kayemala ndiye. Kaka kavila kaka tungama age mindiye. ¹³ Kakaga kaviba pa iyingakwai mindiya, kakaga kaviba male atisa aukwai mindiya, kakaga kaviba me pa movasiti mindiya, kakaga kaviba me avetisa aukwai mindegina vundiye. ¹⁴ Pi kana siti vutipa mala tuwolupuwa ndaba aguma isage votama vutaye. Pavi ndaba mala aguma isage vutitapa tuwolupuwa aposeli Isu ala poitati ndakarami ige kayemalandiye. ¹⁵ Pi angelo kamana unamiti goli lasa vumalanda makimi vuna ayeni asa mete kanataye, kana vi ayeni asava siti makimima ala pugai kana, pavitasa kaveba makimi vundana, tivi kagisava makimi vundana pugagai kana. ¹⁶ Kana pi sitiva konaena wapa kanala puma yokege vugaindane; yayelo ndana wape takaye nawape moti wagasi kanasi vundane. Aindi pigo angelo oma makimi vugaitagina kana sitiva ayeni asalasa, pigo ayeva amba omitaye yayelo ndana wapa 2,200 kilo mita yema, pavi yayelo ndana wape agava ena wape mesu inata ena wape pavigo ka kanala nema. ¹⁷ Ayeva ka ngama amba omitaye sigisti_sigisi wanema alainda enawapa. Kana angelo oma makimi vuna ndana mete nasima makimi vutipa pama ibava mete nasima makimivesa punda tasa makimi vutine. ¹⁸ Kana sitiva ka ngapa yanda yaba agewapa jasipa lasa pundane. Pi kana siti ayewapa aogi vuwanda goli lasa pumalandane yewasa vuwama klasi gandama. ¹⁹ Kana vi mala titi yaba kana ka siti omandava aogi laka puwanda yaba atandane. Amalu atanda yabapa jasipa yabane, pitasa tara yaba atandapa sapairi yabane, kakaga yaba melu atandapa kalsedoni yabane, taraye taraye kindavapa emelodi yabane, ²⁰ Pi nayaka amu ndavapa sadonikis yabane, tonendisa ka anumema yabapa sadiyusi yabane, tonendisa tara anumema yabapa krisoliti yabane, tonendisa kakaga anumema yabapa beriyol yabane, pi tonendisa taraye taraye kina to taraye taraye kinasuma anumema yabapa topasi yabane, Pigo naya taramu ndabapa krisoparesi yabane, naya taramu puma nagisalisa ka tumbema yabapa jakinti yabane, tumba pagivikena atutisa yabapa naya taramu puma nagisalisa tara tumbema yabapa ametisti yabane. ²¹ Kana tuwolupuwa tavepe gavi siti omanda vuma landapa peli yei tavelave vunda enalasa puma landane. Kana siti vindisa kaga kipa goli lasa pumalanda kana tavela yewasa vuwama klasi ganda vuwandane. ²² Kana pi siti vindiba tave alotu namapa kamba mindiye. Tave lemba Anutu ayewa mindiye, aye asa kaga enalapa inata kavindiye, piya vegina yagarawa sipsip awalo mindiye, piya vegina gana pika tave alotu namapa kamba mindiye. ²³ Kana pi siti vindiba kamba pakave o okave kamba kavona pikivene kanepa Anutu tisa kanama amba yewasa vuwakiye siti vindiba, piya vekana yagarawa sipsip awalo matisageva paviyama kanepa asa pikiye. ²⁴ Kaga kina wawayapa pavi siti vindi takivi kanita mikiveye. Kaga kini kina mamba vindisaba mete kanakiveye kaga enawipa siti vindi Anutu ambema inata pute sipsip awalova ambema inata pute vikena. ²⁵ Kana pi sitiva kaveba kamba akunite awite pikiveye pipa asesanava kamba mikivi kana. ²⁶ Piya vigina kaga kinapa kaga aukwaisa kaga enawipa mete kana gana pikiveyema siti vindi. ²⁷ Kota ngkwi pela mone ngkwi pela puma, kevaya kamba lataga ena vute toma toma ndana vugageke, kambari kamana ugage kinapa kamba ikiveyema siti vindiba. Pi kaga kina kevaya age mindi sipsip awaloma buku vindi igega ikiveyema, pi buku vindi ige mindi kinapa asiasima mikiveye, pipa igendaga mindiye.