¹ Piya vutagi Nayeva agatuwe ka angelo manda gumatisa tumitagi. Ayeva kalasa kiva ulite tumitaye, tunu suwanda kalasa,piya vundana ayativa tave seni ulite vulite tumitaye. ² Ayeva tumba lakulitaye dragoniva. Kana dragoniva paitaka mindi kuyaye,pipa devoli, pi ayeva Satani ye. Pigo angelo omava tumba ayapa kilokaye taye seni lasa. Kana seniva kamba igaluvanda wani tauseniwa ngwa uma agevenoma. ³ Pigo angelo omava asagayoma mogaitaye mopindi laka, tunu kavindi, ayeva kabeva akukaitaye kana tunu kava, alokimi vugaitaye, agolata esegi vugaitaye wasanama aigisana gava. Aye piya vutipa to Satani va wasanava kambari kasa kamba oigasima wani tauseniwa ngwa pindi aogi mi-iyoma. Pi aindiva, Satani pa itetatakina alondaga vindiva nanavaya pikenava aumala pikiye Anutu ayeka piya vikiye ugaindisa puma. ⁴ Nayeva kaisa siya kini lova agatuwe wasana mala mima mitega. Kana vipa Anutu esegi ena imima kotiyena piyo oimiti. Nayeva pavi kinake inamu kasagainda kinami igu yagara geva mitaye mo taga kamana Isu ka pagusa teke Anutu kamana pagusate keva. Igeva ika imigaite kinane kavu kinakava kamba ilaka vite amandagava kamba awaga ute vute kinane, igegeva kamba ye oitategana kavu ginama ndambapa kamba ala poitate vutene, paviyama inelano iyati yomava kamba poitatene. Igeva to iyogama mitaye, Igegeva ayeva ena vuma kavitaye Isu ge wani tauseniwa ngwa pindiva. ⁵ Igeva amalusa kinane iyogama mikenana vindiva Anutu paviyama tiyogama mi-iyo oimiti kana. To kaisa gina imatiti kina pulite kinapa kamba iyoga itandiye pipa wama wani tauseniwa ngwa pugasigina gane. ⁶ Anutu va tavela amundanava poitakiye to amalu iyogai takivi kava. Anutu va awema igagasima aogi kinataye oimikiye. To igeva pulisanava kamba laka pugakiveye. Pikava, Igeva Pristi gina mima Anutu ke Isu ke eliya pikiveye,Pavi igegeva ayeva eliya puma kavikiveye Isu ge wani tauseniwa ngwa pindiva. ⁷ Pigo pi wani tauseniwa ngwa uma pagivekanava, Anutu va Satani pa kabeva aiatakiye igana vindisava. ⁸ Satani va wama kambari kamana tavela uma uta nasikiye kamba imatiti kina pindiva mo kaga aukwai. Pi kinakava ago profeti Iskieli ugaindiye pimbala pikiye mava Gog ge Magog geyema. Satani va ivama aki voitakana igeva Anutu kinamipa kama poitaki veyema. Pipa igeva tave ginataka yambi Anutu kinapa kama enava poitakiveye piyaki kinane mava wasana miva kamba nambapa isukiveye, paviyama me ka yagara mava kamba wanitisa wesaniva isukivi sapuma. ⁹ Igeva masi vulite mo kaga mamba vindi nasikiveye kago puma kana kuma pindiva Anutu kina mipa Jerusalemi, kana siti Anutu pa avuwanda siti vindiye. Piya vigina Anutu va yaku ma aisagakana mandalisa tumikiye, pindaku ngama kaga kinapa tumba iyala kiye. ¹⁰ Piya vekana Anutu va Devoli va yaku pindi asagayoma mome vugaikiye, kevaya kambari wasanaga oigasi gagai ndagara, asiasima tama mi-i ndakupindi salfa yabata. Pavi ndaku pindiva kavu ginake kambari profeti geva Anutu va isisagayoma mo isitati pindiye. Pina amika, igeva evi evima ivuki vakima yaguma mikiveye asiasima. ¹¹ Aindiva Nayeva agatuwe tavelaka tavelave siya kini la Anutu mala mima mitagi. Ayeva aovindiva wasana mava kamba agasiya ginane mamba omage male inatisa ena omageva isiyegaka pagasa laka agolasava atate wagai tase; to kakeva kamba mikivese. ¹² Nayeva agatuwe wasana puwanda kinapa ibava iyogama asima mitaye Anutu siya kini oma aoli. Igeva tave ginano kamba tave ginanoma! Pigo bukuva Anutu kayema yamalanda nanavaya wawayami pugage pi bukuva aigitaye. To ka buku lova aigitaye, pi bukuva aogama minda bukuye pipa pavi Anutu kayema landa wasana age asiasima mikena ginaminda. Anutu va koti voitataye wawaya puwandapa mesu iyoga tegana mo iyogama mitindi vute ndana wika, paviyama mo kaga buku vindi pumalatisa puma. ¹³ Kaisa gina kayo wani pindi naisu wandapa mesu asilite Anutu siya kini la amba asitaye. Mo kaga puwanda malakati kaimalala vunda keva asilite Anutu siya kini li amba asitaye. Anutu va koti yetami itataye mamba vindi mindini pugage ndanaika ka ka kina. ¹⁴ Ige mo kaga kamba imatiti punda kinapa__pavita mima agavama mitaye aindi asikena__igeva asilite yaku pindi wakena. Pindaku pindi wakivepa tarala puliki vekana pipa agola yaku pindi miwakiveye. ¹⁵ Anutu va buku vindi agakana ige kamba minda kivikava yaku pindi isagakiye, pipa kana kamba laga enalaka Anutu va igeva kayema atandiye, pikinapa asiasima mikena yakupindi isagakiyema ago pugaindiye.