¹ Pigo aindilova pindana atawagai tagipa neva avituwe awamusa kamana igoma kinami ute manda gumatisa. Igeva ayendaye uma piya kamana utaye, "Haleluya! Ayeva tawima tava metayema! Aye yakunga pindi tave agi mekiyema! ² Age mema inata pukune ayeva wasanava tagamba yetami itakiye koti ikivi tapa! Ayeva ago igana vindi itandiye kamba laga sitiva kamba laga kupiyo ena pugage mamba vindisa ginamige. Age mema inata pukune ago igana vindi itandika ayewanda eliya kina iyegu gagage kava. ³ To katato ayendaye utaye tave igoma kinamilo, piya utaye, Haleluya! Pi kunda yaku talite siti vindisa imami kiyema asiasima!" ⁴ Pi ige tuwenti fowa tave ginake fowa kina migage kinamiva igewe iyowalisa palokayema alotu utaye Anutu ka, mo siya kini wata miti ndagaraga. Igeva utaye:"Pipa taganema! Haleluya!" ⁵ Kaisa ginami kamana utaye siya kini lasa piya utaye, Kaga kegavaya ayenda eliya kinanga mindambe, Age mema inatapo, Age mema inatapo Anutu leka! Kaga kegavaya ayendawa mindambe, Paviyama kage mindiyo o kambayo, kaga kinamaga age mema inatapiyo!" ⁶ Pigo Nayeva to avituwe ka awamusato pipa tave igoma kinami ute kamana, pipa tave waningama aba mevuma tapo isa kasa avituwe, kana awamusa kasa avitondana omava me apaki votama andalu isa kasa utaye. Igeva tavela ayendaye utaye: "Haleluya! Tayenda Tave Anutu lepa, Ayeva kaga enala tave kavindi yema! ⁷ Pikava tamu peno, pipa tavela takaya aisa yeno, piya vute ayekava tavela awaga yeno ma ibava wayanga mbage atokayema mareti pikena yagaye. Aye wayamava ago ayewapa yoketa mindiye. ⁸ Anutu va kana wepa kawona tandiye ayewapa aogi autasa ena vuma aogi gailasa autawata puma yoke penoma aogima yewasa vuma." Pi aogi gaive, yewasa enave, aogi vuwanda kaive, amandana mo aogi ena Anutu kinami pugage kaye. ⁹ Pigo to angelo oma unamitaye,"mapa kayeyoma: Ayamba aogi vuwakiye wawaya Anutu ala poitanda kina ivamete tave nanindali wakibipa sipsip awaloma mareti pikivindagava wayanga!" Ayeva to kake unamitaye:"Makamana Anutu pagusama ipa taga kamanane!" ¹⁰ Nageva avaga enaga nowalisa mo palokayema agisa vindi nalaka vima alotu utuwe. piya vutogana ayeva unamitaye, Nayetapa a kalaka viyoma! Nageva kayendage mo kaisa imatiti kinamike eliya kina tindayema, mo kamana pagusama taga kamana yekina Isu ka pikinata eliya puwe utaye. Anutu ka asa kalaka viyoma pipa ayeva spiriti kana Anutu aye asa esegi enava imiye Isu nda taga kamana pagusama iyoma gana!" ¹¹ Pigo nageva to agatuwe manda awiwa tagi, pigo nageva to agatopa tavelave hose agatuwe. Isu, aye asa kana hose lapa mala mima mitaye, ayekava ikiveye " Kaga kinamiva ilaka vite awaga ikiveye ayeva aogi vuwanda yagara yema."Aye wasagava koti voitakiye igewi pikivendana laka; ayeva kana kamana oitakivi pindiva kevaya agama votakivi kinaka otakiye. ¹² Aye ao-oma agaipa yaku avusa oma yewasa visa puma miye. Igoma kini hativa agatuwe anotiva. Piya vegina ageva auti kayema landane. Aye asa kana age oma amingapa avindiye. ¹³ Pi autasa ena vulitipa kora ngamana sawanda autasa ena vulitaye. To ka agiwatova" Anutu nda kamana nganema." ¹⁴ Kaga ami gina manda lisava agaluva mete kanataye. Ige geva paviyama tavelave hosela mala milite kanaye. Igeva iyutasa enava paviyama tavelave ena pulite gini kanaye. ¹⁵ Kana yagarama awamu pindisava awana wanda yogi ilosa mete kanataye; Pindogi tasava mo aye kamana ika amigasi gage kina pindi, piya vugaiteva ayeva tave mikiye igetapa esegi enawa pindi ayeni asa wata asima mima. Ayeva agama ginangapa agisa wanda iyema iyelutu pakaikiye waini andi ayelutu pakasi gage sapuma. Ayeva piya vikiye Anutu ndaga, kevaya kaga enala kavindi ndagara mava esegima amo enawapa poitama mi-i kana agunda ena pekava. ¹⁶ Mo autasa enawativa piyamba ageva kaye tandaye: "Kini ginaminda tave kini yema ayeva tave kinaminda tave yema." ¹⁷ Pigo Nayeva agatuwe ka angelo asima miti pangaovndi. Ayeva kegaye utaye tavelasa mo kaga kekepa mandali paulite nasi kavalaka me wasana puyewa kinama au amba ukisevama naiyoma,"Kanama amba akima naiyoma Anutu tave naninda mema limiya! ¹⁸ Kanama amba nayoma Anutu agama gina iyeguma alitandiya__kini ginami iyu pela, ami ginaminda komenda ginami iyu pela, kegivaya kama ena esegima pugage kinaminda vela, kaga hosege ami ginake hose akavata mima wagage kina pela, mo kaga toma toma kina keva, ugamindano uga eliya pugagano,tave gina kayo kambayo, kaga toma toma kina!" ¹⁹ Pigo Nayeva agatuwe kavu ginake kini ginandanake mamba vindisa ami ginake; igeva kanama amba akivutaye mo hose akavata kanati ndagarage mo akavata kanate kinamike iyegukena. ²⁰ Mo kana hose akavata kanati ndagara tavelave hosela miti pindagarama amba ilakuli taye kavu ginake kambari profeti ginake. Pi kambari profeti ginamava tave mirikol vutaye pi kavu gima aolapa. Pindana potamagina kambari ena wasami iyolapa piya voitama kavu ginamanda namba alandana inela poitatike ilaka vinda amandagage. Pika Anutu va isagayoma kavu ginake kambari profeti geva yaku pindi yabata agutama mi-i pindi mome poisi tataye. ²¹ Mo hose akavata mala mima kanati ndagara mava mo kaisa ami ginapa yogi ngwatasa iyegu yegaitaye, pipa awamunga tasa kamana utindama vutaye. Kaga kavala inati pamete nasiti kekepa ngama amba agisevama nataye mo hose vuwanda keva.