¹ Aindi lova ka angelo agatuwe, pi agatonava tave agi minda angelo agatuwe, mandalisa tumitagi. Pigo pi aye tumi taginava mamba vindiba tavela alama yewasa vuwataye autisa kanengamava. ² Pigo ayeva tavela aye utaye,"Anutu va pagi vugasima kamba laga pugaikena vutaye Babiloni kamba laga sitiva. Pina atunga tiva, kaga toma toma kamba laga spiriti va pipindi ambi wakiyema, pipindiva asekasa kavala pela toma toma kavalapa ambi kiveyema, Babiloni va kamba lataga kupiyo mayema, ³ kaga kina mava pi ayege ambima kamba lataga kupiyo enava pugage kana, waini wani namete aivo navo pusuma pugagaye. Ye, kaga kini kina migeva kamasa ena pugagaye kana wemageva. Piya vuma kana ena vetasava tave mone mema mone kinadana pugagaye kamba laga kupiyo ena petasava." ⁴ Nayeva to avituwe Isu mandalisa kamana utipa. Ayeva piya utaye, "Nagende kinami oma, pagasama mi-iyoma Babiloni isava ige pipindisa ginami pendanava a uma kata puma kamba laga enava viyoma. Pigo ige vesandana pikive kava, Nageva igana vindi titakuwema seveniwa toma toma ngaukwai, paviyama ige poitakuwosa puma." ⁵ Igeva kamba laga ena wimbava tavela anosalite imamiyema inati manda gumati piya vegina Anutu napi itaye igeka, Piya vikana ibava ayeva igana poitakena viye." ⁶ Pigo angelo ga Anutu piya vikibene omiti Babiloni ginaka igana voita kivenema, Isu va piya utaye," Awe vuma pi siti vindisa wasana nanavaya poitagage kanava meva puma poitoma. Meva puma tarala kunda enawapa poitoma kaisa gina ivuki vaki voitagage sapuma igetova poitoma. ⁷ To kake meva pumalo Babiloniva, wayama aoga puma, ayeva ayewaka agalima kamba lataga ena pugagaika nanavaya veno indanava, meva pugasima kamba lataga ena vugagaika avuki vaki vuma aukisana enavindi yaguma miye. Piya vundanava napiena wapindiva napigagaye,'Nayeva tavenaga kaviwema kuwinaga! Nageva kamba kiya wepa minduwema, Nageva kamba kuwetama mikuwema kiya wenda yaka! ⁸ Pigo ka yagava, tave gunda yagava kanakiye kana wetapa. Wawaya kana siti vindisava pulita wakiye, kaisa miva igeka kuwe atama tuvu pikiveye, kaisa ginapa nanindaga tavela kavona vikibeye, piya vekana siti vindiba yakupa tata wakana. Tave yagara Anutu va kaonama igana voitakiye pipa nanaviyema Anutu va Tave lakayane." ⁹ Kini gina mamba vindisava kana wemage kamba laga ena pugage kava napite kuwe atakiveye mo kana siti vindisa kunda lalite iyekiniva agate. ¹⁰ Igeva pagasa laka mima Babiloniva agakiveye tavela iyekuru vutegini piya gundalo meyasu nema. Igeva piya ikiveye," Pipa ayaki kunda miyema Babiloniva, pi esegi sitiva! Anutu va avaga enaga igana voitayema kaga asoya vugasima!" ¹¹ Pigo mone kina mamba vindisa ginamiva agate kuwe atakiveye ayekava kegi pipindisa lova kanama ikandanava pulagai kiveyema aisaga kunombe ndana lepa. ^{12- 13} Igeva aisaka gagaye aogi enava goli lasa pumalanda enava, silvave, asasa yabape, tave ape nga minda enave. Igeva aisaka gagaye tavela ape nga inata iwanda iyutasa enage aogi slika geva, inata iwanda kai kokomu vama asasa vuwanda ke. Igeva yava asoya vuwanda yage, bronis ve, ayeni ve, maboli ve. Igeva aisaka gagaye ya andipe sinamoni, aogi agunda ena sipais ve, pefiumu ve, frenkinsenis ve, waini ve, olive weli ve, aogi palawa pe, greni ve. Igeva aisaka gagaye bulmaka pe, sipsip pe, hose ve, hose oma kaleve. Igeva wasana gekepa aisaka gagaye kagove uga eliya piyoma. ¹⁴ Aogi ena tige aganoma wawaya mita yagu endava ago atawa gasayema! mo kaga aogi enagapa kaga pagi vuwayema! pingawa enagapa tova kamba mekana kiyema agola wagasi kana! ¹⁵ Pi kana mone kina miva kota ngwe aisama tave mone kinandana pugage kinamiva pagasa laka asima mimagini tavela iyekuru vikibeye pi siti vindi pindana tayeta kanasiyema. Igeva pikava tavela kuwe atakiveye, ¹⁶ piya vute igeva ikiveye,"taye kuru ena viyema pi tave siti vindiva! pi sitiva ka waya kandama mindinema, kana wepa autasa enava esegi ena pulite asasa vuwanda kokomu gai puli gagai kana, ayeva goli lasa vute, aogi yaba tasa vute, aogi autasa enamana puli gagayema. ¹⁷ Piya vugagaipa avaga enaga Anutu va kaga enava mema kamba laga pugai tayema pi inata iwanda enava," Kaga sipi kepteni ve, kaga sipi vindi minda pe,kaga amana sipi vindi migage pe pi kaga kayo wani pindi nasima aisaga ena pugage kinape pagasa laka mima mikibeye pi kana siti omapa." ¹⁸ Pigo ige agategini kunda yaku talite ikivi, igeva aye ikiveye,"to ka sitiva piya vundapa kamba mindiyema pi tave siti ganda vundapa!" ¹⁹ Igeva ini akavalama inoti malo mevutegini iyuma omapa asawakiye, igeva aye ute, kuwe atate, yagu kiveye. Piya vute ikiveye,kamba laga enalaka piyema Babiloniva. Pi siti omava igoma kina taka mone kinandana poita gagainema, wasana miva sipiwa minda kinami ge amana sipi minda kinamive tavepe enawipa pavi pindi aisaka gagayema. Piya vugagepa Anutu va avaga enaga mema asoya vugasima kamba laga pugasayema kana sitiva!" ²⁰ Pigo kaisa gina inatisa kumatisa piya utaye," Kaye kegavaya mandali mindambe, kamupo nanavaya vuma avolai ndanaga Babiloni! Kaye kegavaya Anutu kina minda kivembe, aposeli ginake profeti kinake, timupiyo. tigeva timupiyo; Anutu ka tumupiyo ayeva ago igana vindi itandiya kamba laga ena tigeta pugage kinapa!" ²¹ To aindiva ka angelo lo kanataye ayeva ka tave yaba witi alivana melite, ayeva membe votataye kayo wanipindi. Piya votate utaye," Tige wasana minde tave siti vindi Babiloni, Anutu va mome vugaikiyema wani pindi tigenda tave sitilipa uma kakawa kiyema kayo wani pindi! Tigenda sitilipa agola taka wagaikiyema asiasima! ²² Tige siti vindiva, pipindive kapa kamba vukate, iniva kamba ute, payepu vindiva kamba pukate, o pikuliva kamba pukakive yema. Pipindi aogi napi enalasa kaga ena pugage ndanava tova kamba pikiveyema. To kake mava kamba wasana miva greniva aliva kiveyema masini lapa. ²³ To kakema alamu kanipa kamba lo lakiyema pipindiva. Togemava kamba imundanava pikiveyema waya enave ibandanave. Anutu va kaga ena mema kamba laga pugaikiye pi sitiva pipa nanaviyema mone kinapa ago kamba laga puwaki vekanaye kaga mbavindiva. Pipa ige mone kina mindini wasanava igokaye pugage kana kambari ena vindiva. ²⁴ Tige mindili pi wasana ayegu kenana vindiva profeti kinake kaisa Anutu kinakeva iyegu gagaye. Tagane, pigo tigeva awema agakiveye wasana iyeguma kamba laga poita gagekava mamba vindi!"