¹ Pigo ka seveniwa angelo oma, ka seveni iwale mete, nayeti kanama piya amba utaye, Naye wakuota kano utaye nayeva kaisa Anutu aya vaya pikivindana kupiyo wema auta kaya kikena vuwa, kana wepa ka sitiga ala puma mindipa igoma tavepe wanita mindiye. ² Kaga kini miva kana wepa kamba lataga kupiyo ena vuma migagaye, Kaga kina migeva paviya ena kana wemageva pugagaye pavi kamasa puma. Piyama kana wemava waini wani imima aivo poitasuma pugagaye." ³ Pigo Anutu Spiriti oma nagokaye vutaye, piya vutagina ka angelo oma navamete wataye ka aukwai. Piti watoti nayeva mo ngwepa uma agatuwe mala mima miti tete vunda kavu gina akavata. Kana kavu ginama autapa age kayema kaga auti pume tandane. Pingawa agi kaye malandapa Anutu akaya kamana kaye malandane. Kana kavu ginapa seveniwa anongayambu mite teniwa kao awa mindane. ⁴ Kana wepa autasa enava vulitipa kokomu vusu vundata tete vunda ena pulitaye.Kana wepa toma toma golige, aogi vuwanda yaba ke, toma toma ndanage; pi ayativa goli kapu uma mitaye. Kana kapu uma miti pindiva kamba lataga ena awagitawa nda kana pindana omaka alapuma vutipa kana wemanda kamba lataga enawaka vute kamba lataga kupiyo enawa pugagaika vutaye. ⁵ Pavita tova kaisa age lova kayema malandane aowaliva kana wema, kana magiva kakanda ena oma amingane, pipa, pingwepa Babiloniye, kamba laga ena oma amingane kana sitiva! Kana wepa kamba laga kupiyo ena omanda anowambaye mamba vindisa. Aye poiyaki gagaye kamba lataga ena oma kamba laga enava, mo mamba vindisa kaga aukwai mindipa." ⁶ Nayeva agatuwe kana wepa aivo ngwani nati pipa kana wani natipa kora Anutu kinaminda nataye, mongawa gina ivuki vaki enavindisa kamana pagusata nasite kina taga kamana Isu nda. Kana we agatopa, nageva tavelataka pamindami vutuwe. ⁷ Pigo angelo omava unamitaye," A pamindami voma. Nayeva piya enaga viyemava amingapa ugamukuwa kana wemake pi kavu gina akavata kanaikava, pi kana kavu ginake seveniwa anongayambu ge pi teniwa kao awage gava. ⁸ Pi agambe kavu kinapa paitaka mindi kinane. Piya vikana alondaga Anutu va kamba laga potakiye ayepa, ma ibava ayeva kamba aogama mindiye. Ayeva pavigo alondaga mesu igategina aukisana vindisaba to tumukiye kamba pagivuwa kena mavindi. Pigo aye vi kavu gina to mekana kivindaga, mo kaga kinapa mamba vindi miye kinapa agate pamindami vikibeye. Pi Ige isa pindi ige kamba kayemalanda kinapa asiasima mikena aindi Anutu mambava pikiyaka. ⁹ Wasana miva kavona veye aogima napima agamagini agaiyo mandana gava: Pikana seveniwa anongayambu kavu ginamanda mindi pi waya mala mima amandana sevseniwa amu mindi siti vindi alapuma. Pavikeva amandana potandiye seveniwa tave yakaraga. ¹⁰ Payepuwa tave yakarava ago puwandaye. Piya vundegina pi kapa uga mindiye. Pi kana seveniwa tave yakarava kambalo me kanandaye. Pigo aye kana kivindagava, uga amana ndagando ambikiye. ¹¹ Pi kana kavu gina mindi pai to ivalova kamba mindiye pipa aiti nambane tave yagara. ayetakapa pi seveniwa pindisa ka tave yagaraye ayeva, piya vikana Anutu va kana yagarava kamba laga potama ayegu gaikiye. ¹² Pi naya talamu kao awa agambepa pipa amandana naya talamu tave yakara aindi amba kavi kivekaye. Igeva esegi ena mekiveye alaga wawaya tapa kavi kiveyema kaga kavu gina keva, Piya vikibepa uga abaga andolaka pikibeye, uga me ka auwandoga pusu pikibeye. ¹³ Pi kaga tave yakarava ka yuma pulindini pikibeye ka enamana. Pina atutiva igeva amikiveye kavu gina esegi ena wawayata kavi-iyoma. ¹⁴ Pi tave yakarage kavu gina keva igeva kama ena potakibeye sipsip awaloma. Ayeva pi kama enava winimi voitakiye pipa nana viyemaye ayeva tave yagara lakane kaga tave agi menda kinata kavi gagai ndagaraye aye kini ye mo kaga kini la kavindi ndagaraye. pi kaga kina ayege mindepa Anutu ala poitandi kinane ayewa ndaga kegaye uma ala poitandi, igeva ayeka napite yumaipa akusama migage kinane." ¹⁵ Pigo ka angelo oma unamitaye," Pi wani agambepe siti vindi pipe amandana agane kaga toma toma kinaka igoma toma toma kina wasana akima mi-ikina, toma toma kamana ndaga kinake, pi kupiyo we mala mima mindita. ¹⁶ Pi naya taramu kao awa agambepa amandana tave yakaraga agane utaye. Igege pi kavu ginamageva ikasiya votaki veye pi kupiyo wekava. Pigo igeva kaga enawapa mema pagi vogaikibeye pi siti vindisava kaga enawa akuvuma auka atasuma. Igeva kaga enawapa kamba laga pogaikibeye kaga agola agaluva kaisuma auka taka, piya vugasima kaga enawapa yaku kavabima pagi vugai kibeyema. ¹⁷ Igeva piya vugaikibeye pipa Anutu piya viyo oimikibi ndana pikive kana. Pina atutiva, Pigo ige itakana kavu gina miva esegi enawe tasa kavima mita wama Anutu piya viyo oimtita uma age pikibeye. ¹⁸ Pigo pi kupiyo we agambepe amndana kamba laga siti vindi kamba laga tavepe gina mima kini ginata kavitai mamba vindisa gina agane."