¹ Amonda agasuma pagu agatopa Nayeva avituwe kaisa ginami tave alotu nama pindisa kamana utipa tave kamana ndama pindisa utaye, pipa angelo ginaka oimitaye mo seveniwa iwale uma mite kinaka. Ayeva utaye," Matasava wamagili uma ateva iyoma momba vindi waini seveniwa iwale vindi mindi. Pindana omava momba vindi minde kina ivuki vaki enala ayetanoya Anutu igeka amo poita ndana." ² Pigo amalu miti angelo oma uma atevataye momba vindi aye ngiwale vindi mitindana.Pina agowapa, kamba lagama aukisanava pikena anamu ilugi kivipa mo wawaya kavu gunama ngeliya kinaka ye otatagi age gaitati kinami pindige,mo kana kavu ginama amaka awaga ute kinakela. ³ Pigo pitasa tara angelo lo uma atevataye iwale wato kayo wanita. pigo iwalewa uma atevata ginava, wani ngamava uma awe vuwataye, kora ngwani ndana vutaye, pipa kora taka kandaya putaye. Ayeva mo puwanda kinami kura kanda vutaye, piya vutagina kaga kina kayo wani pindi minda kinapa kaga puyewataye. ⁴ Pigo kaga angelo omava uma atevataye iwale wapa mo tavepe wani take amana nwani ando ndo lakema. pigo iwalewa uma atevata ginava, tavepe wanike amana ngwani ando ndova kora awevu wataye. ⁵ Nayeva avituwe mo angelo kevaya esegi enawa minda wanita kavigagai ndagarama Anutu ka omiti," O Anutu, kayeva minda mbekana kaga yaga mima unda wakivenema. kayeva holi yagara gaye. Kayeva kanaramba wawayapa kotiva poita kivenema. ⁶ Kaye kamana kamba avigage kinamiva iyegu yegaitaye holi eliya kinakapa profeti gina. Piya vegana kayeva igana vindi itandane kora ngwani imekana nama miye kinapa. Pipa igewi pute ndanagaye," ⁷ Pigo nayeva to avituwe kaisa ginami alta lasa awema utaye," Ye, Tave yagara Anutu, kayeva kaga enalapa tave kavindane, kayeva wawayapa iganavi itandane tagamba ayetakaya." ⁸ Pigo fowa angelo oma iwalewa pindi atatindana pangama aovindi malo atikaitaye. Ayeka piyavoma omiti ndana vutaye tavela pangamava mumu puma yaku tasu venoma wasana ayala kivipa ⁹ Piya vekina kana wasana ayalaki vipa tavela yaguiyoma, piya vekinava igeva kamba lagama Anutu kava akaya kasava ikiveye mo esegi enawamba ivuki vaki enala ayeita kivikava. Piya vekina igeva evi evima ikava amigai kiveye mo kamba laga enaikaga ivuwama Anutu ageva kamba mema inata pikiveye. ¹⁰ Paviyama nayaka amu puma angelo oma iwalewa mo atuguva kivipa kavu ginama siya kinila atugu vakiye, pavigo avaga tunu suwakiye pavi kavu ginama kavima mikivi ngavala. Piya vekana kana kavu ginamage wawaya migeva iwalasava indevula okama ukilisama tavela iyuki sanava mekiveye. ¹¹ Igeva Anutu kava tavela akaya kasava ikiveye mo inamo ngama iyuki kivikava. Piya vekana igeva tova kamba laga enava kambalo vikibeye mo pai pugage sapumava. ¹² Piya vekina to nayaka amu puma tonendisa ka anumema angelo omalo iwalewa atuguva kivipa Yufritisi wanita atugu vakiye. Pigo kana tave wanipa asawa kiye piya vekana pigo tavepe gina pa iyitisa kandiri vindisa apayo puma igama gina ndaga kana iyoma. ¹³ Pigo Nageva agatuwe igoma kamba laga spiriti kanatipa aogangapa talo kanda vunda. Ka kanatipa dragoni oma awamu pindisa kanataye, kato kanatipa kavu ginama awamu pindisa kanataye, pi kato kanatipa mo kambari profeti oma awamu pindisa kanataye. ¹⁴ Pingawa kamba laga spiriti kanatipa igeva kanala milikoliva pikena gina kanataye. Igeva kaga wakiveye mo tavepe ginamita kaga mbavindi mema aki voitama kama ena viyoma. Pipa tagamba pikiveye igeva tave akemba ndanava ka tave yaga Tave Anutu agama gina igana voitakibi ndaga. ¹⁵ Nageva avitogana tave Isu va piya utaye," Kayeva aogima ma avoma: Nage kanakuopa piya ndaga yema kamba napiki vembe ndaga kanakuwema, kukina kana gagai sapuma. Piya veki Nageva tavela namu puwakuwe mo kaisa kegivaya yoke puma nagava vikibe kinakava piya vikibe kava igeva kamba ini pikiveye. Igeva ago napi gina mima iyutasa enawipa pulima yoketa mikive kana ini ndanava kamba vikiveye kaisa ginami iyo vindiba." ¹⁶ Pi kamba laga spiriti va aki voitakiye mo tavepe ginapa ka mbala agewapa Hibru kamana pindisava Amagidoni yema. ¹⁷ Pigo nayaka amu puma tonendisa tara anumema angelo oma atugu vatipa mo mandali atugu vakaitaye. Pinakava, kaisa ginami utaye tave kamana ndama pindisa malo siya kini oma aoli aogi vuwanda pindisa,"Pi kana Anutu igana vindi kamana kamba aogima avigage kina itandipa pindaga amba pagi vuwaki yema." ¹⁸ Pigo angelo oma kaga iwalewa pagi vugasa kinava, tavela kane amba yewasa vuwakiye, pingava lapa tavela awamusa ngaga ikiye andalu uma, piya vekana imima pikiye. pi imima pikibipa tavela pikiye paitaka wasana ena votati tapa kamba piya imimapa vundi kanala. ¹⁹ Pinakava, tave lakaya sitiva kakagala apako vikiye. Piya vekana Anutu va tavela kamba aogi vugaikiye kaga sitiva kaisa aukwaisa gina mindava. Anutu va kamba lakaya ageguwa vundiye Babiloni ginakava kamba aogi ena vundekava. Pitaka igeva asa waini nakiveye ivuki vaki viyoma Anutu amondana wapindi. ²⁰ Pavi imima pikivi ndana omapa, kaga ailaniva wayegaikiye, piya vekana kaga amupa takuma akusawa vuta ganakiye. ²¹ Piya vekana tavepe yaba, agutanda 50 kilo gremi, awale yatu vulite inatisa tumu vikiye wasana auta. Piya vekana wawaya mava tavela Anutu kava kamba lagama akaya sikiveye pi kamba laga voita kibikava, pikana agutanda yabapa tavepa yaba kanaye.