¹ Kaisa tave ena kamba pugagai ndana vuma avolataye mandali. Nayeva agatuwe seveniwa angelo,Pipa kengeliya payaye kana kamana kamba aogima avinda kina ivama igana vindi itakenava seveniwa ngaukwai aota aota puma. Pipa ayeva atutisa yaga Anutu vikiye pingaukwai igana vindi itakenava, pindanava nagali gasima iyakikiye amondana wapa. ² Naye agatopa kayo wani kanda ena agatopa pindana omalova ama agana glasi vindi yaku atokaye malandane. Naye pipindilo agatopa wawaya mo kavu ginaka kamba ilaka vite ama ndana kega igatuwe, pikinake mo kavu ginamanda eliya kina ngkwa kamba atatagina auta kamba alandana vute namba kamba kaitati kina kema. Igeva asima mitaye mo kayo wani glasi ganda vunda mitita.Igeva asima mima gita viyena iya pindiva uma mitaye Anutu imiti. ³ Igeva ka ngini uma mitaye Anutu nda eliya ndagara wamba Mosese pai umalandi ngini. Ige pingini utepa sipsip awaloga age mema inata pikena pingaukwai utaye: "Tave yagara Anutu, Kevaya inata mima kaga enala kavi gagai, Nanavaya pugagambepa esegi enaga pindisa aogi enamana pugagane! Kayeva aovuloto enamana pugagane kaga yagava tagamba ndana mana. Kayeva kini gaye asiasima kaga kina ayeta paya umi ambive pindi! ⁴ O Tave yagara, kaga kina miva iyekuru vute kayeta age pikiveye kaye kasa holi yagara gaye. Kaga kina mive umi ambi vindisava kanate amba ilaka vima kawaga ikiveye pipa ago iyaki gasane wawaya ka koti ena poita kenava taga ngaukwaisa pugagambe kana." ⁵ Aindi pindana atawagai tagipa Nayeva agatuwe inatisa gumatisa tave alotu nama aiwati, pipa kana seli nama agatuwe. ⁶ Kana mo seveniwa angelo ginami eliya ngwi pute kamana kamba aogima avinda kina igana voitakena seveniwa ngaukwaisa me kanati mo kana holi guma pindisa. Pi kana angelo ginapa iyutasa enava aogi vuwanda pulitegini, tave lave vuwanda pulitaye; pi ivilapa goli ganda enalasa pagumba landa pulitaye ⁷ Kawina mo fowa kina migage kina pindisa seveniwa angelo gina imitaye goli lasa vumalanda iwale waine awagita wawavunda. Pi kana waini oma amingapa Anutu, kevaya asiasima migagai, pi ayeva tavela amoena wapa wawaya aye kamana ika amigage kina igana voitakena piyamba potandiye. ⁸ Pi kana tave alotu nama pindisava kunda ilosataye pindana oma amingapa malunga pindisa esegi enawake yaku ikinaka enawake kaga esegi vuwanda yagara yema Anutu va. Kamba ka kina mava pipindiva ikiye pi tave alotu nama nga pindiva uma agema seveniwa angelo oma eliya ngiwi uma pagivugasima momba vindisa wawaya igana voitakiye seveniwa toma toma ngaukwai