¹ Pigo Nageva agatuwe sipsip awalo asima mitipa saiyoni amuti Jerusalemi. Pi ayege mite kinapa 144,000 wa kinane. Ayewa agege abawamba agege kaye malanda kinane inelapa. ² Nayeva avituwe awamusa ngaga uti manda gumatisa, pikana awamusa ngaga avitopa tave wani ava iyese pusuma avituwe o tave andalu uma awamusa ngaga isa puma. Piya vute mo kaisa kita omayo me kaisa musiki oma isa puma. ³ Pigo 144,000 wa wawayapa aoso ngini utaye asima mima siya kini oma aoli, fowa kina migage iyolige asitaye, mo kaga tave gina pavipindi migage kinami iyoli gema. Pavi igemanane 144,000 wa kina, pipa mo sipsip awaloma ika pumeti kinane mamba vindisa, Igega kana iniva atakama ikiveye. Kamba kaisa kina milova atakama ikiveye. ⁴ Kana vi 144,000 wa kinamiva kamba aogi enava kamba vutene waya migeva; pipa igegeva kamba kupiyo enava vute vutaye. Igeva pavigo sipsip awalo agaluvata nasitene ayeta paya watitiva. Pingawa ginapa sipsip awaloma ika putine Anutu ndaga mamba vindisa ginami ika pindisa; Pikinapa sipsip awaloma ivama ofa gaitine amalu Anutu ke ayewa kendaga. ⁵ Igeva kambari kamanapa kamba ugagaye, paviyama kaisa kamba aogi enava kamba vute pugagaye. ⁶ Piya vutagi nayeva to ka angelo agatogana paulite aka pindi tumitaye ilagi omake manda omake. Ayeva melite tumitaye Anutu nda asi asima minda kamana aogi kamana mamba vindi tumitaye mamba vindi mite kina oimima aogi poitakena. Aye piyavutipa kaga kinaka tumitaye, toma toma ngau menda kinake, toma toma kamana sunda kinake, toma toma mbavindi mite kinakega. ⁷ Ayeva tavelasa kegaye uma utaye," Kaye kuruvo Anutu ka age mema inata piyo ibava aye kunaye wasana avama kotimi vikena yagawane kaga kina! Ayeka alotu iyo aye asa manda gumapa putaye, mambava vutaye, me kayo wanipa vutaye, me amana ngwani andodo geva." ⁸ To ka angelo loye, pipa tarawane, pi akai kanati ndana piya utaye," Pi kamba laga vuwanda siti Babiloniva ibava pagilaka pugasima kamba laga vuwayema! Babiloniva kamba lagama minda kana kaga kina avama kamba aogi kupiyo ena vindi migagaye. Babiloniva piyambane kaisa ginamalo kaisa gina avama igoma waini amima gasisa piyambane!" ⁹ To ka angelo loye, pipa kakaga wane, ayeva aindilo kanataye, ayelova utaye tave kigaye vindisa," Pigo kaisa ginama alotu ute kavu ginake amanga kega yoma ye otakina ala maki atanoma aowalake o ayatake, ¹⁰ Anutu va amo ena poitakiye, pi amo ena poitakivipa esegi waini awevuma imekini nasu vikibeye. Ayeva esegi yaku pindi isagayoma mevi kiye aogi angelo wambi iyolake sipsip awaloma aolakema. ¹¹ Yaku kundava iyava mikiye mo iyalama mikivi pindisava asi asima. Anutu va evi evima itakina iyalata wayava mikiye, aseka pela ala pela suma. Pipa nanavaya iyuta puma avolakiye mo kavu ginaka alotu ute amaka ye otakina iyuta age kaye kivikinapa." ¹² Pigo Anutu kinapa, mo kegivaya Anutu kamana avite imatiti pute Isu ka, igeva evi evima avite imatiti pute iyumaipa ayeta age vuma mikiveye. ¹³ Pigo nayeva ka kigayelo avituwe inatisa gumatisa piya utaye, Mapa kayeyo utaye: Pipa aya vikiye mo kaisa kina umikena wate kinapa tave yagara ge." Anutu Spiriti oma utaye, " Ye aindi pulite giniva, igeva to kakeva ivuki vaki ena vindiba kamba umiki veyema. Pikava, igeva wama umina kiveyema, pigo kaga kinamiva igakiveye aogi ena ago pugaindeka veyema." ¹⁴ Pigo nayeva ka enalo agatuwe pamindami enalo. Pipa tavelave ilagilo, pi ilagiliva kawinalo mala mima mitaye aogangapa wama ndagara misuma. Ayeva goli lasa pumalanda kini hati anotiva pulitegina. Ayativa yogi awana wanda yogi ulitegina mitaye. ¹⁵ Evi evima gapa ka angelo to kanataye tave alotu nama pindisa inati manda gumatisa. tave kamana utaye, mo ilagi vindi mala mima mitinaka malo omitaye," Pavigo gunala kanainema ago grain naninda agutata wagina mamba vindisa, pavigoya yogika mete grain tumba kaso grain ago agutawaya," ¹⁶ Pigo mo ilagila mala miti ndagarava asilite kasonga kive kive vulite mavindi tumitaye, tumima tumba kasataye. ¹⁷ To ka angelo tumitaye inati aki ena vuna ndama pindisa. Ayelova paviyama kasongapa ulitegina. ¹⁸ To mo inati mandalisa guma tisa alta lasa ka angelo lo tumitaye. Ayeva kavi-indagaraye alta lasa yakuta. Ayeva utaye tave kigaye lasa mo angelo yogi uma miti ndagaraga," Mo yogika tasa grap anoki alisa poma yoga vindisa momba vindi! Piyavuma anokila kaga mema akivoma kaga grap va ago agutawaya!" ¹⁹ Pigo angelo oma yogi nga kive kive vutaye momba vindi, Pigo ayeva mevutaye grapuva tave mavindi ayeta paya Anutu amo enawaka igana voitakuwe umalanda pindi. ²⁰ Anutu va agisa lasa ayelutu pataye grapiva mo waini ayelutu pakena vumalanda pindi avei siti omapa, piya vutagina kora tumitaye! kana kora ngamava ibavamete wani tumitaye mava iguvuma ka guwulite itipa 300 kilo mita itaye, inati itipa mo hose omanda ayeni hose awamu pindi mindi kanala itaye.