¹ Pigo ka angelo oma nayakitaye tave wani ibava mete luminda wasanama pingwani nakivipa asiasima miyenoma. Kana wanipa ibava mete lumitipa alawama yewasa vuwanda ngwanine cristol gandama. Kana pi tave wanipa Anutu ke sipsip awaloma ke siya kini amenda pindisa ibava mete lumine. ² Kana wani ibava mete lumipa siti vindi tavegi mindi aka ibava mete lumiye. Pigo pi to aukwai to aukwaiva waningama yaki mindi kana, kana pi ndaoma ana wasama nakivipa asiasima mikiye. Kana ya omava tuwolupu wata ayegagaye kaga ngwa pindiva; Ana ngwapa kaga ngu pindi ayegagaye. Piya vikana kana ya oma aye ngapa wasana miva mema yava ndana vuma nayegana aiyenava itawagagaye. ³ Pi kaga ena Anutu kamba laka avikibi ndanava kagapa Anutu va magaikiye, piya vikibi kana tova kake kamba mikiye. Pi siya kini Anutu ke sipsip awalo makendaga mikiye pi siti vindiba. Anutu ngeliya kinapa pipindi ilaka vima awaga iyoma. ⁴ Piya vigina Anutu va ige iyowa lapa igakana igeva aye aowa lapa agakiveye, piya vute ayewa ageva inela kaye itata vikiye. ⁵ To asesanava kamba vikiye. Anutu ngeliya kinapa kamba kavona vikibeye kane kava alamu gayo pakayo mava pipa tave yagara Anutu yewasa voita kivikana. Igeva kaga yagava kavima tave gina mikiveye asiasima. ⁶ Pigo angelo omava unamitaye: "Mandana Anutu kayaki ndanava tagambane, pindanava tagamba avolaki vindana yema. Tave yagara Anutu eliya pikivi kana profet ginake angelo ginakeva ayewa kinaka oimekina aindi avola kivindanaga." ⁷ Isu va oimiye ayewa kinakava," Aviyoma makamana! Naye avaga kanakuwo nema; Anutu va tave lataka tiyo pikiyema kaga kina aye kamana ave kina ma buku vindi kayemalanda." ⁸ Nage, Joni, nasa avite agate vutuwe amonda ganda ena ma kayemalatopa. Mo avite agate vutondanaga, nayeva avaga enaga nalaka vituwe angelo oma agisa vindi awaga ikenalaka. ⁹ Piya vutogana ayeva utaye nayekava," nayekava a kalaka viyoma! Nageva uga eliya kinandaya pavi kaye pembesa puma!Nagegeva pavi eliya kinandaye utaye profeti ginami pesa puma, pavi kamasa puma kegivaya ma buku vindisa kamana avesa puma. Piya viya atate Anutu kaga kalaka vima awagayo utaye!" ¹⁰ Ayeva piya unamitaye,"A kakatama miyoma kamana nanavaya Anutu pai ugaindi ndanagava ma buku vindi pipa pavigo amba nagali kena viya. ¹¹ Pi uti ndagava pavigo amba wakala sawaye, kevaya kamba laga enawa puta wakenava, ayeva evi evima puta wanoma. Anutu va piya vikibe kinapa apengipa imikiye. kevaya evi evima agunda ena vikena pikivipa atagana pulite wanoma aumala. Anutu va alondaga apengapa amikiye. Kevaya aogima aovuloto ena pikivipa atagana, ayeva pavindana pulite wanoma. Kevaya alataka puma yewasama mikivipa atagana paviyama alataka puma mita wanoma." ¹² Isu va iye kaga kinakava:"Aviyoma! Nageva avaga ando kanakena vuwema! Nageva kana kuwopa ka ka kinamanda aoka aoka apengwipa mete kana kuwema nanavaya vute kanala. ¹³ Nageva kaga ena agovito ndagara naga kaga ena vuma atuti uma nagali gaikuwema. Nageva paitama mitegi to aindilova minduwe kaga ena omapa. ¹⁴ Anutu va tave lataka amupu waye kaga kina kundana pugage kina meigasima aogi poitati kava igepa itakini yamana uma asigima nate asi asima mikive kava, piya vutegini igeva siti kavi vindiva asu ivindate ikiveka ¹⁵ Ige avei mikive kinapa kamba aogi ginane. Pavi ige sanguma gina yaba ndana ginakeva, Pi ige kupiyo ena pugage kinake, kevaya wasana ayegu gagai kinake, kambari gotika ilakavi gage kinakeva, kevaya evi evima kambari enage kambari kamana ugagai keva. Kamba laka igakiveyema siti kavi vindiba." ¹⁶ Nage, Isu na aisagauwe angelo gina piyena yema ulimenoma kegitavaya timatiti kina miyenagi tika ma kamanapa tagamba nema. Nageva nayavama Kini Deviti tupindisa profeti ginami promasi yagara kanakiye unde. Nageka undene avayasa yewasa vuwanda noliyeva." ¹⁷ Anutu Spiriti ge ayewa kinakeye, kegivaya Kraisti ta ayegala kena minde kina, piyaye iyo iyoka iyoka imatiti pe kinaka,"Kanai yoma!" Kegivaya avikibe ma awamusa kamana imatiti pikive kinaka oimikenava," Kanai yoma!" wawaya kegavaya kanakenava pavigo kanai yoma! Kaga kina kevaya wanika avikibi nava pikinapa asi asima mikiveye pipa ikangapa kambaye uga mekiveye! ¹⁸ Nage, Jonina, esegi kamana kaga kinaka ulimuwe kegavaya aviki vembe nanavaya ma buku vindi kayemalo: Kaisa gina magalo kaumala kaisa kamana to moavovola puma meva pisiye, Anutu va piya vikibembe kava igana vindi katakiye ma buku oma isa puma. ¹⁹ To kaisa magalo ma kamana mo kayemalo kaisa megai kibembepa, Anutu va wasana makanda asi asima mikena yamana nakivene ugaitipa. Ayeva paviyama megagai kiye wasana makandaga ikivenema pugagatati Anutu siti kavi vindiva kamba ikivene. Tara yaga kamana ma buku vindi yegina avigasa mbesa pikiye kamba aogima kaviki vembekava. ²⁰ Isu, Kevaya isa puma ma kaga enagava taga kamanane iye, togema iye," Tagambane Nageva pavigo avaga kanakuwe!" Nage, Jonina, awema avigatuwe,"Taga pindanava pikiyoma! Tave yagara Isu, Kanoma utuwe!" ²¹ Nageva pure uwe Tavele Isu va evi evima aumawa akusa wanda aumalasa eliyapa penoma Anutu kinamite pindiva. Tagambane!