¹ Pigo avaya lakapa, inatasa pristiva kaga akivutaye anasa ginake alo kamana aganda kinake kaga Juwisi kansole ginakeva. Pigo Isu pa aya kilokaye tama avabute wataye. Igeva avabute Pailati ayata metataye. Pailativa avigataye," ² Kayeva Juwu kinaminda kini gayoma?" Aeva omitine,"kaye ago ugasanema." ³ Pigo inatasa pristi ginamiva igoma kambari kamanapa Isu kava malo otataye. ⁴ Pailativa togema avigataye," Kayeva kamba awema unameno? Ago ayaki kinamivaya kambari kamanapa ma ugataya!" ⁵ Piya utipa Isu va kamanapa kamba utaye Pailati kava, pipa aeva igomata napiwataye. ⁶ Pingava lapa breti vindi yisi kamba atave ndaga gana, Pailativa kaga yaga pindaga kanaginava igana vindisaba kapa agaluva gagaye, igewi ma ala pugagaya ayema. ⁷ Pipindiva kagapa wasana iyegunda kina mitaye,pitapa ka yagara agewapa Barabasi mitaye. ⁸ Pigo kagakina pailatita kanama avigataye mo pai pugagambe ndanava ivaloba piki venema. ⁹ Pailativa awema oimitaye," Tigetiva kini Juwisi ginaminda mo aisaga suoma? ¹⁰ Aeva igatipa Isu kaga iyova agavabu taye inatasa pristi ginamiva. ¹¹ Piyavute gini inatasa pristi ginamiva tavela ayendaye ute kegaye uma Barabasi ma aisago utaye. ¹² Pailativa to awema ivigataye,Tigetiva kini Juwisi ginaminda mo aisaga suomalo? ¹³ Igeva to ayendaye uma," Yala ita ato utaye!" ¹⁴ Pailativa oimitaye,"Aeva pagapama enava nana vutayema?" Piya utipa igeva togelogema utaye, " Yala ita atoma." ¹⁵ Pailati aye agati ndanaga oimigate igoma kinaka, atama Barabasi itetama imitate. Aeva oimitagini Isu pa aigilisa kasima yala itagikena avabute wataye. ¹⁶ Ige ile ginamiva avamete koti kumapindi wataye( pipa kana kamani ginaminda tave gumata), pigo igeva mo tavepe ile ginakava kegaye uma akivutaye. ¹⁷ Pigo igeva kokomu vusu kai mema igalopa atate Isu pa, pigo to asalele vunda igana katala ngima anopindiva igitataye. ¹⁸ Pigo igeva agovima saluti votate utaye," Ayavene, Kini gava Juwisi ginaminda!" ¹⁹ Igeva ka asa mema ano paluma ayegute isatipotate vutaye. Igeva to melu ilakavima age mema inata puneyenava pute vutaye. ²⁰ pigo igeva amiyo puma kalana pugai teginiva, autasa ena tetevunda potatepa akuvu gasima ayewa ngautasa ena potataye, piya votateba avabute yara itagikena wataye. ²¹ Pigo igeva ka yagara keti uma agategini keke suma apasana taye mo alapaya, Isu,nda ayesaga voma kana yagarava agewapa Saimoni Sairini isa yagara gana Alekisandake Rufusike isivawi simba. ²² Pigo ile ginamiva Isu pa avamete Golgota yeyeta avabute wataye( Pina amingapa, "atuyambu malanema"). ²³ Igeva ayepa amitaye wainige asa enaga awema landa, pipa ayeva kamba natine. ²⁴ Pigo igeva yara ita atategini autasa enava yetamima kasi enavutaye kevaya mekibipa atuma yetami kunema. ²⁵ Pipa pangamava kaga ena tumba vutaye yala ita atama miteganava. ²⁶ Yala anotapa piyamba kayetataye,"Aeva Juwisi ginami kini yema." ²⁷ Ayekeva tara ita atatepa kundagara taraye,kapa aya takandiya kapa aya kemasiya suma. ^{28 29} Igoma kina uvagasa apagasa putindiniva uma akaya sutewate vuma inongaya mbuva uma pakovute wate vutegini piya utaye," yehe! Kayeva tave alotu namapa akasava kaitegina kaga yagavindi asikena yagara gaya, ³⁰ kawilima yalasava isilite mavindi lumoma utaye!" ³¹ Pavi kamasa kamana agigi pristi ginamigeva uma akaya sutaye, paviyama alo kamana aganda kinamigeva, piya utaye,"Aeva toginaka iwigagai kana, ayewapa kamba awime kiyema. ³² Atagana Kraisti, Kini Israeli ginaminda, tumenoma yalisava,piyave kata agategita tamatiti penoma," pavi kata itaisitate tara misigeva paviya utase ayekava. ³³ Pigo atami sama siksi kiloku vutagina,pavigo asema tunusu tagina mo kaga aukwaiva nainiwa awa vutaye. ³⁴ pingavala naini asu vutaginava Isu va tavela kegaye uma ,"Eloi, Eloi, lama sabakatani?" pina amingapa," Anutu nemba, Anutu nemba, Nanaga kakava namenema?" ³⁵ Kaisa asima mitenagiva uti kamana aviteginiva utaye," Agoma, aeva Elaijaka kegaye iye utaya." ³⁶ Kaisa gina pigosuma kanama, asa wanipindi, mo atava votama, amitaye nanoma. Kana yagara mava utine,"Ataigita aganoma Elaija ganama amba isima mala atasanaga." ³⁷ Piya vuteganava Isu va tavela aye otategina pulitaye. ³⁸ Piya vutaginava tave alotu nama pindi tavegai itama landapa atutisa atu ulite aveti tumba apitona wataye. ³⁹ Pigo ilelisa tave yagarama agategina Isu piya ute mo puwataginava, aeva utaye," Tagamba nema mandagarava Anutu ndagaraye utaye." ⁴⁰ Pavitapa kaisa wayapa mitaye pagasa vusuma mima magavama mite. Pita mite ngawava Meri Magdalini isaye, Meri( Jemisike amana Josesike isino isimba), Salomege. ⁴¹ Aeva Galili mitagini uma agalu vama eliya putekana. Kaisa igoma nkwekeva asu agalu vataya Jerusalemi mitaginiva ⁴² Pigo me atami sataginava, pipa yoke ena pikena kana avolataye, pipa, Sabati yaga kanakena laka, ⁴³ Josepe Arimatiya isa yagara kanataye. Pipa aeva amenda puma minda yagaraye kansole ginapindiva, aeva Anutu kindomu gava agavama migagai kana. Aeva esegima wataye Pailati aolapa wama aualigava uma avigataye. ⁴⁴ Pailativa avitegina Isu va ago puwaye gamana pigo aeva tavela pami vutaye; aeva kegaye utaye ilelisa tave yagara gava Isu puwaye yepa taganoma. ⁴⁵ Pigo Pailativa avitegina ilelisa tave yagarama uti kamanapa Isu va ago puwayema, pigo aualiva Josepe amitaye. ⁴⁶ Josepeva waye kai ikapuma. pigo aeva yalisava amba akitama, kaivindi kivalu atama, pigo mete aluvindi metataye yava aguvuma landa pindi. awalova pavi yavatasa awana malanda kana pavitasa malo aku ngatataye. ⁴⁷ Meri Magdalini weke Meri Josesi anowamba geva uma agatase ayetapaya Isu pa kaitayema.