¹ Pigo Sabati yagava atawa gaitagina, Meri Magdalini isage Meri Jemisi anowambage, Salomeke igeva aogi agunda enage uwelige mete watamene Isu auti uma paiatakena. ² avayalaka kamani sondalapa, igeva watene mo aluli piya vutegana ano papa mesu itaye. ³ Igeva piyama iyoge uta wataye," Ke yavapa awale lagaiki yema kana akunga tandapa alula?" ⁴ Igeva malo agatepa, yava akumba landapa awiwataye, pipa kana yavapa tave lakane. ⁵ Igeva aluvindi asu ivindama agatepa ka masimavi yagara waye ngautasa enayaga agataye, aeva mala mima mitaye ayataka ndisa aukwai, Pigo igeva uma agate pamindami vutaye. ⁶ Ateva oimitaye,"A tiyekuru viyoma. Tigeva Isu ka aguyosaya, Nasareti yagaraga,yala ita atate ndagaraga. Aeva ago asiwaine! Aeva matapa kamba mindiye. Agayo kaitate taka ⁷ Piya viya waiyo, uma oimiyo eliya ndakarage Pitake gava ago paitama Galili wagasa yema. Piti uma agakiveya, Pai ulimitisa puma," ⁸ Pigo igeva avei lumima alulasava pigosu wataye; igeva tama tamaputa napi napa vuta wataye. Igeva kaisa kamanapa kamba unda iyekuru vuta wataye. ⁹ Avaya laka kamani sonda lapa, asilite aindiva, aeva kanataye Meri Magdalini wemata amalupa,kana wepa seveniwa kamba laga spiritiva agaluva kainda wekana. ¹⁰ Aeva wama kaisa gava uma oimitine, igeva indarapuma kuve gave uma mitepindi. ¹¹ Igeva avitaye aeva aogama mindagi agauwema oimitipa, piya utikava igeva kamba imatiti putene. ¹² Pigo aindiva to auto awevulite kanataye tara yagarami ikapindi, isigeva to mali wakenaga wama mitameta. ¹³ isigeva uma oimitase mo kaisa mikava, pikalova igeva kamba imatiti putaye ¹⁴ Isu va aindiva kanataye ileveniwa miteta tebola akima mima, aeva amba iyomana sutaye kamba imatiti putendanaga indaoma esegi vuwama, kana ige kaisami agaune utekava aluvindisa ago asiwayema kamba imatiti putaye. ¹⁵ Aeva oimitaye," Mo kaga aukai waiyoma, mono kamana uma pagusama kaga kina matupindi minde kinaka. ¹⁶ uma igina kevaya amatiti pute wani mekivipa awimekiye, kevaya kamba amatiti pikivipa kotila asikiyema. ¹⁷ Pingama ndanava wakiye kevaya amatiti pikivinage: Naye nagelaka kamba lataga ginapa agaluva kiveyema. Igeva aoso kamanapa ikiveye. ¹⁸ Igeva kuyava alakuli kiveye iyatasa, kaisa kiyo wani nakivepa uga nagaikiveya, pindana omava kamba iyegukiya. Igeva iya ataigina aiyena ginatapa, igeva kavaliki veyema." ¹⁹ Aindi pigo tave yagara kamana ugaita ginava, Aepa avamete inatisa kumati itaye Anutu aya takandi asu mala mikena. ²⁰ Pigo eliya kinanga mbiva kaga aukai aogi kamanapa mete nasitaye, Pigo kaga aukai nasima kamana mete nasitetiva tave yagarava igege mima alandanava puma avolata wataye.