¹ Pigo pindaga Israeli ginami tawimeti ndagaema minagage ndagage yisi kamba atanda bretiye ugage ndagage amba avolataye. pingava lapa agigi pristi ginake alo kamana aganda yakara geva kakama kumba ambitaye alakuma ayegu kunema. ² Igeva piya utaye,"mandana pikive pindiva kamba vukunema,pipa wawayami agategini tave akemba ndana pikiveyema." ³ Age Isu va Betani Saimoni lepa yagarama ndama pindi mitaye,pigo aeva tebol la mala mima mitagina, ka nkwe kanatipa ka botole tave mone iwanda nkwani mete, amba iwapuma wanipa anoti tiatataye. ⁴ piya vutika kaisamiva imoputaye. Igewi ikapi iyoge utaye," Nana oma amitaka ma nkwanipa uga mapa tikasayema? ⁵ Ma aogi agunda enava aisama tri andreti mone mekenaya, kana monepa mema kavona gina imike nayema."Igeva kabila tene. ⁶ Pipa Isu va piya utaye,"Uga atayoma. Nanaga tigeva kundaenava ameye? Aeva tave enalaka punataya. ⁷ Kaga yagava kavona ginapa tigege migagaye, nana yagava vaya kavona gina aogiveno undanapa pikibena, piya vikivembepa kaga yagava nagepa kamba natama mikivena. ⁸ Ayeva ago pikenana pugasaya: Aye vunataipa kavindi wakuwo tasaga pugasaya. ⁹ Tagambaka ulimuwe, aye nkaukai vaya mono kamana mete kaga mavindi wakivepa, mankwema pi kamana keva ikiveye, mandana vikava uga uma mikivekaye." ¹⁰ Ayeva Judasi Iskeriyotiva, ayeva tuwolupu vindisa kane, wataye agigi pristi ginamiti alaga avama imuku wema. ¹¹ Pigo ige agigi pristi ginami aviteginiva, igeva imu vugaite mone amukune utaye. Ayeva ayama aye nkaukwai avama imuku wema kekuyena putaye. ¹² Tave yaga breti yisi kamba atakenaye ugage ndaga kanataye,pindagage ige sipsip ayeguma kaopu gage iwime tika napikena, pigo eliya ndakara wambiva omitaye," Ayeta tayeva wama nanindava uma yoke pusunema, pita pigo pilage naninda naiginapa kayeva nakivenema? ¹³ Aeva tara aisaga tindana oisimitaye,"Siti vindi waisoma, ka yagarama wanika ayesaga mete wakiyo pindagara, agaluvata waisoma. ¹⁴ Aye ndama pindivaya uvasikibi, pavipindi ima nama ngama avawambaka omiso,' Tisa va iyema," ayeta nema minakena naninda nakuwo kava eliya ndakara nembige?" ¹⁵ Ayeva tisiya kikiya tave teboli pumalanda inatisa arumu vindi. pipindi asu yoke pisoma." ¹⁶ Pigo eliya ndakarava atate siti vindi wataye. Igeva uma agataye kaga enava mo oimitisa puma miti, piya vutagini uma agate minakena nanindava uma yoke putaye ¹⁷ Pavigo atami sataginava, Aeva tuwolupu wa ndakara mige kanataye. ¹⁸ Pigo igeva kanama tebol la amba mala mima naninda nateganava, Isu va utaye, Tagambaka nayeva uwema, kawinaga ma naninda nombe pindisa naye uvinaga pikivenema." ¹⁹ Igeva tavela indara puwataye, igeva iyoka iyoka omitaye," tagamba nayeva kamba yoma?" ²⁰ Isu va awema oimitaye, pavigo tuwolupu vindisa kawina gayema, pinava nagege pleti vindi kata aya motaki yema breti mekena. ²¹ Pipa wama ndagarava wakiye nana vaya mono kamana ngama ugaindisa puma. Piyavika tavela nandara potauwe pi wama ndagara uvinaga pikava! Pipa aogilaka puwasine anowamba kamba yakali potati nalisa." ²² Pigo ige naninda nama mitegana, Isu va bretiva, mema pure otama, apako vutaye. Aeva imite piya utaye," Mapa meiyo. Mapa naye nau aliya." ²³ Aeva to kapu metaye, aisa malo otama, to imitaye, pigo igeva kaga nataye. ²⁴ Aeva oimitaye, Mapa nayende kurane aoso kontraki omanda, pikurapa igoma kina mindaga aligikuwe. ²⁵ Tagambaka nayeva ulimuwe, Tova kamba nakuwema waini anditasa puma landapa wama inatisa kumati aoso waini asu nakuwo tasaga Anutu kindomu vindi." ²⁶ Pigo igeva ka ngini ugaite, avei lumima Olive Amuti wataye. ²⁷ Isu va oimitine," Tige kagapa wale yewakive yema, ago kaye malanda kamana mindi kili,'Naye sipsip ta kavina kina ayegu gasakana sipsip ayegaka ivala vuwakiyema.' ²⁸ Aindi nage asiliteva,uma paitama Galili wagaka pukuwonema." ²⁹ Pitava omitaye ayekava, paviyama kaga wale yewakivepa, Nayeva kamba wale kuwema." ³⁰ Isu va omitine,Tagambaka ugamuwema, ma ivasa aseka, aindiva kokole omava tarala agaikiyaka, kayeva kakagala nagaka kivenema." ³¹ Pipa Pitava utine, nayeva kayege pulukuwe unda ndava, Nayeva kamba kagaka kuwe utaginava."Mo kagapa ka kamana ngamana utene. ³² Igeva kanatene mo Getsemeni ye ugage ngamuta, Pigo Isu va oimitaye eliya kina nkwa kava, "Mata Malami- iyoma nayeva pure ukuwa." ³³ Ayeva ivabutaye, Pitana, Jemisina, Jonina suma, tavelataka kundaenava mewategina. ³⁴ Aeva oimitaye, Nanda omapa tavela kunda navuwa yema,pulikena kanara kundava meuwe, piyaviya mata mima aogima kavima mi-igindayo utaye," ³⁵ Isu va amana andowata mevapuma wataye, mavindi uma wale wataye, aeva pure ute piya utaye ago kanarane ikivi kava, mangava ndova anu nagasoma. ³⁶ Aeva utaye,"Aba Navanemba, kaga enava kaye pindiva kanara pundiyema. Ma kapuva megasoma. Pipa naye nauma gaya suwe, kaye kaumaga uwe utaye." ³⁷ Aeva to kanama amba igatipa iwitami taye, aeva Pita kava piya utaye,"Saimoni, kayeva kawita miyenoma? kayeva ka kana andova kamba kaviena? ³⁸ Kavima pure yo ugamuwe ataka ena vindi waleki vena. Pipa Spiriti omava amalagu pegina, kau aliomava kamba amalagu piyema." ³⁹ Aeva to watine pure ikena, amalu utisa pumalo uma utaye ⁴⁰ Aeva to kanatipa paviyama iwiye yewataye, igeva iyo kunda vuwatagini aye uti kamanapa kamba aogima avitaye. ⁴¹ Pigo aeva kakagala kanate oimitaye,"Tigeva ugaga minama tiwita miyeyo? Pavigoya! kana nkwipa ago kana gasaya. Agaiya! Wama ndagarava kamba laga ginami iyapindi uvinaga pugainde kanaviya. ⁴² Asi-iyo; atama paviti wakuna. Agaiyo, kevaya uvinaga puti ndagarava pavigo amba wakala piya." ⁴³ Pavi kamana uma mitaginava, Judasi, ka tuwolupu vindisa yagarava, kanataye,piya vutagina igoma kina taka agaluvama kanendaga bainati yogi ndaga,kaisava agigi gina pristi ginami tisage alo kamana aganda tisageva kanate kaisa anasa kinakema, ⁴⁴ Pavigo uvinaga ndagarava kanama amandana vutegina, utaye,kepaya amona kuwo, pavimbaya.Amba amiyo puma akaya suma avamete waiyoma." ⁴⁵ Pigo Judasi kanatipa, avaga yenaga Isu ta kanate piya utaye," Rabi," utegina malo amonataye. ⁴⁶ Pigo iya malo alakuma akaya nakaya sutaye. ⁴⁷ Pigo pavita miti kawina yogi ayuvulima agigi pristi yagarama ngeliya ndagara age kasagai taye. ⁴⁸ Isu va igekava oimitaye,"Tigeva mengilo sayoma, kukina kalana pusu vikena, bainati yaga kanendaga pulite nalaku likena? ⁴⁹ Nayeva kaga yagava tigege mima puliyaki gagauwema alotu nama pindi, pitapa kamba nalaku gagaye. pigo mandana vepa mono kamana ngama ugainda nagali kena veyema." ⁵⁰ Piya utaginava mo kaga Isu ge mitepa iyegaka waye gaitaye. ⁵¹ Ka masimavi yagara, waye kai agivepuma pulinda yagarama, Isu agaluvata wataye.Kaisa ginami akaya suta wateganava. ⁵² Kana yagarava mo waye ndana pulitipa pavita akupotate auka ayegaka wagai taye. ⁵³ Igeva Isu pa avabute inatasa pristi ginamita wataye. Pigo kaga akima agigi pristi ginake, anasa ginape, alo kamana aganda kinape. ⁵⁴ Pigo Pitava pagasala wama agaluvata wataye, paviyama agaluvata inatasa pristi ginami kagopindi koti kumata wataye. Aeva kagota kavina ndakara mige umitaye, yaku kayetama tapima miteta. ⁵⁵ Pigo tave pristi ginape kaga Juwisi kansole ginape mengakima avigawanda vutaye eliya pugagai kamana yekata avilima ayegu yenoma. Piya vutepa kambaka agusataye. ⁵⁶ Pipa igoma kinami piya yagara yema kambari kamanapa mete kana gana vutegana, piya vutepa kana kambari kamana ngamava kamba kamasa putaye ⁵⁷ Kaisa ginapa pavita asima mima kambari kamanapa uyava mitaye; igeva utaye, ⁵⁸ "Tayeva avitokana utinema,' Nayeva wasanama ayatasa gimalanda namapa akasava kasimagi, nayeva to kikuwo ndamapa kakaga yaga kigai kuwopa nayatasaya kikuwema," ⁵⁹ piyama ugatepiyo kana kamana ngamava kamba kamasa pugataye. ⁶⁰ Pigo inatasa pristi yagarama asima ikapindisa avigataye Isu ka," kaye kamana awema ikenava kamba yoma?"Ma kinamiva kayeka kakaya kamanapa umamieya?" ⁶¹ Piya utipa ayeva kamanapa kamba utaye. To inatasa pristi yagara malo avigate piya utaye," Kayeva Kraisti gayoma, Tave yagarama ndagara gayoma?" ⁶² Isu va utine, Pavi nayema; agaki vene wama ndagara aya takandi asu mala mikivikana esegi ena pindi kanaku wopa ilagi vindi intisava kanaku wema." ⁶³ Pigo inatasa pristi yagara mava autasa ena atukaite amoyenaga utine,"kaisa piya yagaraye ginakava kamba igava pukunema? ⁶⁴ Tigeva ago avegana Anutu ka akaya siya. Tigeva nana napiena veyema?"Igeva utaye igoma kambari enava viya ayeguyoma. ⁶⁵ kaisa kinamiva agovima isa potataye piya vutegini kai atu mema aovindi kitama ayegute piya utaye,"pigoya propesi kamana yo utegini!" Pigo opisa ginami avamete uma ayegutaye ⁶⁶ Pigo Pitava koti guma aveti mitaye, ka eliya nkwe inatasa pristi yagara manda kanataya aye mitita. ⁶⁷ Aeva amba agatipa Pitava yakuta asima mitaya, pigo agavebe vugate,ayeva utine," Kayegeva nasiga gambena Nasareti isa, Isu geva." ⁶⁸ Pipa ayeva kakate, utye,pikamana yembe keva kamba agandu wema."pigo aeva atate koti kumati wataye. ⁶⁹ Pigo kana wemava to agategina male oimi ma oimi vutaye mo asima mite kinakava, "Ma ndagarava pimba kapiema!" ⁷⁰ Pipa to kakataye, aindi amana andola migate mo kaga pavita asima mitekina migeva utaye Pita kava,"Tagane kayeva igege mivembene utaye, kaye geva Galili yagara gaye utaye." ⁷¹ Pigo ayewapa agovima kunda enavindi walite," kamba aganduwe utaye pi tige ye ndagarave." ⁷² Piya utita avaga ano kokole aga utaye tarala. Pigo Pitava pilage vutaye kamana Isu omitikava: Aindi kokole oma tarala agaiki yaka, kayeva kakagala nagaka kivene utika,"pigo aeva anda omapa uma apako vaka vute kuwe atataye.