¹ Naivara ire auban asive aruve iyarafo? Puraino ma'a namu avu ava maen, iren ara anunu finke eriyamino ma'a ugan maen ireti ida mumunan banta nasi amusin ame'e iya ono. ² Iretimae mana a dana sintavan anunu iya opon ida bare'e iya ono. Ma'a ugamae ireti ena bantai ona van anunu ure arono van iya ono, ireti ida kanai 'e' baranono ireti avise aruve inono. Ireti ida kanai 'e' mana dana baranono para vara seyo ireti ida inante 'e' iya ono. ³ Ireti inan tinopo ida mana dana baranona paravara seyo ireti namu inin ma baono. Paravara seyo, ireti ma mano'a dano ma barante mae, mai namu avu ava i baranono irei ara'a anunu rai.` ⁴ Ireti mae asa non nanin anda geono, ireti ida afova uge fono Ayarafenu ma'an ida anunu ugen mino banta nasi ma, ma bararake avu ava ma bakuriain. ma'a ugan maen intea nani banta ano ma bararake dana bakuriafo Ayarafenui namuro ono. ⁵ Ireti mae ini geona Ayarafenui baya ano pa ma'a sige mino te'e ini yafo, Ayarafenui kanta auna tetimpim bain ara'a uman de'e iyamino? ⁶ Ayrafenu moekanta anunu ugen, ma'o ugan maen Ayrafenui bayo ano ma'asigen , Intea banta ano be avii dani iyam nafi Ayarafenu avenkan era ve'e iyami. Ma'a ugen , intea banta ano be avi barafini e'e iyanafi ,beni ara'a iyon mai bantava bae'e iyam. ⁷ Ma'a ugen mifo Ayarafenui ara'a naosabano. Ireti ban anon na doaveke sina karan orino. ⁸ Ireti Ayarafenu adesa ereno, bei dere iren de'eerinten. Ireti ume aruin Keka ono ireti va ire ayana tese ono, iye kan inima bafo, ire arasa tese ono. ⁹ Ireti ano masa ineva, arun bareva, arei ume vara ifi dano. Ireti idava inteno, ireti aruna barano. Ireti idava amusin ono, Ireti irei ume vara arunan ono. ¹⁰ Kakan aran tampina arave sina, bei va orun avi a mantano. ¹¹ Tifa tivae, idava ire yampin na namu baya se. Banta iye be afa avae yan namu baya sen nafi inkaifa tiyan ena banta dai men nafi, mai banta ano lora namu baya sen lo dai men. Ei lo daimin banta mabante, inkaifo tiya e'i i dai lo bakuria ono. Ma'a uga mae e'i kotin banta anda geono. ¹² Ayarafenu beya ana lo amien bei ana kotin banta anda gemino. bei ana banta kama ein bei ana banta uman aminten. Kana ino, ireti iye fo, ireti ena bantai avu ava daimin banta gayo ono ? ¹³ In neno, ireti ma'a se'e iya ono,tarefi inuran nafi kakan tauni fin oronte uno, Mana oran nara maifa o bante tife uno, maifa doriya aman moni barante. ¹⁴ Iye afova ugefo nai danasa inun afoka inten nafi, Iye ei pa aunan bariya bantefo? Eni aunan maen tito konan anden e ataru uwaren maen mo kipan ten mino. ¹⁵ Puraino ireti ma'a na teno, kakani anunura, teti bake mae kakani anunura bare arue onte uno. ¹⁶ Puraino tarea ire avi aman dani iya ono doram barano ban ini geon nara. Ire avi aman dani in avuava ka, Ma ido kama uge mino. ¹⁷ Ma'a ugan maen mana banta ano ma kama avuava ma afova ugan maen, ida ma kama avuava ma afokasi inten maen, puraino, mai banta maen umei emino.