¹ Tein tifa tivae ida kogon banta ano arusi inono Ayarafenui bayo tiyamimpin, tetin afova uge uno Ayarafenu maen arukayoi avuava nare daminte. Ena banta gayo bantin maen beni ko damu mai paravara seyo teti mae bantanasi dan banta i baya mae tiya me'e iya huno. ² Teti mae kogon asa kogon ume bare'e iya huno mana banta anoma baya rama ida kampun tiya ken, bei maen Ayarafenu ma ini gein tai i ehavian, emanten maen bei auhva avu ava va dafisinte. ³ Teti mae mana aini hosin ofen kae'e iyauno tetisi inin bakurinovan, emante mae hosini ini nan mafa oro mafa ere sente tetin inin bakuri no van. ⁴ Sipi kayo van ovare ineno, sipi maen kakan dana ino kakan uwa ano aviren ore'e iyamino, sipi bareno banta ano maen tito sitia pakaraken beko iyamaen bema in9 geipa ore e iyamino. ⁵ Ma'a ugem mino amafimaen tetin tufin tito danai bamino ma'a ugan be amose'e iyamino. teti afova uge huno tito ira uruwa ekun maen kakan afan ke'e iyamino. ⁶ Amafin maen ira andagen mino, mana auino beinpim ara ara namu avu ava afoka e'e iyam, bei maen tetin ti tu ma-en namu e'eiyan. Ira tetin tufin atu dua e'e iyan. Mai ira maen namu ida kipan ira. ⁷ Banta gayo maen afa uraran kayo maen dafise'e iyamino beu i baya ini navan uraran kayo, mino afa urarama barama bainma nonpin ma baima. ⁸ Puraino amafim ida mana banta ano bein inin aminono eini baya dafino van, bei namu dana ino ida bein kanai e dafisente huno, bei namu dana bai intikage mino banta arinte mino. ⁹ Tetin timafima teti kakan Ayarafenui avi aman dani e'e iyauno, tetin timafima , teti mae banta nasi namu baya se'e iyahuno. Ayarafenu maen bei avu avaka ten uwantein wani banta. ¹⁰ Mai mana tetin tofenken ana Ayarafenui avi aman dani e mae ena banta namu baya se'e iyauno tifa tivae, Ma'a dana idava afokaino. ¹¹ Ida mana masipin oin noma sore noma manafin banten. ¹² Tein tifa tivae, kanai ena fiki da ano olivi aran iran tenafi'a? Kanai ena waini da ano fiki aran iran tenafi'a ma'an tuganti maen sore non mano ida oen noni inten. ¹³ Iye iren aubanake kama inima bae'e iyanafi? A'esin mai banta ano bei kama doran avu ava ani uren kama inima beyan dagan bararasi ino. ¹⁴ iretima ena anoma namu inin manan tiyake E'arasa manama ininte inkaifo siyake ida eyan dagan dani ure puntakein bayara kampunte. ¹⁵ Ma maen ida kama ini inarufake erigen. Ida ino, mai maen peyante inima araba bananoma namu spirit ba ino. ¹⁶ Banta gayo maen ena bantai onavan namu ara bare'e iyan, beui inin mano makasim maen namu inin kayo bare'e iyan mino. ¹⁷ Kama inin inarufake eriyan esesi ugen kamaen puntakein, mai maen kamaen ara iyoma, kama dunama, akonava puntaken. ¹⁸ Ara iyonin banta kayo maen puntakein kama dunan bei arapin doam bamino.