¹ Tei ireti banta nasi i baya dekumba, ireti ba badureva ifi dano, parava seyo namu dana ano irempi dako inten. ² Ireti ni bisinisi pe puta ugan magin mano ireni ona naman intagen. ³ Ireni Koliva Silva pe karo karon inten. Mai karoka ron kayo maen iretini witinisi inte Ayarafenui damin damu. Mai karokaron maen ireni au ira anoma keini inten. Irei onava ataru ono kipan damu Ayarafenu iretin daimiten. ⁴ Iretiva iniana kama ono nai nasa bariya intenfo, doram bantai miyan ova ano pe Ayarafenu bain origen. Ireti ida doram bantai miyan amige ono iye irei dunampin duna atarfu ugen nafi, Doram bantai i ifi ano pe kakan Ayarafenui atrenpin pe origen bei kakan keka i ami ino. ⁵ Ma barara ire kama amusimpim baono. Irei amu ino riaono kogon dunan nuyake, irema arinti puri nona damu inka erigen mino. ⁶ Ireti kampun baya tiyake puntakein banta aruan puriya ono. Ma'a ugan ida mai banta kayo ano ida eni baya do aveken maen ida ei ma kogon baya se'e iyan. ⁷ Ma'a ugan tifa tivae, tasore bake kakani erin damu ave ono. onano duma dokein banta ano kama dunan ave;e iyan. Ave ugan maen duna mano ese kama a'a ba kipan a'a ba maen dunan karain maen mai unafe'e iyan. ⁸ Iretiva tasore bake ire arasa akona o, mai paravara seyo kakani erin damu maen ade ugen mino. ⁹ Tifa tivae idava ire auban kogon baya tiya bano mai kakan mano iretin ida kotian tanten. Onano kakan bei dasi andagen tetin damin ten bei pe onara mantage mino. ¹⁰ Tifa ivae, iniana inneno, peyan doram banta kakan uman mantan mino kakani baya ma baren ori gaen, ma'a iyam maen bem pake i bam mino. ¹¹ Onano, teti afova uge uno Ayarafenu banta nasi avaba e'e iyam mino iye beim pion mantan akona uwen uman bare'e iyan nafi, ireti Jopin afova ugeono, bei kogon uman bariyam mifo bem pake bam maen kakan mano bein avaba en. Teti afova uge uno, kakan Ayarafenu bei aruma ara iyon ma bam banta ino. ¹² Tein tifa tivae, kakan dana ma ami ugen mino, ireti idava inaru avide bara avida no mai pura baya sinta ireti idava purai no seno ena dana sinta ra dere. Ireti ma baya tiya, eyo ma tiyante 'Eyo' ain baya bano, eyo. ireti ma tiyama , "Ida ino, mai tiyante, ida ino seno". Iretima ma'amatiyake mae ida ireti Ayarafenui kopin manta no'no. ¹³ mana iretim pinke ma kakan uman ma'ma bakem mae, Inkaifo Ayarafenu baina amukin tin maen na aya ino. Puraino iretin auban nake ma mana no ma amusin iyante, bei amusin i'i diyaken Ayarafenu avi aman dani ino. ¹⁴ mana iretin pinke ma ai' i ma banti maen, Inkaifo beiva mono a'ano banta kayo va arantina beuka meva amukino. Meva masaven au rasa pean tena amukintin maen na kakan Ayarafenu ai' i do manan tano. ¹⁵ Mumuna banta kayo amukin maen ai' i banta kayo kana asefa inten, kakan mano beni ai' i do varantin maen asefa inten. Puraino bei ume ma aman pamaninti, Ayarafenu beni ume aru miten. ¹⁶ Ma' a ugantin mae ireti mana mana ano irei umeya aman paman eva beu basa mana fin amu kesin maen Ayarafenu iretin asefa inten. Puntakein bantai amukin mano banta asefa inten mino. ¹⁷ Ilaija tetin andagein banta ino. Puraino bei akona amukiri en a'a idaya dano simaen a'a 3 fara orana 6 biyonta ida a'a demino. ¹⁸ Eva renen Ilaija amuken maen Ayarafenu a'a dan eren, Ayarafenu a'a dan eren maen duna ana eva ren kama en potemino. ¹⁹ Tifa tivae, mana iren aubanake ma Ayarafenui puntakein baya ma afeyo rantin, mana tifa tivae anoma eva ren ma avi ren erin tin maen, ²⁰ iretiva afovasa ono mai tifa tivae maen doriam mino mai ume banta aya iyam mino ida purin novan Ayarafenu beni kogon ume ampian tanten.