¹ Pita nu Jon i ninu ma manasifin bay tiyan ban, beu i doran banta va ayafava mono namun eren inka Sadusi kay beu bai eren. ² Beu kakan uman bare parava rasi, Pita nu Jon i banta nasi doran anien inka Tepuro ni emantapake ten iye e pukanafi. ³ Beu bekan pakare karavusi namun kain ena damu o afokaen, nai varase mai adeanata duniten. ⁴ Ma'aukan kogo nanibanta iye mai baya inenafi, beu mumunan en, inka nampa oen maen 5 000 . ⁵ Inka enadamu, mino dafisin kayova anon banta va afova banta kayo Lo uvaran kayo beu Jerusalem i o ataruen. ⁶ Anon banta Anas, bemaban, Kaiapas ima Jon, inka Aleksenda ma mino bekea ba anobanta va manafin ban. ⁷ Beu ma Pita nu Jon i beu aubankaen, beu bekan inaen, " Inte akonarasa, iye avikasa mai dana aruavasi en?" ⁸ Inka Pita pin Kanta Aunan intiken, bei ma'sen beu tiyan amen, "Ireti dafise kayova bantanasi anon banta kayo, ⁹ inka ma damu, beu tetin inaen inte kama dora mai aibanta fin dakoen, nai anavara mai banta kamaen, ¹⁰ Ireti mino ano ma mino naninbanta ireti afovai ino Tepuro ni avika Nasaret tike, iye ireti bein daukamanta arenafi, mae mifo Ayarafenu beni masipike orun avianmanten, bei mai bika anai mai banta iye iren aura mantakanafi bei kanaien. ¹¹ Tepuro bei mai on ireti batakayo ma uvarankayo bei ayon ameo, ma'aukemifo bei mano akona on. ¹² Ia ena aviano Ayarafenu avi ba manaiuken banasima everen aviranain, paravarase, ia ena avi inaru Ayarafenu ayompa ban bei mai banta anoma tetima tivirani. ¹³ Ma'aukan beu ma Pita nu Jon i ma dambain akona oniya, beu afovai en bekan baravaitaino tigan, inka bekan i tiguru tig beu anudugan, beu afovai en Pita ma Jon i pefa Tepuro ma baren. ¹⁴ Inka beu ia maidana sintara bayatigan, para varase, beu mai banta onan kama uven manafin beuba ban. ¹⁵ Maukan inain beu masen tiyan kan doran banta tiyan amen mai kansori ataru ampire oro, beu berarapin baya sen. ¹⁶ Beu ma'asen, " Teti maikan bantafin naisa onterafu? Bekan mirikori in mino nanin banta ma Jerusalem mi ma baen kayo onen, ia teti mai dana aupasionte. ¹⁷ Ma'aukanti ma'a onomasinte mae baya ai kogon nanin banta fin origen, tetiva akona baya tiya amekun mai bika iava bayasi. ¹⁸ Beu Pita ma Jon i aran manaun oen, inka beu akonaen bekan tiyan amen iava baya banasi baya tiyan ameva inka iava mana'a danasi Tepuron avikao. ¹⁹ Ma'aukan Pita nu Jon i ma'asen everen tiyan amen, I reyanti daimeo, Mai kanai ukantisa Ayarafenu aura ifrent avaya dagafon terafo ah a Ayarafenu avaya dagafonu. ²⁰ Teti ia bayasipin to damure bantye barava rase teti mai danasinta ontepasi teti inka inige. ²¹ Inain mana'a dana tiyan paman Pita nu Jon i beu bakan ampin oren. Beu iava mana uman beka pinte dosen beka ma uman aminain, paravarase mino nanibanta Ayarafenu avi amadanien mana dana bei dakougain. ²² Mai banta ma ayain barein, beni orana 40 esantagen. ²³ Inain Pita nu Jon i ampintim ma orintein, bekan everen bekani banasifin oriven mino danama baya kakan doranbantava anon doran banta va ma tiyan amigaen mo tiyan amen. ²⁴ Beu ma maibayo inien, beu ataruen Ayarafenu vain ovaragan, " Kakan oe, eianan uareo inaru va bara va siva, mino dana maifin ma bain. ²⁵ Inka Kanta Aunan i akonara, ei eidoranbanta oven tiyan ame Devit i bei tetin tifoe, paravarase afokampin bankayo aran en, inka banasi namudana saman ininen? ²⁶ Ei ma'ase, bein mabararake king mano beu danta eataru anonbanta ba baya fo aruviren Kakan nan beni ayinan en. ²⁷ Pura uran tein, Heroti ma Pontius Pailoti ma afokampin ban Israel, beu kakan banfin eataru uven Tepuro namuroien, eni puntakein doranbanta, iye benetiganafi. ²⁸ Beu manafin eataru mino danasi ono van tigaeno mai dana afokainten, Eni akonara eni anunura afokainten. ²⁹ Inkaino, Kakan oe, ei inka beui dafisin baya ma tein ineo, inka tiyanameo doranbanta kayo van baya akonaen beu tinovan. ³⁰ Ei ayar tesin orinti ai bantakaiyo ayaure inka mana'o dorarima ukeuna va mana'a dorama dokeuna puntakein doranbanta avika bei Tepuro. ³¹ Beu ma amukin mo kipiyan, mai baru ma beunataruwen amakiya einta burunin inka mino kekapin Kanta Aunan intiken, inka beu Ayarafenu avaya akonava ten. ³² Kogon keka nanibanta iye mumunan mamandakoen mana arasien inin ma araba mino ano en. Ia mana beupike ten nainasa beimpin banafi mai benina, maukan b eu minodana manafin daien baren. ³³ Manafin mino akon baren, beu doran banta kayo tiyan afoka mana dana ma beu onein beu Tepuro Kakan min ten onen, inka beni kaka avaba mino amanino. ³⁴ Ia mana banta fi anasi beu aubante ten mana dana ea matese tinten, paravarase mino banta iye beu tito dana ba barafi masafi amien moni bare ³⁵ inka doran banta arantapin mekaen inka beu ma moni daimen manamana mumunan nanibanta fin oren beu ma i kanai ugeintatiyan. ³⁶ Josep bei mana banta mana barurake Saiprus Livai i kekapike, iye beu doranbanta ben avi Banabas,(Mai avi aba ma'auken, mai iyamban banta i area akonointen, ³⁷ Bei mana bara tariure moni maen doran banta kayo arantapin mogen.