¹ Mana banta ben avi Ananias, ben ana, va Sapira, beu mana'a bara monika amighen ² bei aubana dai'en mei moni evarenen bakeran (be ana ano afovaen) ma'a moni ana baren aposoli kaiyo arantanpin moden. ³ Meivan Pita Ma'asen, "Anannias, naivara bananon mano ein arapin bikavi ya kanta aunan makatefo. Barake moni ma aubana ma durafue evarene ma pake ona'e? ⁴ Ei ida ma moni kama amighenan men, ida eni dafisinfin baren mino, ei nai vara mei inin mae ya e arapin aupa defono? E'i ida banta makate ompo, Ayarafenui makateono. ⁵ Mei baiya ma iniyan men Ananias eraven bei kipan aun nankuen puren. Banta anasi ano ma mei baiya inein mano kakan peran mantaren. ⁶ Pumara banta ben ade eriven davaraefin ukuren, baren araven barufa mo masien. ⁷ Kanu manau aua ayompake, be ana dun peren, bei mei dana ma dako ughen ida afovai ugharen. ⁸ Pita ano bei tiyan amen, "tein tisimeno, ireti mei bara mama'a moni kasa ame onanafi idafi. "Bei ma'asen eyo'e ma'a moni ka'i amikhere." ⁹ Pita bein tiamen, "naiva irekan inin damureya kakani aunan makate fono? Onano, en avafu ma masi ughen banta kaiyo aranta mino, pe onara mantakene, ei aviren barufa aravinte. ¹⁰ Ainen mana ben arabtanpin eraven ankamen, bei kipan aun darinpen, puma banta bein duman onan. Pukan, beu ano bein aviren be avafun ade oman masien. ¹¹ Mino mono namunpin peran mano eren, ma mino ano iye mei danasinta ma inikare ein mase. ¹² Aposoli kaiyo ayan pinke mana'a ivain danasinta afoka banasi aubanaen. Mino ano Solomoni dafufin ma bain mono namunpin iyen. ¹³ Ida mana ano akona inin baren beu bakuronon tigaren, banta anasi ano beu afovai'en beu kama avu avasi uvanten. ¹⁴ Kokona mumunan nanin banta ano kakan bain eriyane kokonanin banta vase. ¹⁵ Meivan men Pita ma erinain asa men ai ban ta kaiyo aviren eman tauni asa kau'en baran uwein dan baven, benave ukhen ban, bei aman mano mana'a kayo amanina ave dano van. ¹⁶ Mana'a kakan nanin banta Jerusalem taunifin oman ataruen. ¹⁷ Meivan hetpris ano mantaven, iye ankan bema ma bare ein mano Sadusi keka baren namu inin ma bikene. ¹⁸ Beu ano aposoli kaiyo bakan, mino ano ma kuwiyainpin ka'in beu oren. ¹⁹ Inurampin men kakan i mana ayan ma banta ano pakan kwin namuni ona kaiyo diren beu aviren barufa morun kau en, ma'asen ²⁰ Ore va mono namunpin mantave anasi bantafin ma tare damui aun na tiyan ameno." ²¹ Mei baya ma beu ma ininti beu ade ma bain mono namunoin kakan adesi iyan oman beu ani uwantene. Hetpris ano erin bema bare ein kaiyo, ano mino kakan banta kaiyo aran eman ataruen, inka mino Isreli kaiyo i anon banta kaiyoano va, beu ano tiyantan kuwin namun pinke beu o aviren erino vane. ²² Doran banta kaiyo ano ovikhen, ida beu kuwin namun ban mo dosen, evaren beu eman ma'asen tiyan amen, ²³ teti dose una men kuwin namunona men kama en munkukhan dafisin banta kaiyo anora dafikaren teti ma dive unde, ida teti mana banta dosekun meifin baren" ²⁴ Mai, baiya ma mono namun pinke i kepten ma bikpris kaiyo ma inin ne, beu anoma inen naina danasa beupin afoka intenafi. ²⁵ Mana banta ana eman ma'asen tiamen, banta kaiyo ma e'i kuwin namunpin ma dakare ona men mono namupin beu mantaknen banasi aviren anien iyan bane." ²⁶ Meivan men kepten ma doran bantakaiyo vo arikan, o aviren beu evarenen eren, ida beu aman namuen mino, nai varaino, beu pe kare mino anasi banta ano beu on ankaminain vane. ²⁷ Beu ma aviren ma erin, kansoli aura beu eman manten. Hetpris ano beu inaen, ²⁸ ma'asen, " ida va mei avi paman ono ma are erunae, ireti Jerusalem irei inin amin danapo mino inte ono ma mei bantai nare bare tetin timanina me kaono vamono." ²⁹ Pita ma aposoli kaiyo ma evarenen ten,"teti ida va banta bakuruno Ayarafenu na bakurono." ³⁰ Tetinti tinau yani Ayarafenu ano Tepuro avian mante, iye bein ireti ano are onae, mei damu ma da unkama'anta kae onae. ³¹ Ayarafenu ano avian aiyan opa kauen kini ureva aiyain bantai ono, Isreli kaiyo ara beran a amino va ume amoin base. ³² Mei dana teti ma i afovai ughere, kanta aunan mase, Ayarafenu ma ben ma dakafiyian kaiyo ma amikheine." ³³ Kansoli kayo ano ataru uren ma mei baiya ma iniyan, arankan aposeli kayo aronon ukharen. ³⁴ Mana Farasi ben avi Gamaliel ano, man baiya i aru ino, mino nanin banta ano ben ara''nau baine, bei mantaven akona baiya aposeli kayonvan ten barufasa tana'ara aravukesiso. ³⁵ Bei beu tiyan amen, " Isreli banta kaiyo kamae ineno ireti ma nai inin damure ma banasi ra ma inona danasintae. ³⁶ Mana'a damu esavedavin, Teodiasi emantaven ma'asentei mana kaini banta uno, kokona banta ano bein bakuren, 400 adesi iyain nanin banta ano bein ma tupaen.Beu bein aruren, iyen bein bakuntare ein mano, beu karan orera uran ida mana danasi en. ³⁷ Mei banta ayonpakemen, Judas kalilike ano banta ma dankafin damupin mantaven bei mana'a banta bein ma bakuri nain aviren. Beima pu bin, mino kayo ma bein ma bakun tare ein kayo karan orera ene. ³⁸ Tare tei irevain teuno, mei banta kaiyo va ampire nenetasa bano. Purae, mei inin nafi doran nafi banta finke ma erikhantin, eraven ankamen nanu intene. ³⁹ Mei Ayarafenu finke ma erikhanti, ireti ida kasae evare ankamino, Ireti Ayarafenu ma i aruviyare tire dosi onanono meivan mino ano mana arasien. ⁴⁰ Ma'an uran aposeli kayo aran eavin beu ankaen, beu tiyamen ida va Tepuro avikasa baiya senono tiren, beu ampin oren. ⁴¹ Beu mei ataru amusin ma ampiren oren mei mana'a kaiyo mei avika aibarene. ⁴² Mei ayomake, mino damupin, beu pa betin arien inin amiyan inka tiyan pamanen Tepuro men bantai aviran banta ino tenb mino naun pin ma mono nanun kaiyo vase.