¹ Mai 3kilok i inupa Pita nu Jon i mono barufa amuki damu oren. ² Maukan beu mana banta aranta ayan pukein aviren mono namun onara mokaen beu ma'asen kamaen, beu bein mara kaintin moni ba manadanba mono namum ma dunperein kayovaninanten. ³ Beima Pita ma Jon i onan mono namun oiyan, bei monisan bekan bai inaten. ⁴ Pita nu Jon i ben aufen kaga ben tiyan amen, " Berasan tona". ⁵ Mai banta arantan ayan buken mano Pita nu Jon nin onen be kan mana'a dana amintemino tigan. ⁶ Ma'a ukan Pita ma'asen, " silva va goli ia dekun ban nainasa dekun banafi maidan i ein anente. ⁷ Pita beni ayan karudapa pakaren orun avian bein manten. Ma'a uran mino ben arantan ayampa akonaen. ⁸ Mai banta aranta ayan ma namu ukaein emanten ainen oren, inka bei Pita ma Jon i ma mono nomun oren, inka bei manten me kaosi, kaosi en Ayarafenu avi amandanien. ⁹ Mino nanibanta mai banta ano oriyan Ayarafenu avi aman danien. ¹⁰ Beu bein afovaien mai banta mono namun onara kumani yaein beu ma'asen kamaune sen moni san mana'a danaba san intanttiyan, inka beu anuduren ma'asen nainasa mai bantafin dakoiyan nafi. ¹¹ Bei ma Pita ma Jon i ban, mino naninbanta manta anudure tavaen onara beu ma beitya oriven ten kakan amusin na Solomon nina o. ¹² Pita ma maiyana oniyan, bei ma'asen bantanasi tiyanamen, " Ireti Israel naninbanta, baravara ireti anudiyafa? Paravara uru akonae toni mono pin orinovan. ¹³ Abraham, Aisak i ma Jekoip ini Ayarafenu i, inka Ayarafenu bei tetin tifoen ofoei, bei kakan bi bei doran banta amen, bei Tepuro. Bei ana ireti ayon amie avire Pailat tin oufa oreo, maira ben ampiran tin orinoan ikami. ¹⁴ Ireyantai ayon Holi, en puntakein banta ia uman bain, inka ireti beu inae banta ma arima puriyan ampesin na ori. ¹⁵ Ireti aun amin banta areo, Ayarafenu bein purinpin ten avian manten, ma teti oman aubaini maidana sintae. ¹⁶ Maukemifo ben avika mumnan o bei ma mai banta uwantein akonen teri ba ireti bein onya afovai iya. Bei purai, bei ma Tepuron tama munan eintai ben du kamaen eren aura minano oneo. ¹⁷ Ma'auka tifativae, tei afovai ugeu ireti ia afovai uge ma avuava sie, Iretini anonon banta kayo anodere maen. ¹⁸ Maukan mino danama Ayarafenu tiyan doran bantafin pefa amigan, maukan Tepuro uman baranten, mai tare dakoen. ¹⁹ Maukanti ireti arabe e va ume ayon ame, Ayarafenu ereni ume aruminten, Ma'aukan tin kakamano irempin eriven iren akona aminten. ²⁰ Inka bei kakan tiyan tanten, bei ireninae tigan bei Tepuro. ²¹ Bei mana inaru ano everen avien pakaren ayaka oriyan Ayarafenu bei tin minodana oruman ayenien. Mai danaka, Ayarafenu pe tiyan beu ofen amigami, pefa punta kein doran bantafin. ²² Moses i ma'asen pesen, Ayarafenu kakan bei doran banta afoka kainten mai tei irenpik afonkayo aubanake. Ireti kama ureva baya ma minodana pake tinan ine. ²³ Bei itimpin abanbataien inten, Iya mai doran banta avaya inema dagafinte ei uman barano. ²⁴ Pura tere, mino doran banta Samuel damu eren tarema evain, iye beu ayompa afokauge nafi, beu manio baya ana tigen, minoano manai baya anaten nainasa tare afokain tenafi. ²⁵ Ire anan doran banta agafana banan Ayarafenu erema baya tiyan damen bei kontrak ima, iren anavasin pin banten, Abfraham ma uwanten, Ein agafanafinn mino mabarara ke nanibata mai avaba baranten. ²⁶ Inain Ayarafenu bei doran banta aman afokaen, bei tiyan tan irevain orien eren eretin avabaen inka iretiva arabe e mino namu dano ireti me ampe."