¹ Yesu kaingile mubwato, ukwabukila mwitala, kaisa mumusumba wakwe. ² Boneni baleta kuli ye umwalalume umulebe alilele pampasa. Ati abone icitetekalo cabo, Yesu kalabila kumwalalume wa bulebe ati, ''we mwana teka umutima imembu shobe sha elelwa.'' ³ Boneni bambi pali bakalemba abatatika ukulanshanya palwabo beka, ''ingu muntu akoponta.'' ⁴ Yesu kaishiba amalangulushi yabo elo alabile, ''Imba findo mukolangukila ifibipile mumitima yenu? ⁵ Imba cindo icangukile, ukulabila, imembu shobe shaelelwa nangula ukulabila, ima yenda? ⁶ Nomba pakweba ati mungeshiba ukwe bati umwana wa muntu ali ne fiso pano calo ifyakwulela, imembu, ''Kalabila kuwa bulebe, ''ima impasa yobe, uye nakunanda yose. ⁷ Kusanga umwalalume kaima nokuya kaya kumanda yakwe. ⁸ Ulo ibumba babwene imbi kabatiina nokucindika Lesa, ingo iwapele insambu shakaba imfi ku bantu. ⁹ Ulo Yesu alikupita ukufuma inkulya, kabana umwalalume beta mateyo alikete pakananda kafwa kasosonkesha, wa misonko. kalabila kuli ye, nkona kayima kamukonka. ¹⁰ Ulo Yesu aikele panshi munanda ukuwebati alye, boneni bakasonkesha bamisonko abangi nababembu kabesa mukulila pepo na Yesu nabasambi bakwe. ¹¹ Ulo abafalise bacibwene, kabalabila kubasa,mbi bakwe, ''imba mulandundo kasambilisha wenu aliilapamo bakasonkesha wa imisonko naba bembu?'' ¹² Ulo Yesu aumfwile imfi, kalabila, ''Abanta abatuntulu tabakabilapo inganga, kano imbo likoso abalwele. ¹³ Muye mwalule umo inci calola. ''Imfwaya uluse temalambopo pantu inshaishi lepo mukwita abalungeme ati balapile, sembi ababembu.'' ¹⁴ Elo abasambi bakwa Yohane kabesa kuli ye kabalabila, ''mulandu ndofwe na bapalise ilingi tulekela ukulya, nomba abasambi yobe tabalekapo ukadya?'' ¹⁵ Yesu Kalabeba, ''napo abana abali pamo na shibwinga banga lokulosha ulo nshibwinga acili nabo? leleshikoisa inshiku ulo nshibwinga bukumupiita ukufuma palibo, Elo baku tampa ukuleka ukulya. ¹⁶ Takapo umuntu uukambika ici kamba cabwangu pakakufwala cakale pantu icikamba caku kambulukapo, nape lepaukale pakukulilako. ¹⁷ Nabantu tababikapo citototo munsupa shakale, Abacita ifi, insupa kutobeka, necitoto kwitika, nensupa konaka. Ecalenga babika icitoto munsupa iyikodele, ninshi fyobilo fyasungwa.'' ¹⁸ Ulo Yesu acili akolabila imfifintu kulibo bonena intungulushi kayisa nokwisa kwi mina paliye, kailanbila, ''Umwanansungu wandi elo afwa lukoso, nomba kamwisa mulambali po iminwe yenu pali ye, nakambi akoba no mweo. ¹⁹ Elo Yesu aimine kamu konka nabasambi bakwe kabakonkamo. ²⁰ Boneni, umwanakashi ngo uwalikulwala umukunko pamyaka kumulimo na bili kaisa cisese cisese ukwisa kukumya kumpelo yamwinyila wakwe. ²¹ Kayeba eka umwine, ''Anaya kakamya ka mwingila wakwe, na kupola,'' ²² Nomba Yesu kuyaluka nokukwisa kumubona, kebele, ''we mwana, teka umutima icitetekelo cobe cakaposha, '' Nomwanakashi. ²³ Ulo Yesu aingile munanda yantungulushi, kabonga icongo icakulu. ²⁴ Kalabila ati, ''Fumeni, pantu umwanasungu tafwilepo asendalele bwaka.'' Nomba kabamuseka mumitumfyo. ²⁵ Ulo ibumba balifumishe panse kaingila mucipinda kamwimya kakaboko, nomwabaasungu kaiminina. ²⁶ Ne lyanshi lya palinci ka lyenda icalo conse ncilya. ²⁷ Ulo Yesu alikupita ukufuma inkulya impofu shibili ekwisa kamukonka ukwenda umo shibili kishishe, ''Tumfwileko uluse, we mwana wakwa Dabidi.'' ²⁸ Nomba ulo Yesu aingile munanda impofu kashipalakaina kuliye, Yesu kasheba ati, ''Napo mukocetekela ukwebati efinakonkele ukucitefi?'' Kaba kabamwasuka ati, ''ina, mwe shikulu.'' ²⁹ Elo Yesu aikete pamenso yashiko nokweba ati kacimucitikile ukulingana ne citekelo cenu.'' namenso kayesuka. ³⁰ Nayesu kabebekesha ukwe bati, ''mobone ukwebati takapo wakwishiba bali inci.'' ³¹ Lelo imbo balalume babili kasafuma ukuya kasalanganya conse icalo pali inci. ³² Ulo imba abalalume babili balikafuma, kusanga chibulu umwalalume uwa wililwe ingulu bamuleta kuli Yesu. ³³ Ulo ingulu bashi fumishemo chibulu katampa ukalabila. Amabumba eko balakeme bwaka kumfwa ati, ''Tacatala acicitikapo muno Israeli.'' ³⁴ Nomba aba Falise balikweba ati, ''ku mafunde angulu, eko akofumisha. ³⁵ Yesu kaya ulo endauka munisumba namumushi monse. ka konkanyapo ukufunda mumasungoge yabo, ukushimikila imbila yabufumu nokuposha amalwele ya yisa mitundu no kubombomana ukuli konse. ³⁶ Ati abo amabumba kabomfwila inkumbu, pamulandu wakuba shupa nokubanenuna, kabali kubati ni mpaanga ishi takwetepo kalema. ³⁷ Kayaba abasambi bakwe ati, ''Uku lobolola kuli kalile sana nonimba ababomfi ebacepele. ³⁸ Ekweba ati mupepe kuli shikulu wabuloboloshi ukwebati angatumako ababomfi abengi mukulobolola.''