¹ Ulo Yesu apolomokele panshi ukufuma kulupili, amabumba aya kulu ya lilokumukoka. ² Boneni uwafibashi kaisa kuli ye nokufukama kalabila, ''Mwe mfumu amwafwa aya mungangwamya. ³ Efi Yesu afungulwile ukuboko kwakwe no ku mukumwikata, no kulabila nkofwaya bowelele.'Pekepo kaela kufibashi fyakwe. ⁴ Na Yesu kamweba ati ulabilapo nangu fimo ku muntu uuli onse koya ukokoya ukailange na kuli banshimapepo, nakambi ukapele necabupe ico Mose akokobeshe, cikabe ubunte kuli. ⁵ Ulo alikwingila mu kapenaumu, malonda wabafungwa kaisa kuli ye pakumulomba. ⁶ nakambi kalabila, ''mwe mfumu umusha wandi alilele bwakwa ku nanda na maka takwetepo pantu fya mufinya ukwine kantu. ⁷ Elo Yesu alabile kuli yati, ''nkoisa mu ku mweitila. ⁸ Malanda wabakaili ka asuka kaebati, ''mwe mfumu nshili ngilepo ukwebayti mwene mwingile naku nanda yandi, Labileni lukoso ishiwi no mubomfi yandi akopola. ⁹ Nande ndi mwalalume oobasuta ukuba mukulu na kabili ndi ne fita ifili panshi yandi. Ninga labila kuli ngu nati koya naye kaya na kumunakwe umbi Isa naye kwisa na ku mukomfi wandi, nati citefi naye kucita.'' ¹⁰ Ulo Yesu aumfwile mfi kacimupapusha no kulabila kuli mbo abali kumukonka, ''Nkomweba mucitutulu nati, nshingabonapo nangu umo uungaba ne citetekelelo kubati nici mu Isreali. ¹¹ Nkomweba nati, abengi bakwisa ukufuma ku kabanga naku masamba, elo bakwikala kwite bulo pamo na Abrahamu, Isaki na Yakobo, mu bufumu bwa mwiulu. ¹² Lelo abana baume aba mu bufumu bakaposwa kunse kumfimfi iyi fitisha uko ukwa kubo kulila no kusumanya ameno. ¹³ Yesu kalabila kuli Malonda, ''koya! ukulingana nefi wasumina efi cibe kuli we.'' No mubimfi kapola pali yekanjilya ola. ¹⁴ Ulo Yesu afikile ku nanda yakwa Petelo, kabona bana fyala Petelo balilele, kabalwe;le umutwe no mubili. ¹⁵ Yesu kamwikata pa mutwe, no kuposha kapola. kaabuka napa bulo kutampo ku mupekanishisha ifya kulya. ¹⁶ Ulo cabele icungulo bushiku abantu bali letele kuli Yesu abengi abali ne fibanda. katamfya ifi mipashi kwishiwi no kupashi bonse ubaalwele. ¹⁷ Ni muli nshila emo cafikilishiwe ico kasesema Esaya alabila, ukwebati, ''Ye akamita ukulwala no kufumyapo amalwele.'' ¹⁸ Nomba ulo Yesu abwene ibumba lili mushingulukile kaebo kwebati katuye kucende imbi iya mana wa Galili. ¹⁹ Elo kalemba aishile kuli ye no kulabila we musambishi, nalikukukonka konse uko mwali kuya.'' ²⁰ Na Yesu kalabila kuli ye ati, ''Ba mumbwe balikwete imimba ifyuni fya mwiulu nafyo fili ne finsa, lelo umwana wa muntu ye ta kwetepo napakusamina umutwe.'' ²¹ Naumbi uwa mubasambi kalabila kuli ye, ''mwe mfumu, nsuminisheni tanye nje nkashike bata. ²² Lelo Yesu kalabila kuli ye ''Nkonka, nokuleka abafwa balokushika abafwile banabo.'' ²³ Ulo Yesu aingile mu bwato, abasambi bakwe nabo kabamukonka no patamamo. ²⁴ Boneni, kwaishile ica mwela ca icikulu pa cimana, icakweba ubwato bwalifimbilwe namatamba. Lelo Yesu ye kalele. ²⁵ Aba sambi kabesa kuli ye no kumubusha kalabila, ''tupususheni, mwe mfumu, tukofwa!'' ²⁶ Yesu kalabila kulibo, ''Nindo mukatina mwe ba citetekelo icice?'' Elo aimine no kukalipilo mwela ne cimana. Elo patalele. ²⁷ Abalalume kabapapa no kulabila ati, muntu wa musango shani ngu uwakwebati umwela ne cimena kafimumfwila?'' ²⁸ Ulo Yesu apitile kucende imbi iya calo cubena Gadara, abalalume babili abali nefibanda kabamukumanya. Balikwisa ukufuma mu manda elo bali bafyongo, icakwebati abakwenda tekuti bapitepo muli nji lya nshila. ²⁹ Boneni, kababilikisha no kulabila ati, Findo tukucitile, ''we mwana wakwa Lesa? Bushe waisa mukutucusha apo ishita tainga fika?'' ³⁰ Nomba umukuni wankumba ishingi wali nkulya mukulya, mupepi lukoso nabo. ³¹ Ifibanda fya twalililepo lukoso ukupapata Yesu no kulabila ati, awatusowa ututamfi, she mu mukuni wa nkumba ngulya. ³² Yesu kabebati, kamuya!'' ifibanda kafifuma no kuya kwingila mu nkumba elo boneni, onse umukuni kantentemukila kunshi ya lupili no kuya kwibila mu cimana efi shonse shanyenene mu menshi. ³³ Abo abali kwecema mukuni kababutuka no kuya mu musumba no kusosa fyonse, sana sana pafya citikile mbalya abalalume abali nefibanda. ³⁴ Boneni, umusumba onse kawisa mu kuku manya Yesu. Ulo bamubwene kabamolomba ukubafumina muncende yabo.