¹ Yesu alitile sambi bakwe bonse abali ikumi na babili pamo nokubapela amaka aya kusowa imipashi iya kowela, ukuposha amalwele noku posha abakolwala. ² Nomba amashina yaba sambi ninga. Simeon (uwalikwitwa Petro), Na Andrea nomu kwabo; Yakobo umwana umwalalume uwa ku Zebede na Yohane umukwab; ³ Filipo, na Batolomeo; Tomashi, na Mateo kasonkesha wa misonko; umwana mwalalume waku Alfeo, na Taddias; ⁴ Simeon uwaku kanaani, Yuda Iscariot ngulya uwamwalukile. ⁵ Mba abekumi nababili Yesu alibatumine. Alibakonkomenshe nokulabila ati, ''Mwiyapo mu nshila yabe fyalo emo bekala no kutengilapo mu mishi yonse iya ba Samaria. ⁶ Lelo, kamuya ku mpanga ishilubile isha mu nanda yaku Isreale; ⁷ no ilyo mukoya, bileni no kulabila ati, ubufumu bwa ku Lesa bu koisa bwangu! ⁸ Kamuposha aba lwele, kamwimya abafwa, kamumaya ifilema, nokutamfya imipasha kowela. Lutu muli pokelele, lutu mulokupa. ⁹ Mwila kusenda golide na Silfere nangula umukuba mufi kwama fyenu. ¹⁰ Tekusenda umufuko wakusendelamo pa nyendo shenu, nangula imingili ibili, nangula inkwanda, nangula inkonto pantu uukobomba akabil;a ukulya icilyo cakwe. ¹¹ Umusumba nangula umushi onse uo mukoingilamo, monenimo umuntu uulingile, ikaleni elyo nomba mwakufumano. ¹² Ilyo mwakulaingila mu nanda, iposheni. Nga cakweba ati inada ililingile, lekeni umutende wise pali yo. ¹³ Nga talingilepo lekeni umutende wise kuli mwe. ¹⁴ Kuli mbo aba tabamipokelelepo nangula uku mikutika mu mashiwi yenu, ilyo muko fumamo mu nanda nangula umusumba, mukemye ulukungu ku nkasa shenu. ¹⁵ Icine inkolabila kuli mwe, cabakubako ee filyako ku mpanga ya Sodoma na Gomora muli mbulya ubushiku bwa kupingulwa ukucila umusumba ngulya. ¹⁶ ''Boneni, inkomituma ku nse nga impanga pakati ka mimbulu lelo ka mucenjela nge nsoka nokuba aba kaele nge nkunda. ¹⁷ Ka mulola ku bantu! Bakulemitwala ku ba cilye nokumipama ifikoti muma Sinagoge yabo. ¹⁸ Nomba bakumileta ku ntashi yaba koteka ne mfumu pamulandu wakuli ne, nge cakubwenako kuli bo kubena fyalo. ¹⁹ Nga ba misowamo mule, mwilokusakamana pafyo mwa kucita nangula ukulabila, pantu ifyo mwa kulabila fya kupelwa kuli mwe pali njilya nshita. ²⁰ Pantu temwepo mwaku lalabila, lelo mupashi wa ku Lesa ukalalabila muli mwe. ²¹ Umukwabo ukupela umukwa kumfwa, na wishi akupela umwana ku mfwa. Abana tabakulomfwilapo aba fyashi bakulibo nokuleka ku mfwa. ²² Mwa kupatwa kuli bonse pamulandu we shina lya nji. Lelo onse uwakwikalilila mpaka ku kupwa, ngulya muntu akupusuka. ²³ Nga bako mucusha muli ngu umudumba, kamuya kuli umbi, pantu inko labila icine kuli mwe, nga tamwaile po mukupita mu misumba sha ku Israeli ilyo umwana wa muntu tangaisa. ²⁴ ''Umu sambi tekutki acilepo umusambishi wakwe, nelyo umusha uuli pe ulu waukomu bomfya. ²⁵ Emfilyako ku sambi ukuba ngo musambishi wakuli ye, no musha ukuba ngo ukomumbomfya. Ngabali kutile uukobabomfya mu nanda yaku Beelzebul, cingaba shani ububi nga mashina nga yalitilwe muba munanda! ²⁶ Pali ngu mulandu mwibatinapo, pantu tapabapo icifiseme ica kwisa ku kana ukusokololwa, ne cifiseme icakwisa kukakna ukwishibikwa. ²⁷ Ifyo nko mweba mu mfimfi, labileni mu lubuto nefyo mukoumfwa mukunakilila mu matwi yenu, kamubilikisha ukufikafye na pamulu wa nanda. ²⁸ Mwitina mbo abe paya umubili lelo tabepayapo umupashi. Lelo mulokutina mgulya uukoonaula fyonse umubili no mupahsi. ²⁹ Bushe inseba shibili tashitiwapom umuntengo uucee? pantu pali nshi tekutipo tupone panshi ukwabula bata baku mulu ukusuminishako. ³⁰ Lelo ne mishishi yaku mitwi yenu yalipendwa, ³¹ Mwitinapo umutengo ulicililepo inseba ishingi. ³² Eico umutengo ulicililepo inseba inshingi. Eico uyu onse uukondumbula pa menso ya bantu, nandi nakumulumbula pa menso ya mfumu Lesa uwa kwi ulu. ³³ Nakambi uwa kunkana pa menso ya bantu, nandi nakumukana pa menso ya mfumu Lesa uwa kwi ulu. ^{34 35} ''Mwitontonkanyapo ati naisa mukuleta umutende pano calo. Nshaisapo mukuleta umutende, lelo icebo. ³⁶ Pantu naishile mukupususha umuntu na wishi, no mwana nsungu nanina, no mulokashi nana fyala. Aba mu nanda ya muntu eba lwani bakwe. ³⁷ Ngo onse uwatemwa aba fuashi bakwe ukucila ne talingile kuli ne, Ngo onse uwatemwa abana bakwe ukucila ne talingile kuli ne. ³⁸ Ngo onse uutasendapo umusala wandi nokukonka ne talingile kuli ne. ³⁹ Ngo onse uufwaya umweo akuulufya. Lelo ngulya uuko lufya umweo pali akuusangana. ⁴⁰ ''Ngo one uukomipokelela inshi apokelela na ne, nango uumpokelela ninshi apokelela na uwatumine ne. ⁴¹ Ngo onse ukopokelela kasesema mwishina lya kwa kasesema icilambu cakwa kasesema, no ngo onse uupokelela umuntu uwa cine mwishina lya washila akupoka icilambu ca bulungami. ⁴² Uyo onse uukopela abana bab cece ulukombo lwa menshi yaku nwa mwishina lya mu sambi cicne nkolabila ati, ta kapokololww icalambu cakwe.''