Icipandwa 26

1 Nomba ulo Yesu nga amashiwi, kalabila kuba sambi bakwe, 2 ''Mulishibile ati mushiku shibili icakuciluka cikoisa no mwana wa wa muntu akopelwa kuku samikwa.'' 3 Nomba bashimapepo abalulu naba kulu ba bantu kababungene pamo ku cipango cakwa nshimapepo umukulu uwali kwitwa caiaphas. 4 Kabapangene ukwikata Yesu mubucenjeshi no kumwipaya. 5 Pantu kabalokulabila, ''Tekwesha pakusangalala pakuti abantu beletapo icimfulunganya.'' 6 Nomba ulo Yesu ali mu Bethany mumanda yaku simon uwa Fibashi, 7 Ulu ali kwitebulo, umwanakashi kaisa kuliye alipitile no musashi wamafuta aali mutengo, kabunkula pamutwi wakwe. 8 Nomba ulo abasambi bakwe bacibwene, kabakalipa no kulabila, ''cindo calenga mbu buluse? 9 Ici ngacasakushitiwa pandalama ishingi nokupa incushi.'' 10 Nomba Yesu kaishiba inci, kalabila kulibo, ''cindo mukokatashisha umwanakashi? Pantu acita iciweme kuli ne. 11 Incushi mwalikuli nasho lyonse, nomba tamwakabepo nande lyonse. 12 Pantu ulu etile nga mafuta pamubili wandi, acitile inci pakushikwa kwandi. 13 Nkomwebesha, knse uko nji iweme yakubilwa mucalo conse, mfi ifyacita umwanakashi fyalabilwa mu kwi bukisha ye. 14 Elo umo uwekumi limo na babili, ngo balikwita Yuda Sikalyoti, kaya kuli banshi Mapepoi abakulu. 15 No kulabila, ''findo muko fwaya ukumpa pakuti imupe ye kuli mwe?'' Elu ba mupele amakumi yatatiu isha Silvele. 16 Ukufumo ulo kafwaya inshila yakumutwalilamo kuli bo. 17 Nomba pakasuba kakutampa aka mufuba utatutumukapo abasambi kabesa kuli Yesu nokulabila, ''Nipi mukofwaya tumupekanishishe mulye cilyo cakucilukila?'' 18 Kalabila, ''kamuya mumusumba, kumuntu umo mfi mu mwebe, ''kasambilisha alabila, ''inshita yandi ilifikile. Inkobaka icakuciluka naba sambi bandi panada yobe,'' 19 Abasambi kabacita fyeka ifi abebele, no kupekanya icilyo cakucilukila. 20 Ulo cali icungulo, kaikala akolya na bekumi limo na babili. 21 Ulu balikulya, kalabila, ''mukwebesha umo pali mwe ako mpilibukila.'' 22 Kabekatwa icikonko, no kutatika no kumwipusha umo no munankwe, ''Napo ninebo, mwe mfumu?'' 23 Kaasuka, ''ngo uukosubika nakwe ukuboko munkombo euko mpili bukila. 24 Umwana wamuntu akoya, fyeka mfi calembwa pali ye. Nomba cabipile ngo umuntu ukopilibukila umwana wamuntu! Nga caliwemepo ngo muntu ukutafwapo.'' 25 Yuda, uli no kumupilibukila kalabila, ''Bushe ninebo wemusambishi?'' kalabila ye,'' Ulilabile wemwine.'' 26 Ulu balikulya, Yesu kabula umufuba, kaupala, nokuusunaula. kapela abasimbi no kulabila, ''Buleni, mulye, ''mweni, mwe bonse. 27 Kabula kombo no kutotela, kapela kuli bo nokulabila, ''Nweni, mwe bonse. 28 Pantu ngu mulopa wandi uwacilayo ukotikilwa pabangi ku kwelela amasambi. 29 Nomba nkolabila kuli mwe, Nshakamwepo libili kuli ici cisabo ca mwangashi, mpaka akasuba kakunwa icabwangu namwe mu bufumu bwaku baata,'' 30 Ulu baimbile ulwimbo, kabaya kulupili lwa mi Olive. 31 Elo Yesu alabile kuli bo,'' Bonse muko mukobutuka mbuno bushiku pamulandu wa nebo, fyeka ifi calembwa inkapama cembela na impanga shakusalangana. 32 Nomba anabuka, nakumutangilila ku Galilee.'' 33 Elo petelo alabile kuli Ye, ''Nangu kweb ati Kubutuka pamulandu wenu, ne takubutukapo.'' 34 Yesu kalabila kuli Ye,'' Nkonkwebekesha, bweka mbu bushiku ninshi tambala tangalila ukonkana imikwi itatu. 35 Petelo kalabila kuli, ''Nangu kati kufwa namwe, tekuti imukanepo, bonse abasambi kabalabila fimo fyeka. 36 Elo Yesu aile nabo ku cifulo ca Getisamane no kulabila kuli bo, ''Ikaleni mpa ulu nkoya nkulya mukupepa.'' 37 Kapita Petelo nabana abalalume bakwa Zebidi nokuba ne cikomnko no bulanda. 38 Elo alabile kulibo, ''umweo wandi uli ne cikonko, cipi nemfwa. shaleni mpano no kulonda nane.'' 39 Kaya akatalamukila, kawa ubukupeme no kupepa. Kalabila, ''mwe bacita, kati cingaba mfi, lekeni inkombo nji ipite. Nomba tefyopo ifinkofwaya, koma mwe ifimukofwaya.'' 40 Kaisa kuba sambi no kusanya bo balilele, no kulabila kuli Petelo, ''Findo mutanga lindilapo pakashita insa imo bwaka. 41 Lindenino kupepa pakuti mu wilapo mu kweshiwa umupashi ukofwaisha, nomba umibili ulinakile. 42 Kafumapo ulwacibili no kupepa. kalabila, ''Mwe baata, kati ici tekuti cipitepo mpaka incinwe, ukufwaya kwenu kakucitike.'' 43 Kaisa nakabili kasangana balilele, pantu kabali notulo. 44 Nakabili kalabila amashiwi amo eka. 45 Elu Yesu ashile kuba sambi no kulabila kuli bo,' ''Muchili muli leele no kutusha? Boneni akashita kafika no mwana wamuntu akokanwa no kumupa mumaboko yaba bembu. 46 Imeni, katulokuya. Boneni, ukonkana ali mupepi. 47 Ulu acili akolabila, Yuda umo uwabali ikumi limo na babili kaisa kuli ye ukufuma kuli bashimapepo abakulu naba kalamba babantu. Kabesa nemyele naba cikoli. 48 Nomba muntu uwali no kwalukila Yesu kabapele icishibilo, kulabila, ''Ngo kotomona ninshi ni ye, munwikate.'' 49 Mpenkapo kaisa kuli Yesu nio kulabila, ''umutende, kasambilisha!'' no kumutomona. 50 Yesu kalabila kuli ye, ''Wemunandi, citabwaka ifishile mukucita, '' Elu bashile, kabamwikata Yesu. 51 Nomba umo pali abali na YEsu, kabula umweele nokukoma umusha wakwashimapepo umukulu, no ku putula ko ukutwi. 52 Elo Yesu alabila kuli ye, ''Bika umwele obe umo ulingile ukuba, pantu bonse mbo ababula umwele bakulabela kweka kumwele. 53 Mukobona ati tekuti njitepo baata no kuntumina abacililepo pa ikumi na babili bamalaika? 54 Nomba angafikilishiwapo amalembo, ati inci mpaka cicitike?'' 55 Pali nkalya kashita Yesu kalabila kwibumba, ''Mwaisa ne myele naba cikoli mukunjikata kubati ndi kapondo? lonse nali kwikala nali kwikala munanda yaku Lesa inkosambisha, tamwanjiketepo. 56 Nomba fyonse imfi fyacitika pakuti ifi bakasesema balembele fifikilishe.'' Elo abasambi bonse kabamukana no kubutuka. 57 Mbo abaikate Yesu kabamuminta ku mutwala caiaphas umukulu wa ba shimapepo, inko ko ba kalemba na bakulu babungene pamo. 58 Nomba petelo kamukonkele akatalamukila kulubansa lwakwa shimapepo umukulu. Ye kaingila no kwikala panshi naba malonda pakuti abone ifi kofumamo. 59 Nomba banshimapepo abakulu ne cilye conse kabalokufwaya ifyabufi ifibangabepesha Yesu pakuti ba mwipaye. 60 Tabasangilepo nangu cimo, nangu mboni shabufi shaishile. Nomba kakwisa nakabili babili. 61 Kabalabila, ''Ngu muntu kalabila, ''Ningatoba inanda ya ku Lesa no ukukululula munshiku shitatu.'' 62 Shimapepo umukulu kaimakana noku labila, '' Taukwetepo ifi uko asuka Findo mfi bako kushinisha?'' 63 Nomba Yesu kali shili. Shilili. shimapepo umukulu kalabila kuli ye, ''Nkokweba muli Lesa uwabumi, twebe kati niwe Klistu, umwana wa ku Lesa.'' 64 Yesu ka mwasuka ye, ''uli nabile weka wemwine. Nomba nkokweba, ukufuma lelo wakubona umwana wamuntu alikele kukuboko kwakulyo ukwamaka. no kwisa pamakumbi mulwelele. 65 Shimapepo umukulu kalepula insalu shalwe no kula bila, ''Alabila imiponto! cindo tukofwaila imboni nakambi? pooneni, nomba mwa yumfwa imiponto. 66 Findo mukontontokanya?'' kabasuka no kulabila, ''Alinga mfwa.'' 67 Kabamushipila amate pamenso nokumupama, no kumukandula amapi, 68 Nokulabila, ''sesema kuli fwe, we Klistu. Niwisa akupama?'' 69 Nomba petelo kalikwikele panse mulubansa lwa cilye, no musha mwanansungu kaisa kuli ye no kulabila, ''wali pamo na yesu uwaku Galilee.'' 70 Nomba ye kakana pantashi yabonse kalabila, ''Nshishibilepo nefi mukolabilapo.'' 71 Ulu aile kumulyango, naumbi umusha mwanansungu kamubona no kulabila kuli mbo abali nkulya, ''Ngu muntu naye ali na Yesu uwaku Nazareti.'' 72 Nakabili kakana no kulapika, ''shimwipo ngu muntu!'' 73 Pakashita kanini mbalya abaiminine cipi cipi kabesa no kulabila kuli Peter, ''ukwebekesha nawe uli umo uwa muli mba, pantu ifi ukolabila fikolangisha.'' 74 Nomba katampa ukutipwila no kulapa, ''Nshimwi shibilepo ngu muntu, ''Mpenkapo na mukolwe kaila. 75 Petelo kaibukisha namashiwi ngalya Yesu alabile, ''Ninshi mukolwe tangalila wakunkana imikwi itatu,'' Elu aile panse no kulila ukukulu