¹ ''Elo ubufumu bwa kumulu bwakuba kubati nibana cisungu abapitile amalapi yabo nokuya mukukumanya shibwinga. ² Fisano palibo kafili fyungwa naba sano kabili ba mano. ³ Pantu ifyungwa elo fyapitile amalampi yafiko tafya pitilepo amafuta nangu yanini. ⁴ Nomba bama cisungu abamano kabapita amafyta mu malampi yabo. ⁵ Nomba elo shibwinga akokwele, bonse kabashipula noi kulala. ⁶ Nomba pakati kabushiku kakuba umusowa, 'Boneni, shibwinga! kamuya mukamukumanye. ⁷ Elo bonse mbalya abana nsungu kababuka nokusanika amalampi yabo. ⁸ Ifyungwa kafilabila kubamano ati,''Tupeniko amafuta yenu yambi pantu amalampi yenu yakoisula; ⁹ '''Nomba abamano kabasuka nokulabila ati, ''Epo tayatukumanepo, kabiyefye kubashitisha mushite ayenu. ¹⁰ Nomba lwekolo ulo bele mukushita, shibwinga kaisa nambo abaipekenye kabaya nakwe kumutebeto wa cupo, necisoko kacisalwako. ¹¹ ''Panuma bamacisungu bambi kabesa nokulabila kuliye ati, ''mwemfumu, mwemfumu twiswileniko. ¹² ''Nomba kabasuka nokulabila ati, ''Mucine nkolabila kuli mwe ati, Nshimwishibilepo. ¹³ Kanshi mulokulola, pantu tamwishibilepo akasuba ne nshita. ¹⁴ ''Pantu cili kubati mwalalume elo ali mukuya mu calo cimbi kaita ababomfi kabwe nkubapela ifyo akwete. ¹⁵ Kuli umo pali kamupa amatalanta yasano, kuli umbi kapa yabili, nokuli umbi kapa italanta limo. Cila umo kapoka ukulingana nefyo anga kwanisha, nango mwalalume kaya palwendo lwakwe. ¹⁶ Ngulya uwapokele amatalanta yasano kuya pamuku umo nokuyabomfya noku sombwelapo nayambi amatalanta yasano. ¹⁷ Mumusango umo weka ngulya uwapokele amatalanta yabili kakwatilapo nanyambi yabili. ¹⁸ Nomba umubomfi uwapokele Halanta limo kaya kaimba icilindi mumu shili, nokufisa indalama yakwa shikulu wakwe. ¹⁹ Nomba panuma yakulepa kwanshita shikulu wamba lya babomfi kabwela nokupituluka nabo mu fyo abashilile. ²⁰ Umubomfi uwapokele amatalanta yasano kaisa nokuletelapo amatanta nayambi yasano. Kalabila ati, ''Shikulu mwampele amatalanta yasano. Boneni, ndikwatilepo amatalanta nayambi yasano.'' ²¹ ''Shikulu wakwe kalabila kuliye ati, ''wacita bune, wemusha umuweme kabili uwacishinka! wali uwa cishinka palintu utunini. Nkokubika umukulu pafintu ifingi, ingila mukusekelela kwakwa shikulu obe. ²² ''Umusha uwapokele amatanta yabili kaisa nokulabila ati, ''shikulu mwampele amatalanta yabili. Boneni, ''Ndikwatipo amatalanta nayambi yabili. ²³ ''Shikulu wakwe kalabila kuliye ati, ''wacito bune wemusha umuweme kabili uwacishika! wali uwa chishika palintu tuntu utu nini. Nkokubika umukulu pafintu ifingi. ingila mukusekela kwakwa shikulu obe.'' ²⁴ ''Nomba umusha uwapokele italanta limo kaisa noku labila ati, shikulu, nalishiba ati mulibalalume abafishe. Mulasombola nepo mutabwele, mulalobolola nepo mutakubile. ²⁵ Nali kutina eco kanja nokufisa italanta lyenu mumu shili. boneni, icenu nci. ²⁶ ''Nomba shikulu wakwe kamwasuka nokulabila ati, ''Webo wemubomfi umubi, uwabunangani, walishibile ati ndasombola epo ntabwele nokulobolola epo nta kubile. ²⁷ Kanshi ngawalipele indama shandi kubasunga, napakwisa kwandi nga nalipokele indama shandi ne shakulundwapo. ²⁸ Eco mupokeni italanta nokupela umubomfi uukwete amatalanta ikumi. ²⁹ Pantu kuli onse uukwete nafimbi fyakupelelwapo, akukwata nefingi. Nomba kulingo uutakwetepo neko akwete kakupokwa. ³⁰ Poseni umubomfi utalingile mucilindi cakunse icifitile nko ukwaba ukulila nokusumanya ameno. ³¹ ''Ulo umwana wamuntu aisa mukucindamakwakwe naba ngelo bakwe bonse, elo akwikala pacipuna cabucindami bwakwe. ³² Kuliye kwakubungana inko shonse, akupatula na bantu umo no munakwe. Efyo kacema apatula impanga ukufuma kumbushi. ³³ Akubika impanga kukuboko kwakwe ukwakulyo. Ne mbushi kukuso kwakwe. ³⁴ Elo mfumu yakulabila kulimbo abalikukuboko kwa kulyo, ''Iseni, mwebapalwa, pyaneni ubufumu ubo apekanishishe mwe ukufuma kukutampa kwa calo. ³⁵ Pantu kandi nensala kamupela ifilyo, kandi nensala kamumpela nefyakunwa; Nali umulwendo kamuningisha munanda; ³⁶ Kandi ubwamba mwalimfwikile; kandwele kamu nsakamana; kandi mucifungo kamwisa mukumbona. ³⁷ ''Elo abalungeme bakwasuka nokulabila ati, mwemfumu, nilwisa twamumwene insala nokumulisha? nangu icilaka nokumupa icakunwa? ³⁸ Nilwisa twamubwene umulwendo nokumwingisha munanda? nangu ubwamba nokumufwika? ³⁹ Nilwisa twamubwene muli lwelel nangu mulimuci fungo nokwisa kulimwe? ⁴⁰ ''Elo imfumu yaku basuka nokulabila kulibo ati, ''mucine nkolabila kulimwe ati, ifyo mwacitile kuli bamo aba cepesha muli mbo bandume yandi, kamucita kuline. ⁴¹ Elo akulabila kulimbo aba kukuboko kwakwe ukwa kukuso, fumeni paline, mwebatipwa, mumulilo wamuyayaya uwapekanishiwa umulwani naba ngeli bakwe, ⁴² Pantu nalisala, tamwampelepo ifilyo, Nalinecilaka, tamwampelepo cakunwa, ⁴³ Kandi umulwendo, nomba tamwanjingishepo mumanda; ubwele nokubamucifungo, nomba tamwansakemenepo. ⁴⁴ ''Elo nabo bakwasuka kuliye nokulabila ati, ''mwemfumu nilwisa twamumwene nensala, ifyo muta cilile kuli umo mulimbo abacepeshe, tamwacitilepo kuline? ⁴⁵ Elo akabasuka no kulabila ati, ''mucine ndelabila kuli mwe, ico tamwa citile kuli umo pali abo, tamwacitile kuli ine, ⁴⁶ Mba bakuya mubupingushi bwamuyayaya, nomba aba lungeme noku bumi bwamuyayaya.''