¹ Yesu alifumine mwi tempele nokuya. Abasambi bakwe kabesa kuli ye apo ali pa cikulya ce tempele. ² Lelo alyaswike no kulabila kuli bo, ''Tamubona po fyonse ifi fintu? icine inkolabila kuli we, ''Pakashalepo ilibwe pe ulu lye libwe. Yaku bongoloka yonse.'' ³ Ilyo aikele pa lupili lwa miyolife, abasambi kabesakuli e ilyo ali enka nokulabila, ''nilwisamfi fintu kuboneka? fishibilo ndo fyakuboneka ilyo wakwisa ifya kupwa icalo?'' ⁴ Yesu kayesuka no kulabila kuli bo, ''Mulokucenjela pakweba ati nangula umo eka mubepaika. ⁵ Pantu abengi bakwisa mwi shina lya nji. Bakwisakulabila ati, ''Ene Klistu, nanci cakutwala abengi mukuluba. ⁶ Mwakumfwa ukulwa ne lyanshi lya pa kulwa Boneni ukweba ati tamusakamikwepo, pantu mfi fintu fakucitika, Lelo nku tekupwapo kwa calo. ⁷ Pantu icalo ca kwimina icalo, no bufumu bwakwimina ubufumu. Kwa kuba insala ne finkukuma muncende shimo shimo. ⁸ Lelo fyonse mfi fintu fhyakuba entendelo yaku penga. . ⁹ Nomba bakumutwala kuba kumucusha noku mwipaya. Mwakupatwa ku fyalo ifingi pe shina lya nji. ¹⁰ Elyo abengi bakunaka ku cisamino cabo, nokulokubepeshanya noku patana. ¹¹ Ba kasesema abeni bakuboneka nabengi bakuluba. ¹² Pali nci ububi bwakufula ne citemwiko ca kucepa. ¹³ Lelo uwakushipisha ukufika ku mpela akupusuka. ¹⁴ Kabili icebo nci mfumu cakubilwa pa calo conse, pakweba ati ingapela bukambone bwa kushinina abantu. Ne calo elo cakupwa. ¹⁵ ''Kanshi ilyo mwakubona imbiko yabonaushi, isho Daniele kasesema alabile mwi tempele, ukwimakana mu ncende ya mushilo,'' (uukobelenga eluke), ¹⁶ Elyo abakuba mu Yuda kakubutukila ku mpili, ¹⁷ Uwakuba pa mutenge wa nanda ekekapo muku pita ifintu fyakwe mu nanda. ¹⁸ Uwakuba mwi bala ekabwelelamo mu minta amalya yakwe. ¹⁹ Akalanda kuli mbo abakuba pa bukulu naba kulokonsha abana munshiku nshilya! ²⁰ kamupepa lesa ukweba ati cikacitikapo mu mpepo nangula pa shiku lye Sabata. ²¹ Pakuba ukupenga ukubipile pantu ukufuma apo Lesa apangile icalo ukufika na nduno takwatala kubapo. ²² Pantu Lesa akaana cefya ko isho nshiku, nga tekuti po ukuba umuntu nangula umo uwingapusuka. Lelo nipa mulanda wa mbo abasalwa bakwe, isho nshiku alishicefyako. ²³ Lelo nga umuntu uuli onse nga labila kuli we, ''Bona Klistu ngu! nangula, Klistu ngulya! wicetekelapo. ²⁴ Pantu kwa kuboneka ba Klistu babufi naba kasesema babufi. bakulakucita ifishibilo ne finjelengwe fyakubepa ikilako nangu cingaba abasalwa. ²⁵ Nebo kanshi na misokela limo. ²⁶ Nga balabila kuli mwe ati Klistu ngulya mu matololo! tekuyako. Nangula balabila, 'Klistu ngulya mukati ka nanda! 'mwikasuminapo. ²⁷ Pantu nga mfilya umwela wa mfula wisa ukufuma kku kabanga ukobyatila nka masamba efyo no mwana wau akwisa. ²⁸ Konse ukwakuba icifwile, eko na makubi yakulongana. ²⁹ Ukupenga kwa nshiku nshilya bukalabilwa nga bwapita, apopene akasuba kakufita, umwenshi tawakabalikepo. ³⁰ intandala nasho sha kuwa kwi uliu ne fiso fya mulu fya ku talangana. ³¹ Elyo kwi ulu kwakuboneka ica kubwenako umwana wa muntu eko akoisa mumakumbi. ³² Elyo akutuma aba ngeli bakwe ne penga lya musowa uutangaikulila, no kulonganika abantu bakwe ukufuma konse pano calo. ''Mulokwishiba ku mukunyu. Umusambo wauko ngawamoneka ubwino ninshi imfula ni bwangu ikoisa. ³³ Namwe ngamwabona mfi fikocitika ninshi mulokwishibile ati Klistu ali mupepi. ³⁴ Inkomweba icine cine ukweba ati, nji nkulo tayapitapo ninshi mfi fintu filicitike, ³⁵ Lulu ne calo fyakupita, lelo amashiwi yandi tayakapitepo.'' ³⁶ Lelo tapabapo uwaishiba ilyo mbo ubushiku bwa kufika, nangula ni nshita. Aba ngeli tabaishipo, no mwana taishibapo, kano tata ewaishiba. ³⁷ Nga mfilya cali mu nshiku sha kwa Noa, efyo cakuba pa kwisa kwa mwena wa muntu. ³⁸ Ilyo ilyeshi talingaisa, abantu balilya no kunwa, bali kupa no kupwa, mpaka kabafika fye na munshiya kwa Noa. ³⁹ Abantu tabaishibilepo nangula cimo mpaka ilyeshi kaliisa. ifyo fine efyo cakuba pa nshita kwa mwana wa muntu. ⁴⁰ Abalalume babili bakuba mwibala, umo akusendwa, umbi akushala. ⁴¹ Abanakashi babili bakuba kwikwe, umo akusendwa, umbi akushala. ⁴² Kanshi mulokulola, pantu tamwaishipo ubushiku imfumu yakubwela. ⁴³ Ici mulokushinikisha ukwebati, umwine wa nanda ngaengashiba ubushiku ilyo kabolala akoisa, engalokumulolela. ⁴⁴ Eico namwe tatikeni ukuitenyanya, pantu umwana wa muntu takeshikwe ilyo akwisa. ⁴⁵ ''Bushe umushawa cine alipi, kabili umucenjele uo shikulu akofwaya ukupela ukwangalila aba nankwe? ⁴⁶ Alishuka ngu umusha, uo shikulu akusanga akobombela mweka mulya. ⁴⁷ Inkomweba icine cine, shikulu wakwe akumucita kangalila wa fyuma fyakwe fyonse. ⁴⁸ Lelo umusha uutakwata maano, ena akulabila ati, 'shikulu akokola ukubwela.'' ⁴⁹ Elyo akutampa ukucusha abanankwe no kulya no kunwa naba cakolwe. ⁵⁰ Shikulu wa ngu umusha akwisa pa bushiku ubo tatetele. ⁵¹ Shikulu wakwe akumukanda noku muposha nkulya ukwakuba ba myalumyalu. Ekwakuba imisowa no kusumanya amenso.