¹ Yesu alilabile kuma bumba naku ba sambi. Alilabila ati, Ba kalemba naba Falise benge kala pa cipuna cakwa Mose. ² Eico fyonse ba ku konkomesha ukucita, ko ficita ifi fintu noku fibwenekesha. ³ Lelo tekweshapo ukufikonkelesha mfi ifitwa fyabo, pantu balalabila nomba tabaficitapo. ⁴ Ina, balabika ifisendo ififinine kabili ifishupile ukusenda, nokufibika pafipikiti fya bantu. Lelo bo tabafwayapo uku bikapo umunwe wabo ukufiminta. ⁵ Balacita imilimo yabo pakuti banonekele ku bantu. Pantu balabula ba fulacteria wabo nokubakusha noku kusha insempe sha malanya yabo. ⁶ Incende ishiweme isha matebeto esho bafwaya ⁷ ne fipuna ifiweme mu ma synagoge, ne mitende ishi weme mu ncende yafisankano no kwitwa ''kasambilisha ku bantu. ⁸ Lelo tamufwilepo ukwitwa kasambilisha, pantu muli kwete kasambilisha umo eico bonse muli ba kwabo. ⁹ Tekweshapo ukwita umuntu uuli onse pano calo wishine, pantu muli kwete wishinwe umo, ngo uuli mwiulu. ¹⁰ Nakabi tamifwilepo ukwitwa, ''Kasambilisha pantu muli kwete umo eka kasambilisha, uyo ni Klistu. ¹¹ Pantu ngo emukulu pali we uwakuba umusha. ¹² Uyo onse uwakumwimya akamunakila, noyo onse uwakuinakila ba ku mwimya. ¹³ Klanda kuli mwe, ba kalemba naba Falise, ba mumbi munda! Mulesalila ubufumu bwa kwi ulu ku bantu, pantu tekuti mwingilemo mwe bene, pantu tekuti muisunishepo mwebene ukwingila. ¹⁴ Akalanda kili mwe ba kalemba naba Falise, ba mumbi munda, mukoonaula ama nanda, yaba mukamfwilwa elyo mukopepa amapepo aya tali. Mwakupokelela ukwebaulwa ukukulu. ¹⁵ Akalanda kuli mwe ba kalemba naba Falise, ba mumbi munda, pakweba ati mukokumanya bemba no mulumdu nokucita cintu cimo, nokulenga umwana wa Gehena ukucila mwe imiku ibili. ¹⁶ Akalanda kuli mwe, mwebatabamona po mweba labila ati, uwalapa itempele cili fye; lelo uwalapa golide we tempele, ye wa mulandu. ¹⁷ Muli batumpile kabili abatabamonapo! Cindo icakulapo, golide nangula itempele ilyo ilikolenga golide ukuba uwashila? ¹⁸ Kabila mulabila ati, umuntu nga alapa icilayo paci ntamba cili bwaka lelo ngalaya ica bupe icilipo wa mulandu. ¹⁹ Tamubonapo! cindo icakulapo, pacabupe nangula icitamba icacilapo apa cabupe. ²⁰ Eico, ngo onse walapa icintamba alapa naconse icilipo; ²¹ Kabili ngo onse uwalapa itemepele alapa iyo na onse uwaikalamo; ²² Kabili uwalapa iulu alap[a ici na onse uwaikalapo. ²³ ''Kalanda kuli mwe bakalemba naba Falise, mwe babumbi munda! pantu mulapa icekumi napatunono uto mukwata ukufuma mumabala yenu aafilimwa, nomba, uluse, necicetekelo. ine mulingile ukupa icekumi, nomba mulokulekeleshapo ificindamishe. ²⁴ Mweba malonda impofu mwe mwebashipa akashishi nokumina igamali! ²⁵ ''Klanda kuli mwe, bakalemba naba Falise mwe babumbi munda! pantu musamfya inkomaki kunse ne nsani, nomba mukati mwaisulamo ubunjeshi nobubunushi. ²⁶ Mwebo aba palise impofu baleni muwamye inkomaki mukati nensani pakuti nokunse kube ukuweme. ²⁷ ''Kalanda kuli mwe bakalamba naba Falise, mwe babumbi munda! pantu mwaba kubati nimanda ishi papendako ifibutile, ishi boneka ubune kunse, nomba mukati mwasula bwaka amafupa yabafwile nefyonse ifikowelele. ²⁸ Numusango umo mweka, namwe kunse muboneka abalungami kubantu, nomba mukati mwaisulamo ubumbi munda nabucintonfwa. ²⁹ ''Kalanda kuli mwe, bakalemba naba Falise mwe babumbu munda! pantu mumaka imanda shaba kasesema nokuwanya imanda shabalungami. ³⁰ Mulabila ati nga twaliko munshiku shafikolwe fyesu ngatwaliko munshiku shakolwe fyesu ngatatwa bafwiko ukuswisha kaluba wabakasesema. ³¹ 'Pali nco mulashininkisha namwebene ati muli bana bamo abaipeye bakasesema. ³² Mwe muli bamo beka nefikolwe fyenu. ³³ Mwensokomwe mwebana bafipili, mwaku butuka shani kubupingushi bwakumulilo? ³⁴ Pali nco boneni, nkomutumina bakasesema nabalalume bamano nabakalemba, bamo pali mbo mwakubepaya nokubatanika, nabambi mwakubapamina muma sinagoge yenu nokuba sowa ukufuma mu musumba ukufika mumusumba. ³⁵ Icakufumamo cakweba ati palimwe epakwisa kalubula wabalungami onse uwaswile pano calo, ukutatikila kuli kaubula wakwa abele umulungami, ukufula kuli kalubula wakwa Sekaliya mwana Belekya, uuo mwaipeye pakati kamwashila ila necipailo. ³⁶ Mucine nkolabila kuli mwe mfi fyonse ifintu fyakwisa pali njino nkulo. ³⁷ ''Yelusalemu, Yelusalemu, wewipaya bakasesema nokulasa amabwe mbo abo batuma kulimwe, miku inga eyoyo naesha ukubunganya abana bobe pamo fyeka ifyo inseke ubunganya utwana mumapindo yaiko, nomba tamwaipeleshepo! ³⁸ Boneni, inananda yenu yakushala icibolya. ³⁹ Kanshi nkolabila kuli mwe ati, Tamwakamboncepo ukufuma nduno mpaka mukabile ati ''uushukile ningo uwishila mwishina lya mfumu.''