¹ Yesu kalabila nakambi mumi Lumbe, ² Ubufumu bwakwi uli bwaba kubati ni mfumu imbi iya pe kamishishe umwana umutebeto wa cupo. ³ Katuma ababomfi bakwe mbo abaitilwe ukwisa kumutebeto, nomba tabaishilepo. ⁴ Nakambi imfumu kaituma nabambi ababomfi, kailabila, ''bebeni mbo abetilwe ati, ''boneni ndipekenye ifilyo fya cungulo. Ndipeye ne Gombe shandi ishinmine, nefintu fyonse filite yanishiwe. Iseni kumutebeto,'' ⁵ Nomba taba angilweko kabaya nokuya, umo kaya kwibala lyakwe umbi na ye kaya ku makwebo yakwe. ⁶ Bambi nabo kabekata ababomfi ba mfumu, ukubacita icamusebanya, no kubepaya. ⁷ Imfumu kaifulwa kaituma nabashilikale baiko kabonaula nefipondo nokoca ne misumba yafiko. ⁸ Nomba kailabila kubabomfi baiko ati, Ubwinga bulipekanishiwe,nomba mba aabaitilwe tabalingilepo. ⁹ Eco kamuya pama mpandwa ya nshila nokobola abantu abengi abo mungabanga ukwisa kumutebeto wa bwinga; ¹⁰ Ababomfi kubaya munshila ishi kulu nokubunganya abantu bonse abobasangile, bonse ababipile na baweme. kashi inanda yabwinga kaisulamo abeni. ¹¹ Nomba ulo imfumu yaingile mukulolesha pabeni kaibona umwalume mulya utafwele po ilaya yabwinga. ¹² Imfumu kailabila kuli ati, ''mune, wishile shani muno nangu cakufwala capabwinga? nomba umwalalume ali bwaka celele. ¹³ Elo imfumu yalabile kubomfi ati, ''Mukakeni ngu umwalalume kumaboko nakumolu muposeni nakunse mu cilindi camfishi, nko kwakuba ukulila nokusumanya ameno. ¹⁴ Pantu abantu abengi balitwa, nomba abanini ebasalwa.'' ¹⁵ Elo abaFalise baile nokupangana ifyo ba ngekata Yesu mukulabila kwakwe. ¹⁶ Elo kabatuma abasambi babo kuli Ye, pamo na bena Herodian, kabalabila kuli Yesu ati, ''we musambishi twalishiba ati uli wacine, ulafunda ne nshila yakwa Lesa mucine. Tausakamanapo ilangulushi ilyauli onse, tawakwatapo no musobololo pabantu. ¹⁷ Kanshi twebe ukotontokanuyapo shani? Bushe lifunde ukupa umusonko kuli kaisale nangu awe?'' ¹⁸ Nomba Yesu kaishibile ububi bwabo noku labila ati, Nindo mukonjesesha, mweba bumbi munda? ¹⁹ Ndangeni indalama ya musonko.'' Kabaleta nendalama kuli Ye. ²⁰ Yesu kalabila kulibo ati, ''Cikope cabani neshina mfi?'' ²¹ Kabalabila kuli ye ati, ''fyakwa kaisale.'' elo Yesu alabila kuli bo ati, ''kanshi peni ifya kwa Kaisa kuli Kaisa nefya kwa Lesa kuli Lesa.'' ²² Ulo baumfwile kabapapa. Elo bamushile nokuya. ²³ Pali nkalya kasuba, bombi abasaduke, abalabila ati takwabapo ukubuka, kabesa kuli ye, kabamwipusha. ²⁴ Kabalabila, ''we musambishi Mose kalabila ati,, 'mwalalume kati afwa, utakwetepo mwana, indume yakwe kupyana umulkashi wakwe nokukwata abana ba ndume yakwe. ²⁵ kwali indume cinelubali. Uwakubalilapo aupa elo afwa. Nangu kusha po umwana kasha umukashi wakwe ku ndume yakwe. ²⁶ Nakambi indume yacibili kaicita cimo ceka ne ya citatu, mpaka na kundume ya cinetubali. ²⁷ Panuma yambo bonse, umwanakashi kafwa. ²⁸ Nomba pakubuka akuba mukashi waba ni pandume cine lubali. Pantu bonse kabamupa ko. ²⁹ Lelo Yesu kabasuka no kulabila kuli bo, ''mwaluba pantu tamwaishibapo amalembo nangu ifiso fyakwa Lesa. ³⁰ Pa lwa kubuka kuba fwatakupo kupwa nangu nkuba pa icupo, pakuti ba koba nga ba ngeli bamulu. ³¹ Nomba palwa kubuka ku bafwile, napo tamwapendalapo ifyo balabile kuli mwe nalesa, ukulabila ati. ³² Ninebo Lesa wakwa Abulamu, Lesa wa kwa isaki, nalesa wakwa Yakobo? Lesa te Lesa waba fwilepo, lelo nilesa uwikala.'' ³³ Ulo icibumba caumfwile mfi calipapile kuku sambisha kwakwe. ³⁴ Pantu ulo aba Falisa baumfwile ati Yesu ali batalalikile aba saoluke, kabalongana pamo. ³⁵ Umo uwa palibo, incenshi mumafunde, kaba mwipwisha, bali kumwesha ³⁶ ''Ka sambilisha, mbe funde likulu ilyo bapampa mikile pamafunde ya calo?'' ³⁷ Yesu kalabila kuliye ati, ''Ulo kutemwa Lesa obe no mutima obe onse, no mweo obe namano! ³⁸ Ili efunde ilikulu pamafumole aya kwamba. ³⁹ Ne funde lya cbili nindi -kotemwa abena mupalamano bobe ngefyo mwaitemwa. ⁴⁰ Pali nga fumole abili epashintila onse amafunde na baksasesema.'' ⁴¹ NImba ulo aba Falise bacili balilongene pamo, Yesu kabepusha. ⁴² Kalabila ati, ''Nindo mutontonkanya pali ngu Yesu? Nimwana bani?'' kabalabila kuli ye ati, mwana Dabidi!' ⁴³ Yesu kalabila kuli bo ati, ''Nilwisa Dabidi mumupashi amwita ati shikulu, kalabila. ⁴⁴ Shikulu kalabi;la kuli shikulu wandi, ikala kukuboko kwandi ukwa kulyao. ⁴⁵ Kati Dabidi aita ati, 'mwe mfumu, ''íngaba shani umwana kwa Dabidi?'' ⁴⁶ Takwalipo neli umo, uwa mwasukile ishiwi ta kwali umuntu neli umo uwamwipwishe nakambi ukufuma pali nko kasuba.