¹ Nomba umuntu umbi uweshina Ananiashi, nomukashi wakwe, kabashitisha ici pe, ² Kabili kafisapo shimba nsho bashitishe (Nimukashi wakwe naye kaishibile inci), kabili nokuletapo shimbi no kushitula pamakasa yabasole. ³ Elo Petelo alabile, ''Ananiashi, cindo satana aisushisha umutima obe pakuti ubepe kumupashi uweme kabili no kufisapo shimbi pafi washitishe impanga? ⁴ Ulu yali taingashtishiwapo, tayali po yobe, kabili ulu cashitilwe, tacalipo mu maka obe? Mba ninani iyo uwabikile ngu mulimo mumutima obe? we taubepelepo ku munt, nomba ku Lesa'' ⁵ Ukumfwa nga amashiwi, Ananiashi kapona panshi kabili kapema akakulekesha kakwe, kabili umwenso ukulu kawisa pali bonse mbo abaumfwile inci. ⁶ Aba cilumbwana kabemba no kumupombela nokumudumya panse no kumushika. ⁷ Ulu papitile kubati inshita shitatu, umukashi wakwe kaisa mukati, no ishibapo nefya citikile. ⁸ Petekalabila kuli ye, ''Njeba kati mwalishitishe impanga pali inshi.'' Ye kalabila, ''Ina pali inshi.'' ⁹ Elo Petelo alabile kuli Ye, ''cindo ukuti muli suminishe nye bonse ku kwesha umupashi uwa kwa shikulu? Bona, amakasa yabalumbwana abashikile umulume obe yali pa mulyango, kabili bakokusenda nawe panse. ¹⁰ Ye mpekapo kapona panshi pa makasa akwe kapema akakulekesha kakwe, ulo abalumbwana baishile mukati, kabasanga ye afwa, kabasenda ye panse no kumushika kumbali yamulume wakwe. ¹¹ Umwenso ukulu waishile pa basumina bonse na pali bonse abaumfwile imfi fintu. ¹² Ifingi ifyakubwenakone fyamakankamiko fyalikucitika pa bantu ukupitila muminwe yaba sole., Bali bonse capamo mu cikwama cakwa Solomoni. ¹³ Lelo tapalipo uwakwete ukushipa ukuisanka ukulu kubantu. ¹⁴ Elo abengi baliku ilundako kuli shikulu, chipipya wabalalume na banakashi, ¹⁵ Ica kwebati balikusenda nabalwele munshila no kubabika pa malo na machila, pakuti ulu Petelo asaiko, icinshingwa cakwe nangula kuciponena pali bo. ¹⁶ Elo nakabili ka kwisa capamo impendwa ukulu iya bantu ukudfuma mu misumba na mu yelusalemu, bakoleta abalwele nambalya abalikucushiwa ne imipashi ibipile, nabobonse kabapola. ¹⁷ Nomba nshimapepo mukulu kaima, na bo bonse ablili nakwe (ilili linumba iya basaduke), kabili nabo kabesushiwa na kaso. ¹⁸ Kabili kababika neminwe paba sambi nokubabika mulibucitente mucifungo cabonse. ¹⁹ Elo mu bushiku malaika waku Lesa aiswile ifibi fyamucifungo no kutungulula bo panse, no kulabila, ²⁰ "kamuya mwininine munanda yakulesa nokulabila kabantu bonse amashiwi yangu umweo.'' ²¹ Ulo baumfwile mfi, kabengila munanda yaku Lesa cipi nakumaca no kusambilishi Elu nshi, mapepo mukulu aishile na bali na ya, no kwita iciye pamo, bonse abakulu ba bantu baku Isreali no kubatuma kucifungo kukuya mu kubwesha abantumwa. ²² Nomba bamushika mbo abaile tababa sangilepo mu cifungom kabili kababwela nokwisa kushimika, ²³ "Twasangile icifungo ciliselwe nokucingililwa naba malonda bali minine pamulyango, elo twaiswileko, Tatwasangilepo nangu umo mukati.'' ²⁴ Nomba ulo bo abilishi bananda yakwelesa noba shimapepo abakulu baumfwile nga amashiwi, kaba shimbwa saana palwabo ati kubati findo fyakwisa pali mfi. ²⁵ Elo umo aishile no kubeba, ''Abalalume mbo mwabikile mucifungo bema nine munanda yaku Lesa kabili bakosambilisha na bantu.'' ²⁶ Elo abalinshi baile nabamushika no kuya kubabwesha, ukwabulapo ifimfulunganya, pantu kabatina ati nangula bangabalasa amabwe. ²⁷ Ulu babaletele, kaba batekela icilye. Abakulu babashimapepo kaba balubulwisha, ²⁸ UKwebati, ''Twalimwebele ne funde ukutalo kusambilishapo mulindi ishina, nomba mwaisusha Yelusalemu nama sambilisho enu no kufwaya ukuleta umulopa wakuli ngu muntu palifwe.'' ²⁹ Nomba petelo na batumwa kabasuka, ''Tukofwaya ukumfwile Lesa te ba ntupo iyoo. ³⁰ Lesa wafikolwe kabusha Yesu, uwo mwaipeye ulu mwamukulile pa citi. ³¹ Lesa ka mwimya kaba kukuboko kwakulyo kwakwe pakuti abe mwana mfumu na kalubula kukupa ukulapila kuli Isreali nokube Lela amasambi. ³² Tuli mboni ya mfi fintu, efili nompashi uwelele uwo Lesa apa kuli mbo abomfwilea. ³³ Elo icilye cabantu baumfwile mfi, kabakalipa no kumfwaya ukwipaya abatumwa. ³⁴ Nomba umu Falise uwainikwe Gamailel, umusambishi wa mafunde uwacindi kilwe na bantu bonse, kaima mucilye no ku tuma abasole ukubatwala panse panshita inini. ³⁵ Elo alabile kuli bo, ''mwebaume ba Isreali bikeniko umwibu kufi mukolabila uku cita namba bantu. ³⁶ Pantu kunuma yanshi inshiku, Teudas alimine ukuba umo, nempendwa yabalalume kubati imyanda ine, kaiilunda kuli ye, Ye alipaiwe na mbo abali kumumfwila kababa salanganya no ukuba abacabe -cabe. ³⁷ Ulu papitile ngu muntu, Yunda uwa mu Galili kaimu mu nshiku shakupenda no kutamfya abantu bambi ukufuma kuli ye. Naye kafwa nabo bonse abali kumumfwila kaba basalanganya. ³⁸ Nomba nalabila kuliwe, taluka ukufuma kuli mba abala lume noku baleka beka, pantu nga kuti nga amapange nangula imilimo ya ku buntu yo yaku cimfiwa. ³⁹ Nomba nga ya ku Lesa, tamwakwani shepo ukucimfya bo; mungasangana nokwe bati muko lwishanya na Lesa kanshi kababalulula. ⁴⁰ Elo baitile abatumwa mukati noku bapama no kuba konkomesha ukutalo kulabilapo mwishina lyaku Yesu, no kubaleka baye. ⁴¹ Balifumineko ukuya ne cilye kacilo kusekela ati baali kupendwa abacindami mukuculita ku sulwa pe shina. ⁴² Pa kupita mfi inshiku shonse, munanda yaku Lesa no kufuma munanda ne nenanda, Bali twalililepo ukusambisha nokubila imbila lweme ukwebati Yesu ni cili shitu.