¹ Elo Petro na Yohane bali kulabila ku Bantu, bashimapepo na balinshi ba inanda yaku Lesa naba saduki kabesa pali bo. ² Kababa abakusakamikwa pamulandu wakuti Petro na Yohane kabalo kusambilesha abantu kabili no kulabila pakupapuluka kwa ku Yesu kubamfwa. ³ Kababika amaboko palibo nokubabika muli bucitente mpaka ulucelo, pantu kacili cungulo. ⁴ Lelo abantu abengi abaumfwile ku mbila kabacetekela; kabiline mpendwa yabantu abacetekele nangula amakana yasano. ⁵ Kabwisa ubushiku ubwakokelepo ukweba ati ntungulushi shabo, abakalamba, Yelusalemu kabukemana pamo mu Yalusalemu. ⁶ Anashi shimapepo mukalamba kacipo na caiphasi, na Yohane, na Alexanda naba bonse abali abakwabo waku shimapepo mukalamba. ⁷ Elo kabaleta Petro na Yohane pa kakatibo kababepusha, ''Maka ndo ni mwinshina ndo, mwacitila nfi?'' ⁸ Wena Petro uwaiswilemo umupashi uwanshila kalabila kuli bo, ''mwe ntungulushi shabantu, nabakalamba, ⁹ Kati tuko eshiwa lelo pamulandu wakuta icinto iciweme kuli ngu umuntu umulwele, kabili nefyo ngu umuntu aposhiwile, ¹⁰ Lekni icishibikwe kuli mwe na kubantu bonse aba nu Isreali ukuti ngu umuntu aima kana kulimwe umuntuntulu mwishina lya kwa Yesu Kristu umwina Nazareti, Ngu mwa mwatanike, lelo uo Lesa abushishe ukufuma kubafwa. ¹¹ Yesu Kristu ebwe uo mwebakumaka mwakene lelo ulengwa ukuba ibwe lyapa cinshoko. ¹² Takupo ipusukilo ku muntu naumbi kabili takupo nalimbi inshina panshi ya myulu iya pelwa pa bantu umo mo tungapusukila.'' ¹³ Nomba ilyo bakwene ukupama kwa ku Petro na Yohane elo nokwi ukuti bali abafye abalalume abatasambililapo kabashimbwa, kabesakwiluka ukwebati Petro na Yohane kabali na Yesu. ¹⁴ Pantu Kabona umuntu ngu uwa Polele alimine nabo, tabakwetepo nafimbi ifyakulambila pali nci. ¹⁵ Nomba ulo bakonkobesha abantu mwa ukutuma mu cilye kabasoshanya bekabeka. ¹⁶ Kabalabila, ''findo tuko cita kuli mba bantu? Icinshika cakuti icishibilo ca kubwena cilicitilwe ukupitila mulibo cilishibikilwe kuli bonse abekala mu Yersalemu;l Tekiutitukanepo nci. ¹⁷ Elo musnhi yakafi cisalanganapo nakambi mu bantu, katu ba kalapile uku leka ukulanda nakuli bamba mwi shina ndi.'' ¹⁸ Elo kababeta mukati Nokubajonkebesha ukuleka ukulanda nangula ukusambisha mwishina lya ku Yesu. ¹⁹ Elo Petro na Yohane kabasuka no kulabila kuli bo kati ciweme ku ciso cakwa Lesa uku nakila mwe ukucila Ye, mpinguleni. ²⁰ Fwe tekutitukepo ukulabila palimfi fintu twabona no kumfwa. ²¹ Elu ba twalile ukusokwa Petro Yohane kababalekako kabaya. Mbo balifililwe ukusanga ica kuba panikilapo, nchi bonse abantu kabalo kulumbanya Lesa palifyo acitile. ²² Nungu umuntu uwapitilemo muli ci icishibilo kaci myaka ukupita pa makumi yane. ²³ Panuma yakubakako, Petro na Yohane kabesa ko bantu babo noku bakabila fyonsenfyo ba shimapepo bakulu balabile kuli bo. ²⁴ Ulo baumfwile nfi, kabemya amashiwi yabo no mulimo kuli Lesa na kulabila ati, mwemfumu nkopanga imyulu ne calo capanshi nabemba, na fyonse ifya bamo. ²⁵ Walabile ku mupanshi uwashila ukupitila mukanwa akamusha nshifwe Davidi, cindo ifyalo fya bena fyalo bakalipila, Nabantu belengenya pafintu ifiu takwalepo icinto. ²⁶ Mwelabile,m imfumu shapesonde kanshikala pamo na bakateka kaba kumana pamo ukukwimine imfumu no kwimina Kristu wakwe. ²⁷ Nkacine, Bonse Herodi na Pontios pilato, pamo nabakufali na bantu baku Isreali, kabungana bonse muli ngu musumba ukwiminina uwamushilo umunsha Yesu ngo uo mwasubile. ²⁸ Kababungana pamo ukucita fyonse ilyo iminwe yabo namapange aba balangulukile kabela ukucita. ²⁹ NOmba mwemfmu, lelosheni pafyakulapila kwabo nokupela kulu mwe ifyo ababomfi balabile ne cebo cenu na maka. ³⁰ Ololeni iukuboko kwe nu mukuposha namukepela ifishibilo ne fipapwa ukupitila mwishina ulya mu bomfi wenu uwashila Yesu.'' ³¹ Ulo ba kwete ukupepa, pancende mpalya apo babunganine bonse kapatekana, Na bonse kabesulamo no mupashi uwashila no kulabila icebo caku Lesa na maka. ³² Nomba impendwa iya ba cetekele no mutima umo no, Tapali po nangu uwalikulabila ati fyonse ilyo akwefe tyakwe, lelo kabakwete fyonse fimo capamo. ³³ Namaka aukulu abatumwa kabalo kushimikabukamboni pa lwa ku pupuluka kwa mfumu Yesu, ne nkumbo ishakuti shali palibo bonse. ³⁴ Tapalipo umuntu nangu umo pali uwa kubilisha iciliconse, pantu mbo abakwete impanga nangula inanda kabashitisha nokuleta indalama kuli ifibashitishe, ³⁵ Nokushikapamakasa ya batumwa kabili kabapako kuli umo ukulingana ne fi balikumfwaya. ³⁶ Yosefe, uo abatumwa balikwita banabas ( ili bapilibula ati mwana uwacikoselesho, umwina Levi, umuntu uwafuma Cyprus, ³⁷ Kanshitisha ibala ilyali ilyakwe kalewta nendalama no kubika pakasa shabatumwa.